Diutronomi 5:5 - Buka Blahi Ka Cheke Holo

⁵ Ka narane tuana iara neke kegra fari hoteimi ghotilo nei Lord, eghuteuna iara neke cheke ka ghotilo cheke teke chekedi Lord re, naugna ghotilo neke mhaghu fara ka khaꞌaghi igne neke theome tangomana tei kegra ka thogele na. “Eghuteuna Lord neke cheke eghu,

Diutronomi 5:5 ပူးပေါင်းရင်းမြစ်များ

Galesia 3:19

Eghume mala unha si vetula gnea? God neke salo fodu u vetula igne mala thakle u najafra teke edi naiknore. God magnahagheni vetula igne te au teu te ghilei thokeni u narane meigna mae Thugna teke nhaꞌa chekeni ka mae Ebraham na. Hatimare mae engel neke tusu mei u vetula igne ka mae Moses mae ihei teke toutonuni tifa ka naiknore.

Eksodas 19:16

Hamerane ka fatilo narane na, mare ne filoni te phae nakafli biꞌo na, eghuteuna fila na ne poha, eghuteuna khoveo biꞌo ne toku tafru thogele igne. Eghuteuna naiknore jaola ne nomhini naoglagna khufli na mala laseni God te mei sighodi nogna naiknore. Eghuteuna iheire te gnafa teke au ka vido igne ne thofno mhaghu nodi fara ne fififri fara.

Hibru 9:24

Mae Kraes theome ruma ka suga tapuale teke hohoro kolho ka khame naikno te thotoghale gna kolho chogho aheva te au God na. Theo. Nu mana gognaro na la rumahi kligna ka vido aheva te au God mala cheke ka God eida tahati.

Profet Jeremaea 30:21

Kaisei mae ka mare thedi nate king te mala funei frunidi mare na. Iara ginauna atha meini mae igne mala mei namo ka iara. Naugna mare theome tangomana te mei thedi te namo ka iara na.

Nodi Khoje Hatimare Mae Jiu 106:23

Aonu te chekeni God na, mana ginauna roꞌedi nogna naiknore. Nu mae Moses, mae ihei teke vavahi thegna Lord na ne theome magnahagheni gaoghathogna God na. Aonu mana ne kegra ke ulugna God ne fanograni te diꞌatagna mana ka naiknodi Israel re.

Diutronomi 5:27

Tei sagho themu mala fanomho fakeli ka unha te chekeni Lord na. Aonu, iagho ginauna tangomana te mei toutonu ka ghehati gobigna lepo teke chekedi Lord, noda God. Eghuteuna ghehati ginauna tangomana te nomhidi nei leghudi.’

Naba 16:48

Eron kegra fari hoteidi naikno te lehe nei karha teure, eghuteuna fogra te diꞌa igne ghosei ne snoto.

Jenesis 18:22

Aonu phei mae ka thilo mae igre kegra haghe ne tei Sodom. Eghuteuna Lord na ne au neu balugna mae Ebraham.

Eksodas 19:21

eghuteuna Lord ne cheke eghu ka mana, “Moses, ke soru sagho, thosei snakredi naiknore mala mei salaꞌuni nohi cheke faheta ka naikno teke lilisei iagho igne, mala theome tangomana mare te filo ghau iara Lord. Jame te mei salaꞌuni mare nohi igne na, kmana naikno ka mare ginauna lehe.

Eksodas 19:25

Aonu mae Moses neke soru ka naiknore ne chekedi glepo teke chekedi Lord ka mare re.

Fapea Kings 18:4

Mana paꞌe nodi Sugablahi te mala tarai mare ka mumuju na, eghuteuna rofo soru nodi thina te brahu fara na, eghuteuna kato soru mumuju gna gaꞌase Asera na. Eghuteuna mana jaola kina ruaruja mogo teke eni mae Moses ka bras tifa igne. Mogo igne mare kiloni, “Nehustan, ba mogo neke horo ka bras.” Mana eni igne naugna naiknore tei neke gahu insens koba ka mumuju gna mogo na.