Diutronomi 6:10 - Buka Blahi Ka Cheke Holo

¹⁰ Aonu mae Moses tudu ne cheke eghu, “Lord, nomi God ghotilo igne neke nhaꞌa chekehi ka Ebraham, ka Isak nei ka Jekop, thilo kuꞌeda tahati ra, mala tufa glose ka ghotilo. Glose igne au famane namono teke theome horo nga teku ghotilo ra.

Diutronomi 6:10 ပူးပေါင်းရင်းမြစ်များ

Josua 24:13

Iara teke tusu ari glose igne ka ghotilo baludi gano teke theome kmusa ghotilo ka joꞌudire. Eghuteuna iara jaola neke tusu ari namono igre ka ghotilo teke theome kmusa ghotilo ka babanadi re. Gognarona ghotilo au ka glose igne, eghuteuna ghotilo ghamu sisi grep teke theome kmusa ka glokudi re. Eghuteuna ghotilo jaola hata sisi oliv teke theome kmusa ghotilo ka joꞌudi re.’ ”

Nodi Khoje Hatimare Mae Jiu 105:44

Mana ne snakre lao nodi glose keha naiknore ka nogna naikno thegnare, nei mare jaola hata maladi thedi nagare re.

Nehemaea 9:25

Mare magra ne hata namono ringni te lithui ka thina nei glose te thofno keli fara teu igre. Mare neke hata suga te fodu ka famane glepo te keli nei seu teke dokhahi naikno teke au ka namono igne, nei nagare grep, nei nagare oliv, nei keha gaju te ure kmana sisi te keli tadi. Mare ghamu kmana gano fara ne ghilei blokha fara. Eghuteuna leuleghu fata na mare glealeꞌa fara ka glepo teke tusu lao iagho ka mare igre.

Nodi Khoje Hatimare Mae Jiu 78:55

Aonu kate theome posa nga teu naiknore ka vido tuana, mana neke brue fajifladi naikno bongihehe teke kulu au teku jare re. Aonu mana ne tufa nodi glose naikno bongihehere ka naiknodi Israel, eghuteuna snakredi nogna naikno thegnare mala ke khotodi nodi suga tapuale naiknore.

Jenesis 26:3

Iagho au ngala ka namono igne, eghuteuna iara ginauna na au balumu iagho nei taji fakeli nigho iagho eghu. Iara ginauna na snakre ari ka iagho nei ka vikemu iagho gre eghu namono te gnafa igre. Iara ginauna na farerheta nogu nhaꞌa cheke teke eni iara tifa ka mae kmamu iagho Ebraham ia.

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Jenesis 28:13

Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Diutronomi 9:1

Aonu mae Moses ne cheke eghu, “Naiknomi Israel, ghotilo fanomho fakeli! Gognarona ghotilo namo kasa ka Khoꞌu biꞌo Jordan mala tei hata glose na ka naikno te nheta ulu ghami ghotilo. Nodi namono re biꞌo fara, eghuteuna gringni thina te bara te lithui na thono haghe fara.

Diutronomi 19:1

Mae Moses ne cheke eghu, “Lord nomi God ghotilo igne, mana ginauna goigonidi naikno te au ka glose teke tusu ari mana ka ghotilo are. Eghuteuna ghotilo ginauna ngolhi fajifladi naiknore eghuteuna ghotilo hata nodi namono nei nodi suga teu mare re mala au jare.

Diutronomi 31:20

Iara ginauna hata teidi ka glose te thofno keli fara teke nhaꞌa cheke iara ka kuꞌemi ghotilo tifa ra. Eghuteuna kate au mare tagna na, mare na au ghedi kmana gano, eghuteuna mare ginauna glealeꞌa fabrahu. Neuba mare ginauna nake figri ke tarai nei pogho soru eghu ka keha god delei na figri tagru ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Diutronomi 1:8

Igne namono teke nhaꞌa cheke iara teke tusu lao ka thilo kuꞌemi ghotilo tifara, Ebraham, Isak nei Jekop, baludi iheire nate karha mei ke leghudi thilo mare. Gognarona ghotilo tei hata namono igne, nomi ghotilo.”

Diutronomi 6:18

Ghotilo mala edi unha te keli nei doglo ka tathagna Lord. Jame te eni ghotilo igne na, ghotilo ginauna tangomana te au ka nakarha te keli, eghuteuna ghotilo ginauna tangomana te tei hata glose teke kulu nhaꞌa chekenihi Lord ka kuꞌemi ghotilo ra.

Diutronomi 6:23

Mana neke hata fajifla ghita Ijep, eghuteuna mana hata mei ghita agne ka glose teke nhaꞌa chekeni mana ka kuꞌeda tahati ra.

Diutronomi 8:12

Eghuteuna ghotilo faghuai eghu ka narane te au ghemi kmana gano te keli ba horo nomi famane suga te mala thuru tagna na.