Diutronomi 6:24 - Buka Blahi Ka Cheke Holo

²⁴ Eghuteuna Lord noda God neke cheke faheta ka tahati mala leghudi vetula igre, nei ghatho tahuni Lord. Ka puhi igne, mana ginauna fablahi ghita fabrahu nei reireghi fakelidi nakarhada, jateula te eni mana ka tahati gognarogne eghu.

Diutronomi 6:24 ပူးပေါင်းရင်းမြစ်များ

Profet Jeremaea 32:39

Eghuteuna iara ginauna toghodi mare mala kaisei loku fodu ka kaisei nodi gaoghatho ka unha nate eni mare na. Leuleghu fata na mare te gnafa na mala ghatho tahu ghau iara ka nakarhadi na, eghuteuna mare balu thudi nate karha mei ke leghudire tangomana nate au fakeli na.

Nodi Khoje Hatimare Mae Jiu 41:2

Lord ginau reireghini nei bara fothini eghu nakarhagna na. Lord ginau toghoni mana mala au fakeli ka namonogna na. Eghuteuna God ginau theome snakreni mana ka khamedi nogna naokare.

Profet Isaia 3:10

Ghotilo cheke ka iheire te leghuni puhi te doglo na, eigna Lord ginauna fablahidi mare, naugna mare ne edi glepo te kelire.

Letas Teke Riso Tei Mae Pol Ka Khiloau Rom 10:5

Mae Moses neke rioriso eigna u vetula te mala toghodi naiknore te mala au doglo ka tathagna God na. Mana neke cheke eghu, “Ihei te leghudi fabrahu unha te gnafa te chekeni ka vetula na mala au doglo ka tathagna God, mana ginauna au fabrahu tifa tifa.”

Diutronomi 8:1

Aonu mae Moses ne cheke eghu, “Ghotilo mala thofno leghu fakelidi vetula te gnafa te tusu ari iara ka ghotilo gognaro igre. Jame te leghudi ghotilo cheke igre na, ghotilo ginauna karha nei thovu eghu, eghuteuna ghotilo ginauna tangomana te hata te khotogna glose teke nhaꞌa cheke Lord ka kuꞌemi ra.

Diutronomi 4:1

Mae Moses neke cheke eghu, “Ghotilo naiknomi Israel ra fanomho fakeli ka cheke nei vetula eghu nate farirhiu ghami iara igre. Eghuteuna jame te leghudi ghotilo cheke nei vetula teu igre na, Lord nodi God kuꞌemi ghotilo tifa ra mana ginauna fakarhi ghami, eghuteuna ghotilo ginauna tangomana nate tei te hata glose tarabana teu te mala tusu ari ka ghotilo.

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Proveb 22:4

Jame te au fapari nigho themu nei ghatho tahuni Lord teuna, iagho ginauna dedei, fnakno nei au ka nakarha te keli.

Proveb 9:12

Jame te au ka iagho gaoghatho te keli na, iagho ginauna gleale'a. Nu jame te tirouni iagho gaoghatho te keli na, iagho ngala nate au papara ginauna.

Nodi Khoje Hatimare Mae Jiu 66:9

Mana reireghi fakelidi nakarhada tahati re, eghuteuna mana theome snakredi noda naokare mala tapla soru ghita.

Diutronomi 8:3

Uve, mana neke magnahaghei te fariuriu ghami ghotilo neke rofo eghuteuna faghamu ghami ka ‘manna’, kaisei gano te theome laseni ghotilo nei kuꞌemi ghotilo tifa ra. Mana neke eni igne mala farirhiu ghami ghotilo te naikno na theome tangomana te karha ka gano kolho, nu tahati karha ka cheke te gnafa te mei ka foflogna Lord.

Diutronomi 4:4

Nu, ghotilo iheire teke ghatho tahuni Lord nomi God ra, ghotilo kafe karha teu gognaro gre.

Luku 10:28

Mae Jisas ne cheke eghu ka mana, “Uve, nou cheke tughu iagho igne doglo fara. Te eni iagho igne na, iagho ginauna hatini karha fei tifa na.”

Eksodas 20:20

Mae Moses ne cheke eghu, “Thosei mhaghu, God na mei mala fariuriu ghami ghotilo kolho, eghume ghotilo mala ghatho tahuni Mana eghuteuna ghotilo mala thosei eni kaisei nakhibo eghu.”

Diutronomi 6:23

Mana neke hata fajifla ghita Ijep, eghuteuna mana hata mei ghita agne ka glose teke nhaꞌa chekeni mana ka kuꞌeda tahati ra.

Diutronomi 6:2

Ghotilo, baludi thumi nei grami teure mala ghatho tahuni fabrahu Lord nomi God ka puhi te leghudi ghotilo cheke nei vetula eghu te chekedi iara ka ghotilo gognaro igre. Jame te eni ghotilo igne na, ghotilo ginauna au ka nakarha te brahu.

Nodi Khoje Hatimare Mae Jiu 41:3

Kate fogra mana na, Lord ginau reireghini nei fakelini eghu mana.