Diutronomi 6:3 - Buka Blahi Ka Cheke Holo

³ Eghume, ghotilo Israel, ghotilo fanomho fakeli ka vetula igre, eghuteuna famane leghu fakelidi. Jame te eghu ghotilo na, ghotilo ginauna au fakeli, eghuteuna ghotilo ginauna na vuragha ka famane glose igne, jateula Lord nodi God kuꞌemi ghotilo teke nhaꞌa cheke ka ghotilo ra.

Diutronomi 6:3 ပူးပေါင်းရင်းမြစ်များ

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Eksodas 3:8

Eghume iara na soru mala fakarhidi ka nodi nolaghi naiknodi Ijep eghuteuna batu fajifladi ka namono igne. Iara ginauna athadi tei ka kaisei namono te krepa nei keli eghu, eghuteuna glosegna na thono keli fara, eghuteuna leuleghu fata na au kmana gano fara. Namono igne gognarona, vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus eghu te au teu tagna na.

Jenesis 28:14

Vikemu iagho igre ginauna na kmana fara jateula gaughavu glose eghu heva heva ke mosu ba ke maghati ba ke mata ba ke raru eghu ka nauthoglu igne. Eghuteuna naikno te gnafa ka nauthoglu igne ginauna na tore ghau iara mala fablahidi jateula te fablahidi iara vikemu iagho gre eghu.

Jenesis 26:4

Iara ginauna na snakre ari ka iagho kmana vike mala jateula nathunu te filodi iagho te theome naba te kahadi ka maloa na are eghu. Eghuteuna iara ginauna na snakre lao namono te gnafa igre ka mare. Naikno te gnafa ka nauthoglu igne ginauna na tore ghau iara mala fablahidi jateula teke eni iara ka vikemu iagho gre eghu.

Jenesis 15:5

Aonu Lord ne hata fajiflani mae Ebram kosi ne cheke eghu ka mana, “Filo haghe sagho ka maloa na. Jare na kmana nathunu fara te theome naba kaisei naikno te kahadire, eghume vikemu iagho re ginauna na jateula nathunu tuare eghu kmana fara.”

Mae Khuru 7:17

“Kate namo thoke mei narane tutuani teke nhaꞌa cheke God ka mae Ebraham ia, naiknore ne thovu nei kmana fara neu jare Ijep.

Profet Isaia 3:10

Ghotilo cheke ka iheire te leghuni puhi te doglo na, eigna Lord ginauna fablahidi mare, naugna mare ne edi glepo te kelire.

Eklesiasti 8:12

Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Diutronomi 4:6

Eghuteuna ghotilo mala famane leghudi nei faꞌuvedi eghu vetula igre, eghuteuna ka puhi tuare te mala fakakhana ka keha naiknore te ghaoghatho fakeli fara nei lalase fara teu ghotilo na. Eghuteuna kate nomhidi mare vetula igre mare ginauna cheke eghu, ‘Tutuani fara, naiknodi Israel igre au tadi gaoghatho te keli na nei glalase na eghu!’

Eksodas 1:7

Nu naiknodi Israel igre ne au kmana thudi ne vuragha fara nei nheta fara neu heva heva jare Ijep.

Jenesis 13:16

Iara ginauna na eni thumu iagho gre mala vuragha e thovu fara jateula nusu eghu. Jame la kahadi ngau mare u nusu igre ame tangomana nga mare te kahadi thumu iagho gre eghu!

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Eksodas 3:17

Eghuteuna iara neke nhaꞌa chekehi mala atha fajifla ghami ghotilo ka nakarha te ninhigrana ka namono igne. Iara ginauna hata ghami tei ka kaisei namono te keli fara glosegna na, eghuteuna leghu fata na au kmana gano tagna. Igne nodi namono vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus.’

Diutronomi 4:40

Ghotilo mala leghudi nogna cheke nei vetula teu mana te chekedi iara ka ghotilo gognaro igne. Eghuteuna jame te eghu ghotilo na, ghotilo ginauna au ka nakarha te keli, eghuteuna thumi ghotilo baludi goro sua nate karha mei ke leghumi ghotilo re, ginauna jaola au ka nakarha te keli. Eghuteuna ghotilo ginauna au raugha ka glose teke tusu ari Lord na mala khotogna fabrahu ghotilo.”

Profet Jeremaea 7:23

Nu iara neke cheke faheta eghu ka mare, ‘Jame fanomho fakeli ghotilo ka iara, nei leghu fakelidi ghotilo gobigna lepo te chekedi iara igre meuna, iara ginauna nomi God ghotilo eghuteuna ghotilo nogu naikno iara. Eghuteuna iara ginauna tusu ari nakarha te keli ka ghotilo.

Profet Jeremaea 42:6

Eghume, ghehati tore nigho iagho mala tarai ka mana eimi ghehati. Eghuteuna neuba Lord noda God ne tusu mei cheke tughu te gle'ani ba te theome gle'ani ghehati na, nu ghehati ginauna leghuni ngala. Naugna jame te leghuni mana ghehati na, ghehati ginauna au fakeli nomi fabrahu.”

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Diutronomi 8:8

Glose igne au nagare wit nei bali, nei sisi grep, nei sisi pomegranet, nei gaju fig, nei gaju oliv, nei jaola au kmana jurukuli.

Diutronomi 11:9

Eghuteuna ghotilo ginauna tangomana te au raugha ka thofno glose te keli teke nhaꞌa cheke Lord ka kuꞌemi ghotilo ra nei ka ghotilo vikedi mare ra.

Diutronomi 26:9

Mana hata mei ghami ka namono igne, eghuteuna mana tusu ranghi ghami glose te thofno keli fara, eigna glose igne au kmana gano tagna.

Diutronomi 26:15

Iagho au kligna ka nou vido blahi na. Filo soru sagho ka ghehati naiknomi Israel, mala fablahi ghami, nei fablahini famane glose te keli tela tusu meihi iagho ka ghehati jateula teke nhaꞌa chekeni iagho ka kuꞌemi ghehati tifa ra.’ ”

Diutronomi 31:20

Iara ginauna hata teidi ka glose te thofno keli fara teke nhaꞌa cheke iara ka kuꞌemi ghotilo tifa ra. Eghuteuna kate au mare tagna na, mare na au ghedi kmana gano, eghuteuna mare ginauna glealeꞌa fabrahu. Neuba mare ginauna nake figri ke tarai nei pogho soru eghu ka keha god delei na figri tagru ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Nodi Khoje Hatimare Mae Jiu 119:4

Lord God, iagho neke tusu meihi nou famane chekere ka ghehati, nei cheke ranghi ghamihi te mala leghudi u cheke igre.