Diutronomi 4:9 - Buka Blahi Ka Cheke Holo

⁹ “Nu fiofilo ghami eghu! Na eghunu ghatho ihodi ghotilo glepo tela filo tathamihi igre eghu. Leuleghu fata ka nakarhami re, ghotilo mala ghathodi glepo igre. Eghuteuna ghotilo mala farirhiudi thumi are nei grami te ikodi are eghu.

Diutronomi 4:9 ပူးပေါင်းရင်းမြစ်များ

Diutronomi 6:7

Farirhiudi koba thumi re. Cheke eidi glepo igre kate au teu ka suga, ba kate nolo ka nabrou, ba kate thuru sukha, ba kate kegra haghe.

Diutronomi 11:19

Farirhiudi thumire. Toutonu eidi glepo igre kate au teu ka suga, ba kate nolo ka nabrou, ba kate thuru, ba kate kegra haghe.

Jenesis 18:19

Iara neke vahini mae Ebraham gne mala thofno mae kheragu thegu neku. Eghume iara ginauna na cheke thakleni ka mae Ebraham nate roꞌeni iara namono biꞌo Sodom gne mala cheke mana ka goro thugna nei vikegna teu igre mala leghuni puhigna Lord na. Iara na eni igne mala au fakeli, nei doglo eghu naiknore. Eghuteuna kate filoni iara vikegna mae Ebraham te thofno leghuni puhigu iara na, iara ginauna na tusu ranghini mae Ebraham unha teke nhaꞌa chekeni iara ka mana na.”

Diutronomi 32:46

mana ne cheke eghu, “Ghotilo ghatho fakelidi cheke te gnafa te farirhiu ghami iara gognarogne. Ghotilo mala farirhiudi thumire mala leghudi mare nogna vetula Lord ka buka na igre.

Efesus 6:4

Iara magnahaghei cheke ka ghotilo mae iheire te kmadi suara, thosei eni kaisei puhi ba cheke te mala diꞌa tadi fara thumire. Nu ghotilo taji fakelidi nei farirhiudi eghu ka puhida tahati naikno khiloau.

Diutronomi 29:29

“Lord noda God tahati na au keha nogna gaoghatho poru te theome tangomana kaisei naikno te laseni. Nu mana cheke ranghi ghitahi ka nogna vetula na, nei ka iheire nate karha mei ke leghuda, eghume tahati mala leghudi fabrahu nogna cheke te gnafa mana re.”

Proveb 23:26

Thuguo, iagho famane fanomho fakeli ka iara. Leghuni kolho puhigu iara gne.

Thakle 3:3

Eghume thosei ghatho ihodi famane cheke teke farirhiu mare ka ghotilo ra. Ghotilo famane leghu fakelidi, nei lilisei puhimi te diꞌare eghu. Nu jame te theome ghaoghatho fakeli ghotilo na, iara ginauna ari posa ka ghotilo. Ghotilo ginauna theome laseni niha nau na teke mei iara na, naugna iara ginauna mei jateula kaisei mae te mala mei blau ia eghu.

Proveb 1:8

Thuguo, iagho mala fanomho ka nodi cheke idomu kmamu are, eghuteuna thosei thododi nodi farirhiu repa re.

Nodi Khoje Hatimare Mae Jiu 71:18

Gognaro na iara la mae biꞌohi la nufahi khaklagure, God thosei tei koko ghau iara. Au balugu kate chekeni iara nou nolaghi iagho na ka naikno nate karha mei ke leghugu iara re.

Hibru 2:1

Eghume tahati famane leghu fakelidi nogna farirhiu mae Jisas Kraes Thugna God teke nomhidi tahati ra, mala thosei jateula mola te elo tafri ka nuri ia eghu noda fatutuani na.

Proveb 3:21

Thuguo, iagho filo fakeli nei loku famaku eghu ka nou gaoghatho te keli, nei ka nou glalase. Glahu ghatho ihodi iagho phei glepo igre.

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Josua 4:21

Aonu mana ne cheke eghu ka naiknodi Israel igre, “Sua nate karha mei ke leghuda tahatire ginauna ghusna eghu ka kmadire, ‘Unha eghu si gaoghathodire thina igrea?’

Proveb 7:1

Thuguo, iagho mala loku famaku nogu cheke iara igre, eghuteuna lilisei fakeli ka nagnafamu na.

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Profet Isaia 38:19

Ghehati te karha nga teugre, ghehati kolho te tangomana te cheke fakeli nigho na, jateula te eni iara gognarogne eghu. Kmami ghehati gre toutonu koba ka thudire eigna puhi te tajini fabrahu iagho nou nhaꞌa cheke na.

Diutronomi 4:23

Ghotilo fiofilo ghami. Glahu ghatho ihoni nei huhughuni eghu ghotilo nogna Nhaꞌa Cheke Lord teke eni mana balumi ghotilo ia. Glahu ghatho ihoni ghotilo eigna blahi te horo ghotilo kaisei mumuju te mala tarai tagna na.

Jemes 2:22

Fanomho fakeli ka iara ghotilo ia. Nogna fatutuani nei nogna gloku te keli eghu teke edi mae Ebraham igre jateula kaisei glepo eghu ngala, theome soasopai glepo. Eghuteuna glepo te keli teke edi mana tuare ngala fagaglana gna nogna fatutuani biꞌo mana ka God na.

Diutronomi 31:19

“Gognarona, iara na tusu ari kaisei khoje ka ghotilo, eghuteuna iara magnahaghei ghami ghotilo te rioriso khoje igne. Moses, iagho farirhiudi naiknodi Israel mala koje mare. Ka puhi igne, khoje igne ginauna kaisei glepo te mala laseni te iara leghuni kolho unha teke chekeni ka mare ia.

Luku 8:18

Naugna te eghu tuana me, ghotilo faghano fanomho fakeli ka cheke igre. Naugna mae ihei te au nogna glepo na, God ginauna nake tusu ranghini mana keha glepoi. Nu mae ihei te theo nogna glepo na, neubane katha ikoi kolho te au ka mana na, God ginauna nake hata fadelei ka mana.”

Josua 1:18

Eghuteuna ihei te huhughu nigho ba te theome leghuni nou cheke iagho na, naikno tuana ginauna lehe. Nu iagho kegra heta fabrahu, thosei mhaghu ba suaraghi.”

Diutronomi 4:15

Mae Moses tudu ne cheke eghu, “Ka narane te cheke mei Lord ka kuꞌemi ghotilo ke lamnagna khaꞌaghi na ka Thogele Sanai ia, mare neke theome filoni mana nu mare neke nomhini kolho chekegna mana na. Eghume ghotilo fiofilo ghami eghu,

Eksodas 10:2

Iara neke eni igne naugna iara magnahaghei nigho iagho teke toutonu ranghidi thumu nei gramu teu ra eidi u kofubobhoi tela diꞌanagnafa nei mamaja telau mae Ijep gre. Eghume ghotilo te gnafa na ginau na laseni te iara ngala Lord na.”

Eksodas 23:13

“Fanomho fakeli nei leghudi eghu ghotilo unha te cheke iara ka ghotilo igre. Iara theome snakre ghami ghotilo te pogho soru te tarai ghotilo ka mumuju na, ba te chekedi ghotilo nanghadire. Nangha tuare iara theome magnahaghei te nomhidi ka foflomi ghotilore.”

Diutronomi 4:10

Thosei ghatho ihoni narane teke mei kegra kuꞌemi ghotilo ka Thogele Sanai teke kegra ke ulugna Lord nomi God. Ka narane tuana, mana neke cheke eghu ka iara, ‘Chekedi naikno ra mala kafe mei rhegu iara agne. Iara magnahaghedi mare te mala nomhidi gobigna lepo nate chekedi iara ka mare. Ka puhi igne, mare tangomana te ghatho tahu ghau iara fabrahu ka nakarhadi re, eghuteuna mare tangomana nate farirhiudi thudi re mala ghatho tahu ghaula iara.’

Diutronomi 6:2

Ghotilo, baludi thumi nei grami teure mala ghatho tahuni fabrahu Lord nomi God ka puhi te leghudi ghotilo cheke nei vetula eghu te chekedi iara ka ghotilo gognaro igre. Jame te eni ghotilo igne na, ghotilo ginauna au ka nakarha te brahu.

Diutronomi 6:12

ghotilo fiofilo ghami eghu, glahu ghatho ihoni ghotilo Lord mae ihei teke hata fajifla ghami Ijep ka namono aheva teke loku jateula naikno sneka teku ghotilo ra.

Diutronomi 6:20

“Nathuꞌu nauriha na thumi ghotilore ginauna ghusna eghu ka ghotilo, ‘Naugna unha si Lord, noda God tahati gne te cheke ranghi ghita tahati te mala leghudi farirhiu nei cheke nei vetula teu igrea?’

Diutronomi 8:11

Fiofilo ghami, glahu ghatho ihoni ghotilo Lord nomi God, ba theome leghudi nogna cheke mana ra, nei vetula nei farirhiu eghu te tusu ari ka ghotilo gognaro igre.

Diutronomi 8:14

Jame te theome filo fakeli ghotilo na, ghotilo tangomana te ghatho tahu ghami themi, eghuteuna ghotilo ginauna ghatho ihoni Lord nomi God. Mae ihei teke hata fajifla ghami ka naꞌau papara Ijep kani teke au sneka jare ia.

Diutronomi 12:1

Mae Moses tudu ne cheke eghu, “Gognarona iara na chekedi vetula nei farirhiu eghu te mala thofno leghudi fabrahu ghotilo ka glose Lord nodi God kuꞌemi ghotilo teke tusu ari ka ghotilo ra. Vetula igre:

Diutronomi 16:3

Eghuteuna kate ghamu ghotilo gaghamu igne, ghotilo ghamu bret te theo isi gna na. Ka fitu narane igre ghotilo ghamu bret te theo isi tagna na. Igne unha teke ghamu tahati kani teke papara fara teke ghosei teke jifla Ijep. Ka puhi igne ghotilo tangomana te ghathoni fabrahu nakarhami ghotilo ka narane teke jifla ghotilo Ijep.

Diutronomi 17:19

Mana mala tathaji nei iuꞌiju eghu fabrahu ka buka igne, mala tangomana mana te ghatho tahuni Lord nogna God na kate leghudi fabrahu mana vetula nei farirhiu teu te chekedi ka buka igne.

Jajis 3:7

Naiknodi Israel ne eni puhi te diꞌa na ka tathagna Lord nodi God mare na. Mare ne loku ranghini mumuju god Baal ghe Astarot.

Jajis 8:34

Mare ne theome ghathoni Lord nodi God mae ihei teke fakarhidi mare ka nodi naoka fateote'o.

Profet Jeremaea 17:21

Lord ne cheke eghu: Jame te magnahaghei karha fabrahu ghotilo na, ghotilo thosei pala kaisei glepo te tahu ka narane Sabat na mei ruma ka grengathagna namono Jerusalem.

Josua 23:11

Eghume leuleghu narane na ghotilo mala thofno namhani Lord noda God.

Profet Isaia 42:20

Ghotilo neke filodihi kmana glepo, nu ghotilo theome filo glanini kolho kaisei glepo. Uve, ghotilo au khulimi. Nu ghotilo theome nomhi fakelini kolho kaisei glepo.”