Diutronomi 6:20 - Buka Blahi Ka Cheke Holo

²⁰ “Nathuꞌu nauriha na thumi ghotilore ginauna ghusna eghu ka ghotilo, ‘Naugna unha si Lord, noda God tahati gne te cheke ranghi ghita tahati te mala leghudi farirhiu nei cheke nei vetula teu igrea?’

Diutronomi 6:20 ပူးပေါင်းရင်းမြစ်များ

Eksodas 13:14

“Nathuꞌu nauriha na, thumi ghotilo re ginau na ghusna eghu ka ghotilo, ‘Unha eghu gaoghathodire si puhi igrea?’ Ghotilo cheke eghu ranghidi, ‘Ghehati neke au sosolo jare Ijep, eghuteuna Lord neke fakarhi ghami ghehati ka nogna nolaghi biꞌo na neke atha mei ghami ghehati agne.

Eksodas 12:26

Thumi ghotilo re ginau na ghusna eghu ka ghotilo, ‘Unha eghu gaoghathogna na si u gaghamu ignea?’

Proveb 22:6

Farirhiudi suare mala leghuni puhi te doglo na, kate biꞌo haghe na, mare ginauna na theome ghatho ihoni farirhiu tuana.

Diutronomi 6:7

Farirhiudi koba thumi re. Cheke eidi glepo igre kate au teu ka suga, ba kate nolo ka nabrou, ba kate thuru sukha, ba kate kegra haghe.

Eksodas 13:8

Kate thoke mei narane biꞌo igne na, iagho cheke eghu ranghini mae thumu na, ‘Ghehati eni igne, naugna Lord neke togho ghami ghehati neke rikha Ijep.’

Diutronomi 4:9

“Nu fiofilo ghami eghu! Na eghunu ghatho ihodi ghotilo glepo tela filo tathamihi igre eghu. Leuleghu fata ka nakarhami re, ghotilo mala ghathodi glepo igre. Eghuteuna ghotilo mala farirhiudi thumi are nei grami te ikodi are eghu.

Diutronomi 6:19

Ghotilo ginauna ngolhi fajifladi naoka te au ka glose igne jateula teke chekenihi Lord ia eghu.

Diutronomi 6:21

Ghotilo ginauna cheke eghu ranghidi, ‘Tifa na ghehati neke nogna sneka king gna Ijep. Nu Lord neke mei fakarhi ghami ghehati Ijep ka nogna nolaghi biꞌo na.

Nodi Khoje Hatimare Mae Jiu 44:1

God, glepo biꞌo teke edi iagho ranghidi ku'emi ghehati tifara, mare la toutonuhi ka ghehati la nomhidihi ghehati themi.

Eksodas 10:2

Iara neke eni igne naugna iara magnahaghei nigho iagho teke toutonu ranghidi thumu nei gramu teu ra eidi u kofubobhoi tela diꞌanagnafa nei mamaja telau mae Ijep gre. Eghume ghotilo te gnafa na ginau na laseni te iara ngala Lord na.”