Diutronomi 6:6 - Buka Blahi Ka Cheke Holo

⁶ Ghotilo mala au gaoghathomi fabrahu ka cheke te tusu ari iara ka ghotilo gognarogne.

Diutronomi 6:6 ပူးပေါင်းရင်းမြစ်များ

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Proveb 7:3

Ghathoni fabrahu nogu cheke iara igne, rioriso lamna ka nagnafamu na.

Diutronomi 11:18

“Ghotilo mala iju polodi nei ghaoghathodi eghu nogu cheke iara igre. Ghotilo rioriso soru cheke igre, eghuteuna haru famaku jateula kaisei tuthuana eghu ka khamemi nei ka greremi teu are.

Nodi Khoje Hatimare Mae Jiu 37:31

Vetula nogna God na au ka nagnafagna mana na, eghuteuna mana tangomana te leghuni God nei theome tangomana te ghathoni iho u vetula igne.

Fapea Korin 3:3

Eghuteuna naiknore thofno laseni igne, ghotilo jateula letas teke risoni Kraes hata teke ari ghehati ia eghu. Letas igne Kraes neke theome rioriso ka ink, nu ka Tharunga gna God mae ihei te karha te tifa teke rioriso na. Eghuteuna mana neke theome rioriso ke kligna thina te tataba, nu neke rioriso ke lamna nagnafami ghotilo re.

Diutronomi 32:46

mana ne cheke eghu, “Ghotilo ghatho fakelidi cheke te gnafa te farirhiu ghami iara gognarogne. Ghotilo mala farirhiudi thumire mala leghudi mare nogna vetula Lord ka buka na igre.

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Profet Isaia 51:7

“Ghotilo iheire te leghuni puhi te doglo na, nei ghotilo iheire te loku famaku chekegu iara na ka nagnafamire teu ra, thosei mhaghudi naikno te maꞌe ghami nei cheke fadiꞌa ghami teu are.

Luku 8:15

Nu sisi te soru kau glose te keli igre eidi iheire te fanomho ka cheke na, eghuteuna loku famaku ka nagnafadi te klino nei tutuani teure. Eghuteuna mare leghuni chekegna God na ne heta ghedi ne ghilei au sisi te keli.”

Proveb 3:5

Iagho fatutuani heta ka Lord. Thosei rouronu ka nou glalase themu.

Luku 2:51

Mae Jisas neke pulo baludi repa Nasaret. Mana ne leghudi unha te chekedi repa re. Eghuteuna idogna mana na ne ghaoghatho eidi unha teke edi re ne tathaji u cheke igre ka nagnafagna na.

Nodi Khoje Hatimare Mae Jiu 119:98

Nou cheke iagho ra au fabrahu ka iara nei tusu mei gaoghatho te keli ka iara. Eghume, gaoghathogu iara re uludi fara nodi gaoghatho nogu naoka re.

Nodi Khoje Hatimare Mae Jiu 40:8

Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Fapea Jone 1:2

Uve kheraguro, ghehati namha ghami ghotilo naugna u Nonomho te Keli eigna mae Jisas Kraes te au fabrahu ka nagnafadare.

Jenesis 18:19

Iara neke vahini mae Ebraham gne mala thofno mae kheragu thegu neku. Eghume iara ginauna na cheke thakleni ka mae Ebraham nate roꞌeni iara namono biꞌo Sodom gne mala cheke mana ka goro thugna nei vikegna teu igre mala leghuni puhigna Lord na. Iara na eni igne mala au fakeli, nei doglo eghu naiknore. Eghuteuna kate filoni iara vikegna mae Ebraham te thofno leghuni puhigu iara na, iara ginauna na tusu ranghini mae Ebraham unha teke nhaꞌa chekeni iara ka mana na.”

Fapea Samuel 22:23

Iara leghudi koba nogna vetula manare. Iara theome huhughudi nogna cheke manare.

Diutronomi 11:20

Eghuteuna ghotilo mala rioriso ka phei khegradi nomi grengathadi suga re, nei ka grengathadi nomi namono re eghu.

Nodi Khoje Hatimare Mae Jiu 119:13

Iara ginauna toutonu eidi nou vetula iagho teke chekedi iagho ka ghehati ra.

Nodi Khoje Hatimare Mae Jiu 119:30

Tutuani, iara neke kulu vahinihi te mala leghu nigho na, nei iara la lasedihi nou vetula iagho ra.