Diutronomi 5:29 - Buka Blahi Ka Cheke Holo

²⁹ Filo sagho, jame au fabrahu ka mare gaoghatho igne meuna, ginauna thofno keli fara. Iara magnahaghedi fara mare te ghatho tahu ghau iara fabrahu eghuteuna leghudi nogu vetula iara re. Naugna jame te eni mare na, nakarhadi mare nei thudire teure ginauna thofno keli fabrahu.

Diutronomi 5:29 ပူးပေါင်းရင်းမြစ်များ

Profet Isaia 48:18

Jame te leghudi ghotilo nogu cheke iara igre na, ghotilo ginauna au fabrahu ka pharikeli, eghuteuna nakarhami ghotilo na jateula khoꞌu te loloro fabrahu te theome krango ra eghu. Eghuteuna ghotilo ginauna leghuni fabrahu puhi te doglo na jateula galo te poha ka nusu ba ka khalaꞌe ra eghu.

Diutronomi 11:1

Mae Moses ne cheke eghu, “Ghotilo mala namhani Lord nomi God nei leghudi fabrahu nogna vetula, nogna farirhiu nei nogna cheke teu mana ka ghotilo igre.

Matiu 23:37

Aonu mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra nei fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghigna ra eghu. Nu ghotilo tiromi magnahagheni ngala.

Luku 19:42

Mae Jisas ne cheke eghu, “Thofno keli fara jame te filo glanini ghotilo gognarona puhi te mala batuni naikno te tei kau pharikeli na. Nu ghotilo theome tangomana te filo glani na eghu, naugna poru ka ghotilo.

Diutronomi 4:40

Ghotilo mala leghudi nogna cheke nei vetula teu mana te chekedi iara ka ghotilo gognaro igne. Eghuteuna jame te eghu ghotilo na, ghotilo ginauna au ka nakarha te keli, eghuteuna thumi ghotilo baludi goro sua nate karha mei ke leghumi ghotilo re, ginauna jaola au ka nakarha te keli. Eghuteuna ghotilo ginauna au raugha ka glose teke tusu ari Lord na mala khotogna fabrahu ghotilo.”

Diutronomi 5:16

Ghatho tahudi idomi kmami re, jateula teke chekeni iara Lord nomi God ia eghu. Eghume ghotilo ginauna au raugha ka nakarha te keli ka glose nate tusu ari iara Lord, nomi God.

Fapea Korin 5:20

Eghume God neke kilo ghami ghehati mala toutonu eigna mae Kraes. Eghuteuna kate eni ghehati igne, jateula God thegna ngala teke ehadi naiknore mala mei ka mana. Uve, ghehati thofno tore ghami ghotilo ka nanghagna Kraes mala ke pulo mei ke au fakeli balugna God.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Jemes 1:25

Nu naikno te thofno gleale'a na ngala mae ihei te famane fifilo fakeli nei leghuni koba teu chekegna God na. Eghuteuna chekegna God te thofno keli tuana ngala tangomana te hata fadelei nakhibo na te mala snagla naiknore. Uve, mana fanomho fakeli nu mana theome ghatho ihodi unha te nomhidi mana re. Mae igne ngala te thofno gleale'a na.

Efesus 6:3

aonu gobigna lepore ginauna keli ranghi nigho nei mala tangomana iagho te karha te tifa na ka nauthoglu igne.”

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Jone 15:14

Ghotilo thofno kheragu iara, eghu te edi koba ghotilo unha te chekedi iara re.

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Profet Jeremaea 44:4

Leuleghu fata na iara kurudi koba hatimare mae profet nogu mae gloku iara ra, mala mei cheke eghu ka mare, ‘Ghotilo thosei eni glepo te diꞌa te tiroguni fara iara igne!’

Profet Isaia 3:10

Ghotilo cheke ka iheire te leghuni puhi te doglo na, eigna Lord ginauna fablahidi mare, naugna mare ne edi glepo te kelire.

Nodi Khoje Hatimare Mae Jiu 106:3

Iheire te leghudi nogna cheke, nei iheire te edi glepo te doglo re eghu, mare keli tadi fara.

Nodi Khoje Hatimare Mae Jiu 19:11

Lord, nou farirhiu iagho gre tusu ranghi ghau iara gaoghatho te keli, eigna iara gne nou naikno gloku iagho. Iagho taba ghau iara, naugna iara ne leghudi nou cheke iagho na.

Thoutonu Eigna Rut 3:1

Naomi neke cheke eghu ka Rut, “Nanghona, iara magnahaghei te hironi kaisei khetomu iagho, mala taji nigho nei fiofilo nigho eghu.

Diutronomi 22:7

Ghotilo tangomana te hata thugna na, nu ghotilo lisani idogna na. Jame te eghu ghotilo na, ghotilo ginauna tangomana te au raugha na, eghuteuna ghotilo tangomana te au ka nakarha te keli na.

Diutronomi 19:13

Ghotilo thosei kokhoni ni nafnata mae igne. Mae te diꞌa igne mala lehe, eghume ghotilo maemi Israel igre theome naba te mala papara ka unha te eni kate faleheni mae ihei te doglo na. Ka puhi igne ghotilo ginauna tangomana te au ka nakarha te keli.”

Diutronomi 12:28

Fiofilo ghami te mala leghudi vetula te chekedi koba iara ka ghotilo ra. Jame te leghudi ghotilore, ghotilo thofno eni unha te doglo ka tathagna Lord na, eghume mana ginauna edi gobigna lepore thofno keli fara ka nakarhami ghotilore nei ka nakarhadi thumi ghotilore eghu tifa tifa.”

Diutronomi 12:25

Eghuteuna kate theome koꞌu ghotilo kaisei dadara na, ghotilo thofno leghuni unha te doglo ka tathagna Lord, aonu mana ginauna edi gobigna lepo igre thofno keli fara ka nakarhami ghotilore nei ka nakarhadi thumi ghotilore eghu.

Diutronomi 6:18

Ghotilo mala edi unha te keli nei doglo ka tathagna Lord. Jame te eni ghotilo igne na, ghotilo ginauna tangomana te au ka nakarha te keli, eghuteuna ghotilo ginauna tangomana te tei hata glose teke kulu nhaꞌa chekenihi Lord ka kuꞌemi ghotilo ra.

Diutronomi 6:3

Eghume, ghotilo Israel, ghotilo fanomho fakeli ka vetula igre, eghuteuna famane leghu fakelidi. Jame te eghu ghotilo na, ghotilo ginauna au fakeli, eghuteuna ghotilo ginauna na vuragha ka famane glose igne, jateula Lord nodi God kuꞌemi ghotilo teke nhaꞌa cheke ka ghotilo ra.

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Diutronomi 5:30

Gognarona iagho tei cheke ka mare mala ke figri ka nodi suga tapuale ra.

Diutronomi 5:33

Ghotilo mala leghudi mare gnafa. Eghuteuna jame te eni ghotilo igne na, nakarhami ghotilo re ginauna keli fara, eghuteuna ghotilo ginauna tangomana te au raugha ka glose nate au ghotilo tagna na.”

Nodi Khoje Hatimare Mae Jiu 78:7

Ka puhi igne mare na jaola fatutuani ni God, nei na ghathodi unha teke edi mana re eghu, nei leghudi koba nogna cheke mana re eghu.

Profet Jeremaea 42:6

Eghume, ghehati tore nigho iagho mala tarai ka mana eimi ghehati. Eghuteuna neuba Lord noda God ne tusu mei cheke tughu te gle'ani ba te theome gle'ani ghehati na, nu ghehati ginauna leghuni ngala. Naugna jame te leghuni mana ghehati na, ghehati ginauna au fakeli nomi fabrahu.”

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.

Diutronomi 4:10

Thosei ghatho ihoni narane teke mei kegra kuꞌemi ghotilo ka Thogele Sanai teke kegra ke ulugna Lord nomi God. Ka narane tuana, mana neke cheke eghu ka iara, ‘Chekedi naikno ra mala kafe mei rhegu iara agne. Iara magnahaghedi mare te mala nomhidi gobigna lepo nate chekedi iara ka mare. Ka puhi igne, mare tangomana te ghatho tahu ghau iara fabrahu ka nakarhadi re, eghuteuna mare tangomana nate farirhiudi thudi re mala ghatho tahu ghaula iara.’

Diutronomi 6:17

Leuleghu fata na ghotilo mala thofno leghudi nogna cheke Lord, nei farirhiu nei vetula eghu teke tusu ari mana ka ghotilo ra.

Diutronomi 8:6

“Eghume ghotilo mala leghudi nogna cheke teke chekedihi ka ghotilo ra, eghuteuna ghotilo mala leghudi puhigna mana re eghuteuna thofno ghatho tahuni mana.

Diutronomi 10:12

Aonu mae Moses ne cheke eghu, “Ghotilo naiknomi Israel. Unha te magnahaghei eni ghotilo teu Lord nomi God ghotilo na? Ghotilo mala ghatho tahuni nei leghuni eghu puhigna mana na, eghuteuna tahati mala namhani nei loku ranghini eghu mana ka nagnafada fateote'o nei ka gaoghathoda fateote'o.

Diutronomi 10:20

Ghotilo mala ghatho tahuni Lord nomi God, nei leghudi unha te chekedi mana re. Ghotilo ghatho tahuni kolho mana. Eghuteuna nomi nhaꞌa cheke re, ghotilo edi ka nanghagna mana kolho.

Ululahu Kronikols 29:18

Lord, iagho nogna God mae Ebraham, nogna God mae Aesak nei nogna God mae Jekop, thilo kuꞌemi ghehati tifa ra. Ghehati ghatho tahu nigho iagho, toghodi sagho iheire nate karha mei ke leghumi ghehati igre mala jaola au fabrahu nafnata gaoghatho igne, nei ghatho tahu nigho fabrahu.

Nodi Khoje Hatimare Mae Jiu 19:12

Lord, theo kaisei naikno te filo glanidi nakhibogna thegnare. Hata fadeleidi nakhibo teke edi iara nu ihodi iara teugre.

Nodi Khoje Hatimare Mae Jiu 81:16

Jame leghu ghau iara nogu naikno gre meuna, iara ginauna na faꞌimadi ka thofno gano te keli, eghuteuna iara ginauna na thofno faglealeꞌadi ka narane te imani mare jujurukuli te keli na.”