Diutronomi 4:43 - Buka Blahi Ka Cheke Holo

⁴³ Thilo namono igre Bese, Ramot nei Golan. Bese gne au ke lamna namono nagou, ka sare thogele vikegna mae Ruben. Ramot gne ka nohi Gilead ka vikegna mae Gad. Eghuteuna Golan gne ka rijon Basan ka vikegna mae Manase.

Diutronomi 4:43 ပူးပေါင်းရင်းမြစ်များ

Josua 20:8

Eghuteuna mare vavahi keha thilo namono ke maghati Khoꞌu biꞌo Jordan, nanghadi re Bese rhegna Jeriko ka namono nagou holo ka thogele ka nogna rijon Ruben, eghuteuna Ramot jare Gilead ka nogna rijon Gad, nei Golan jare Basan te au ka nogna rijon Manase.

Ululahu Kronikols 6:80

Eghuteuna namono te au ka nodi vido glose vikegna mae Gad re igre: Ramot ka nohi Gilead, Mahanaem,

Ululahu Kronikols 6:71

Keha namono te tufa mare ka vikegna mae Geson igre au ka nodi vido glose vikegna mae Manase. Namono Golan te au ka nohi Besan ghe namono Astarot. Phei namono igre au ke maghati kho'u biꞌo Jordan.

Ululahu Kings 4:13

Mae Ben-Geba, mana reireghini namono biꞌo Ramot te au ka nohi Gilead. Namono igre nodi vikegna mae Jaea, thugna mae Manase. Eghuteuna mana jaola reireghini vido Agob ka rijon Basan. Nohi igne au namnosalei namono biꞌo. Namono biꞌo igre bara lithui ka thina biꞌo. Eghuteuna grengathadire bibilakhi ka aean biꞌo te horo ka bras.

Josua 21:38

Eghuteuna ka nogna vido Gad, mare khotodi fati namono baludi glose te au faligoho ka mala lilisei buluka, nei sipu nei nanigot. Ulu lahu na, namono igre Ramot jare Gilead, kaisei ka namono te mala poru igre, baludi Mahanaem,

Josua 21:27

Mare ka vikegna Geson te khotodi phei namono baludi glose te au faligoho te mala lilisei buluka, nei sipu nei nanigot ke maghati nogna vido Manase. Nanghadi phei namono re igre: Bestera ghe Golan. Golan gne kaisei namono kate mala poru ka namono biꞌo Basan.

Diutronomi 4:42

Thilo namono igre mala poru. Jame kaisei mae theome ghathoni te mala faleheni keha mae na, eigna mana neke theome diꞌatagna ka mana tifa, nu mana ne lehe. Mae igne tangomana te rikha te tei poru ka kaisei ka thilo namono igre mala theome faleheni mare.

Diutronomi 4:44

Ka narane te jifla naiknodi Israel Ijep igne, mare mei ne ghilei au ka glogu ke maghati Khoꞌu biꞌo Jordan, rhegna namono Bet-Peo. Tifa na namono igne neke nogna Sihon mana neke au ka namono Hesbon, eghuteuna mana neke king ka vikegna mae Amoa. Nu mae Moses nei naiknodi Israel igre eghu neke uluni mana neke khotodi nogna glose mana re. Eghuteuna mare jaola neke khotogna nogna glose mae Og king gna Basan. Phei king ka vikegna mae Amoa igre neke khotodi glose ke maghati Khoꞌu biꞌo Jordan, nogna nohi mana igne ke mata funu ka namono Aroa ka glogu Khoꞌu Anon, eghuteuna ke raru na posa ka thogele Sirion, keha nanghagna na Hemon. Eghuteuna glose igne au namono ke maghati Khoꞌu biꞌo Jordan, tei posa ke mata Thongna Lehe ka pesi thogele Pisga. Jare Bet-Peo mae Moses ne tusu lao vetula igre ka naiknodi Israel. Igre u cheke nei vetula nei farirhiu eghu teke chekedi mae Moses ka naiknodi Israel.

Josua 21:36

Ke lamnagna nogna vido Ruben, mare khotodi fati namono baludi glose te au faligoho ka mala lilisei buluka, sipu nei nanigot. Ka namono igre, namono Bese te au ka sare biꞌo ke kligna thogele, igne kaisei ka namono te mala poru ra, baludi Jahas,

Ululahu Kronikols 6:63

Eghuteuna mare neke lalahu khale neke tusu lao nabotho phei namono ka vikegna mae Merari. Namono igre au ka nodi vido glose mae igre: mae Ruben, mae Gad, nei mae Sebulun.

Ululahu Kronikols 6:66

Mare neke tusu lao namono igre ka keha vikegna mae Kohat. Namono igre au ka nogna glose mae Efrem.