Diutronomi 5:13 - Buka Blahi Ka Cheke Holo

¹³ Ghotilo au namno narane ke lamnagna kaisei wik te mala loku na.

Diutronomi 5:13 ပူးပေါင်းရင်းမြစ်များ

Profet Esikiel 20:12

Uve, iara jaola neke cheke ranghidi mala ghatho tahuni mare nogu narane Sabat na mala gnafa mare tagna, mare tangomana te leghuni, nei laseni eghu teke eni iara nhaꞌa cheke igne baludi mare. Eghuteuna mare mala jaola laseni te iara Lord, iara neke fablahidi mala nogu naikno blahi iara.

Luku 23:56

Ke leghugna igne, rehati neke pulo ka suga na mala tarabana meresin glaghobe malagna thinigna mae Jisas. Eghuteuna kau narane Sabat na mare ne gnafa leghuni nogna vetula mae Moses.

Eksodas 23:12

“Ke lamnagna kaisei wik na ghotilo mala loku namno narane kolho, nu ka fafitu narane na ghotilo gnafa ka gloku na. Eghume nomi buluka, dongki, mae gloku, gaꞌase gloku nei naiknodi delei eghu te mei au balumi ghotilo are eghu mala jaola gnafa fakeli ka nodi gloku re.

Eksodas 20:9

Ghotilo au namno narane ke lamnagna kaisei wik te mala loku na.

Eksodas 34:21

“Ghotilo au namno narane te mala edi ghotilo nomi loku re, nu ka fafitu narane ghotilo mala gnafa. Neubane ka narane mala joꞌu thobi, ba narane mala pulei gano ka nagare, ghotilo te hui na mala gnafa ka narane igne.

Levitikas 23:3

“Ghotilo au fitu narane te mala edi ghotilo nomi loku re, nu ka fafitu narane leuleghu wik na narane Sabat narane mala gnafa. Ka narane Sabat ghotilo mala theome mala loku, nu ghotilo mala kafe mei mala kilo fnakno ghau iara. Neubane ka namono aheva te tei au ghotilo tagna na, narane Sabat nogu narane iara Lord eghuteuna ghotilo mala ghatho tahuni.”

Diutronomi 5:12

Ghotilo tajini narane Sabat blahi, leghuni unha teke chekeni iara ka ghotilo tifa ia.

Diutronomi 5:14

Nu ka fafitu narane na, narane Sabat, narane mala cheke fakelini Lord, nomi God. Ka narane igne, ghotilo ginauna thosei loku tagna. Ghotilo, nei thumire, nei nomi mae gloku, nei gaꞌase gloku, nei nomi buluka nei dongki, nei nomi sipu, nei naikno phosa te au balumi. Ghotilo te gnafa na thosei loku ka narane igne. Ka puhi igne nomi naikno gloku ghotilo re jaola tangomana te gnafa jateula ghotilo eghu.