Diutronomi 5:33 - Buka Blahi Ka Cheke Holo

³³ Ghotilo mala leghudi mare gnafa. Eghuteuna jame te eni ghotilo igne na, nakarhami ghotilo re ginauna keli fara, eghuteuna ghotilo ginauna tangomana te au raugha ka glose nate au ghotilo tagna na.”

Diutronomi 5:33 ပူးပေါင်းရင်းမြစ်များ

Profet Jeremaea 7:23

Nu iara neke cheke faheta eghu ka mare, ‘Jame fanomho fakeli ghotilo ka iara, nei leghu fakelidi ghotilo gobigna lepo te chekedi iara igre meuna, iara ginauna nomi God ghotilo eghuteuna ghotilo nogu naikno iara. Eghuteuna iara ginauna tusu ari nakarha te keli ka ghotilo.

Diutronomi 4:40

Ghotilo mala leghudi nogna cheke nei vetula teu mana te chekedi iara ka ghotilo gognaro igne. Eghuteuna jame te eghu ghotilo na, ghotilo ginauna au ka nakarha te keli, eghuteuna thumi ghotilo baludi goro sua nate karha mei ke leghumi ghotilo re, ginauna jaola au ka nakarha te keli. Eghuteuna ghotilo ginauna au raugha ka glose teke tusu ari Lord na mala khotogna fabrahu ghotilo.”

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Diutronomi 10:12

Aonu mae Moses ne cheke eghu, “Ghotilo naiknomi Israel. Unha te magnahaghei eni ghotilo teu Lord nomi God ghotilo na? Ghotilo mala ghatho tahuni nei leghuni eghu puhigna mana na, eghuteuna tahati mala namhani nei loku ranghini eghu mana ka nagnafada fateote'o nei ka gaoghathoda fateote'o.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Letas Teke Riso Tei Mae Pol Ka Khiloau Rom 2:7

Iheire ngala te edi koba gloku te keli, nei iheire te magnahagheni God te fafnaknoni nanghadi, nei ghatho tahudi, nei toghodi mala theome lehe tifa te tifa. Igre ngala God nate tusu ranghidi u thofno karha tutuani te theo ka huigna.

Nodi Khoje Hatimare Mae Jiu 119:6

Jame te fanomho fakeli iara ka nou famane cheke iagho re meuna, naiknore ginauna theome tangomana te famamaja ghau iara na.

Diutronomi 5:29

Filo sagho, jame au fabrahu ka mare gaoghatho igne meuna, ginauna thofno keli fara. Iara magnahaghedi fara mare te ghatho tahu ghau iara fabrahu eghuteuna leghudi nogu vetula iara re. Naugna jame te eni mare na, nakarhadi mare nei thudire teure ginauna thofno keli fabrahu.

Efesus 6:3

aonu gobigna lepore ginauna keli ranghi nigho nei mala tangomana iagho te karha te tifa na ka nauthoglu igne.”

Eksodas 20:12

“Ghatho tahudi idomi kmami are, nei leghudi nodi cheke re eghu. Jame te eghu ghotilo na, ghotilo ginau na theome ghosei lehe, thono theo fara. Ghotilo ginau na karha fabrahu tifa tifa ka glose teke tusu ari iara Lord nomi God ghotilo igne.

Diutronomi 4:1

Mae Moses neke cheke eghu, “Ghotilo naiknomi Israel ra fanomho fakeli ka cheke nei vetula eghu nate farirhiu ghami iara igre. Eghuteuna jame te leghudi ghotilo cheke nei vetula teu igre na, Lord nodi God kuꞌemi ghotilo tifa ra mana ginauna fakarhi ghami, eghuteuna ghotilo ginauna tangomana nate tei te hata glose tarabana teu te mala tusu ari ka ghotilo.

Diutronomi 6:1

Aonu mae Moses ne cheke eghu, “Igre nogna cheke nei vetula eghu Lord nomi God ghotilo teke cheke ranghi ghau iara te mala farirhiu ghami ghotilo. Te mala leghudi ghotilo ka glose nate tei ghotilo te hata ginauna.

Diutronomi 6:3

Eghume, ghotilo Israel, ghotilo fanomho fakeli ka vetula igre, eghuteuna famane leghu fakelidi. Jame te eghu ghotilo na, ghotilo ginauna au fakeli, eghuteuna ghotilo ginauna na vuragha ka famane glose igne, jateula Lord nodi God kuꞌemi ghotilo teke nhaꞌa cheke ka ghotilo ra.

Diutronomi 11:9

Eghuteuna ghotilo ginauna tangomana te au raugha ka thofno glose te keli teke nhaꞌa cheke Lord ka kuꞌemi ghotilo ra nei ka ghotilo vikedi mare ra.

Diutronomi 12:25

Eghuteuna kate theome koꞌu ghotilo kaisei dadara na, ghotilo thofno leghuni unha te doglo ka tathagna Lord, aonu mana ginauna edi gobigna lepo igre thofno keli fara ka nakarhami ghotilore nei ka nakarhadi thumi ghotilore eghu.

Diutronomi 12:28

Fiofilo ghami te mala leghudi vetula te chekedi koba iara ka ghotilo ra. Jame te leghudi ghotilore, ghotilo thofno eni unha te doglo ka tathagna Lord na, eghume mana ginauna edi gobigna lepore thofno keli fara ka nakarhami ghotilore nei ka nakarhadi thumi ghotilore eghu tifa tifa.”

Diutronomi 22:7

Ghotilo tangomana te hata thugna na, nu ghotilo lisani idogna na. Jame te eghu ghotilo na, ghotilo ginauna tangomana te au raugha na, eghuteuna ghotilo tangomana te au ka nakarha te keli na.

Profet Jeremaea 42:6

Eghume, ghehati tore nigho iagho mala tarai ka mana eimi ghehati. Eghuteuna neuba Lord noda God ne tusu mei cheke tughu te gle'ani ba te theome gle'ani ghehati na, nu ghehati ginauna leghuni ngala. Naugna jame te leghuni mana ghehati na, ghehati ginauna au fakeli nomi fabrahu.”

Profet Esikiel 20:19

Iara nomi Lord God ghotilo, eghuteuna ghotilo mala leghudi nei ghatho tahudi eghu nogu vetula nei cheke teu iara igre.

Diutronomi 5:16

Ghatho tahudi idomi kmami re, jateula teke chekeni iara Lord nomi God ia eghu. Eghume ghotilo ginauna au raugha ka nakarha te keli ka glose nate tusu ari iara Lord, nomi God.

Diutronomi 8:1

Aonu mae Moses ne cheke eghu, “Ghotilo mala thofno leghu fakelidi vetula te gnafa te tusu ari iara ka ghotilo gognaro igre. Jame te leghudi ghotilo cheke igre na, ghotilo ginauna karha nei thovu eghu, eghuteuna ghotilo ginauna tangomana te hata te khotogna glose teke nhaꞌa cheke Lord ka kuꞌemi ra.

Diutronomi 29:8

Eghuteuna ghotilo neke hata nodi glose phia mae igre. Aonu ghotilo neke tufa ka vikegna Ruben, nei ka vikegna Gad, nei ka vido vikegna Manase.

Diutronomi 30:16

Iara cheke faheta ka ghotilo gognaro na, mala namhani Lord nomi God. Ghotilo mala leghudi nogna cheke, nogna farirhiu nei nogna vetula teu mana re. Jame te eghu ghotilo na, ghotilo ginauna au ka nakarha te keli, nei vikemi, nei thumi teu ghotilore ginauna kmana fara, eghuteuna Lord nomi God ginauna fablahi ghami ghotilo ka glose nate tei ghotilo te au tagna na.

Ululahu Kings 3:14

Eghuteuna jame iagho te leghu ghau iara na, eghuteuna leghudi nogu vetula nei nogu cheke teu iara igre jateula mae kmamu Devet teuna, iara ginauna jaola tusu ranghi nigho nakarha te brahu.”

Fapea Kings 17:37

Ghotilo ginauna mala leghudi fabrahu vetula, nei cheke nei farirhiu eghu teke rioriso iara malami ghotilo teku ra. Ghotilo mala thosei tarai ka keha god delei.

Ululahu Kronikols 28:8

Eghuteuna mae Devet ne cheke eghu ka naiknore, “Eghume, iara gognarona cheke ke ulugna noda God, nei ke ulumi ghotilo naiknomi Israel, iara na cheke eghu fadoglo ari ka ghotilo. Ghotilo mala thofno leghu fakelidi nogna cheke te gnafa Lord noda God. Jame te eghu ghotilo na, ghotilo ginauna au ka famane glose igne, eghuteuna iheire nate karha mei ke leghumi ghotilo re ginauna au fabrahu ka glose igne.”

Nodi Khoje Hatimare Mae Jiu 37:9

Iheire te fatutuani ni Lord ginauna atha nodi vido glose, nu iheire te diꞌa puhidire Lord ginauna kuru fajifladi.

Nodi Khoje Hatimare Mae Jiu 37:11

Nu iheire te lisei faparidi thedire, mare na atha nodi vido glose teke nhaꞌa cheke God ranghidi na. Mare na au fakeli nodi nei na au glealeꞌa nodi eghu.

Nodi Khoje Hatimare Mae Jiu 37:22

Iheire Lord te fablahidire ginauna atha vido glose teke nhaꞌa cheke mana ranghidire. Nu iheire te diꞌatagnadi Lord naugna te leghuni mare puhi te diꞌa na, mana ginau brue fajifladi.

Nodi Khoje Hatimare Mae Jiu 37:29

Mae ihei te doglo ka tathagna God na, mana ginauna na khotogna glose teke tusu ranghini God na, eghuteuna mana ginauna na au fabrahu tagna.

Nodi Khoje Hatimare Mae Jiu 37:34

Fatutuani ka Lord nei leghudi nogna puhi mana re eghu. Te eghu iagho na, mana ginauna fafnakno nigho iagho, eghuteuna iagho na tangomana te khotogna vido glose teke tusu ari mana ka iagho igne. Eghuteuna iagho ginauna na filoni mana nate kuru teini mae te diꞌa na.

Proveb 3:1

Thuguo, thosei ghatho ihodi nogu farirhiu, nei nogu cheke teu iara ra.