Diutronomi 6:14 - Buka Blahi Ka Cheke Holo

¹⁴ Ghotilo thosei pogho soru ka nodi god keha naiknoi te au faligoho ghami ghotilo are,

Diutronomi 6:14 ပူးပေါင်းရင်းမြစ်များ

Profet Jeremaea 25:6

Ghotilo thosei leghudi nei pogho soru ranghidi eghu keha mumuju god teke sari themi are. Jame te edi ghotilo tuare na, iara ginauna diꞌatagu fara ka ghotilo. Nu jame te leghuni ghotilo unha te cheke iara igne na, iara ginauna na theome para ghami ghotilo.

Ululahu Jone 5:21

Uve thuguro, reireghi fakeli ghami themi ka mumuju are. Me gnafa. Iara, mae Jone.

Diutronomi 8:19

“Iara cheke fadoglo ari ka ghotilo gognarona, jame te ghatho ihoni ghotilo Lord nomi God na, eghuteuna leghudi keha god delei, eghuteuna tarai nei tufru soru tadi teuna, Lord ginauna thofno goigoni ghami fara ghotilo.

Diutronomi 11:28

Nu jame te tiromi leghudi ghotilo nogna cheke Lord nomi God te figri tagruni mana te tei leghudi keha god delei teke theome lasedi ghotilore, mana ginauna ei puhi biꞌo mala mei thoke ghami ghotilo.

Eksodas 20:3

“Thosei ghatho tahuni kaisei god delei, kaisei Iara ngala te mala ghatho tahu ghau ghotilo na.

Nodi Khoje Hatimare Mae Jiu 44:20

Nomi Lord, jame te theome pogho soru nigho, nei tarai ghehati ka mumuju teuna,

Profet Jeremaea 7:6

Ghotilo thosei faparini ihei te mei funugna ka kantri delei te mei au balumi ghotilo, baludi goro sua tela lehehi idodi ba kmadi, nei baludi goro naikno biꞌo tela lehehi khetodire. Ghotilo thosei faleheni ihei te theome eni kaisei najafra. Ghotilo thosei tarai ka mumuju god, naugna nafnata puhi igne ginauna goigoni ghami ghotilo.

Profet Jeremaea 35:15

Kmana fata iara kuru mei nogu mae gloku, hatimare mae profet. Mare mei toutonu koba ka ghotilo nogu cheke iara na. Mare cheke eghu koba ka ghotilo, “Ghotilo te gnafa na mala koko puhimi te diꞌare mala leghuni puhi te doglo na. Ghotilo thosei leghudi nei tarai eghu ka keha god are. Jame te eghu ghotilo na, ghotilo ginauna na au fakeli ka glose teke tusu lao iara ka mae kuꞌemi ghotilo tifa ra.” Nu leuleghu fata na ghotilo tiromi fanomho ka nogu cheke iara igre, nei tiromi leghu ghau iara.

Diutronomi 5:7

Thosei ghatho tahuni kaisei god delei, kaisei Iara ngala te mala ghatho tahu ghau ghotilo na.

Josua 23:7

Ghotilo thosei fofodu baludi naikno bongihehe te au teu balumi ghotilo are. Eghuteuna ghotilo thosei tarai ka nanghadi nodi god mare tuare. Eghuteuna ghotilo thosei baubahu tadi ba loku ranghidi ba pogho soru ranghidi.

Fapea Kings 17:35

Lord neke eni kaisei nhaꞌa cheke baludi naiknodi Israel gre neke cheke eghu ka mare, “Thosei tarai ka keha god delei: thosei pogho soru tadi ba loku ranghidi ba fafara tadi.