Diutronomi 4:6 - Buka Blahi Ka Cheke Holo

⁶ Eghuteuna ghotilo mala famane leghudi nei faꞌuvedi eghu vetula igre, eghuteuna ka puhi tuare te mala fakakhana ka keha naiknore te ghaoghatho fakeli fara nei lalase fara teu ghotilo na. Eghuteuna kate nomhidi mare vetula igre mare ginauna cheke eghu, ‘Tutuani fara, naiknodi Israel igre au tadi gaoghatho te keli na nei glalase na eghu!’

Diutronomi 4:6 ပူးပေါင်းရင်းမြစ်များ

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Nodi Khoje Hatimare Mae Jiu 111:10

Mae ihei te magnahaghei mae glalase na, mana mala ghatho tahuni Lord. Uve, mana tusu lao glalase te keli ka iheire te leghudi nogna vetula mana re. Tahati kilo fnaknoni fabrahu mana.

Fapea Timoti 3:15

Jaola, vuha suamu te mei na, iagho lasedihi u grioriso te blahi igre. Eghuteuna farirhiu igre tangomana te tusu ranghi nigho gaoghatho te keli nei batu nigho kau nakarha te keli naugna iagho ne fatutuani ni mae Jisas Kraes.

Ululahu Kings 4:34

Hatimare mae king ka nauthoglu igne nomho thoutonu eigna nogna famane gaoghatho te keli King Solomon igre, eghuteuna mare ne kurudi keha nodi mae mala tei fanomho ka mana.

Jemes 3:13

U famane glepo khuakhuda te edi kaisei mae ka ghotilo igre fagaglana gna te kaisei mae glalase tutuani mana na. Eghuteuna kate edi mana glepo te khuakhuda igre, mana na theome tangomana te fahaehagheni thegna na.

Profet Jeremaea 8:9

Nomi mae glalase ghotilo re ginauna mamaja nodi fara na theome leghuni nodi nabrou te doglo na, naugna mare la tirodinihi chekegna Lord na. Nodi glalase mare igne theome keli na theome toghodi mare.

Proveb 1:7

Fufunu gna glalase na, iagho ghatho tahuni Lord. Nu naikno te fameomekro na tirogna fanomho nei leghuni eghu famane farirhiu na.

Nodi Khoje Hatimare Mae Jiu 19:7

Nogna vetula Lord na thofno doglo fara, eghuteuna tangomana te tusu mei nakarha majaghani ka tahati. Tahati tangomana te fatutuanidi nogna cheke mana re. Eghuteuna nogna cheke mana igre tangomana te tusu lao gaoghatho te keli ka iheire te theome lalase.

Profet Malakai 3:12

Kate filoni te eghu fabrahu ghotilo na, keha naiknore ginauna cheke eghu, ‘Naiknodi Israel gre keli tadi nei glealeꞌa nodi eghu fara! Naugna nomi namono ghotilo igne keli fara te mala au tagna na.’ ”

Proveb 14:8

Mae te autagna gaoghatho fakeli na, mana laseni unha te eni na. Nu mae te theome autagna gaoghatho fakeli na, mana batu fadiꞌani kolho thegna, naugna gaoghathogna mana na theome doglo.

Profet Daniel 4:9

Beltesasa, iagho phaꞌudi mae glalase te gnafa ra. Iara laseni tharungadi god te blahi igre au balumu iagho, eghuteuna theo kaisei glepo te poru ka iagho na. Eghume, igne nogu mifi iara na, iara magnahaghei nigho iagho te rurutha gaoghathogna mifi igne.

Diutronomi 29:9

“Eghume, leuleghu fata na ghotilo thofno leghuni chekegna nhaꞌa cheke igne mala tangomana ghotilo te au ka nakarha te thofno keli fara.

Diutronomi 32:46

mana ne cheke eghu, “Ghotilo ghatho fakelidi cheke te gnafa te farirhiu ghami iara gognarogne. Ghotilo mala farirhiudi thumire mala leghudi mare nogna vetula Lord ka buka na igre.

Diutronomi 32:47

Ghotilo laseni! Farirhiu igre theome cheke theo nafudi kolho. Nakarhami ghotilo na au ka farirhiu igre! Ghotilo mala leghudi farirhiu igre mala tangomana ghotilo te au raugha ka glose nate au ghotilo kate tei kasa ghotilo ka Khoꞌu biꞌo Jordan.”

Profet Esikiel 5:5

“Iara Lord, iara te chekeni igne: Brik igne, jateula Jerusalem eghu. Iara neke lilisei Jerusalem farihotei ka keha kantri te gnafa ka nauthoglu igne.

Profet Hosia 8:12

Iara neke rioriso kmana vetula maladi mare, nu ka gaoghathodi mare na, vetula igre jateula te maladi keha vikei ra eghu kolho.

Nodi Khoje Hatimare Mae Jiu 19:8

Tutuani, nogna vetula Lord na thofno doglo fara. Eghuteuna iheire te leghudi nogna farirhiu mana re thofno keli tadi fara. Nogna vetula Lord na thofno tutuani fara, eghuteuna tusu mei gaoghatho te keli ka tahati.

Proveb 1:4

Jame ihei te au tagna katha vido glalase na, cheke igre ginauna toghoni mana mala hata gaoghatho te keli. Eghuteuna cheke igre ginauna tusu lao gaoghatho te keli ka naikno majaghani re mala batuni mare ka puhi te keli na.

Proveb 1:5

Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.

Proveb 14:34

Te leghuni naiknore puhi te doglo na, nanghagna nodi kantri na ginauna fnakno fara. Nu puhi te diꞌa na famamaja ikno fara.

Profet Isaia 42:21

Lord kelitagna fara te kilo fnakno ka puhigna mana te doglo. Eghuteuna mana magnahaghedi fara nogna naiknore te kilo fnaknoni mana nei nogna vetula.