Diutronomi 4:40 - Buka Blahi Ka Cheke Holo

⁴⁰ Ghotilo mala leghudi nogna cheke nei vetula teu mana te chekedi iara ka ghotilo gognaro igne. Eghuteuna jame te eghu ghotilo na, ghotilo ginauna au ka nakarha te keli, eghuteuna thumi ghotilo baludi goro sua nate karha mei ke leghumi ghotilo re, ginauna jaola au ka nakarha te keli. Eghuteuna ghotilo ginauna au raugha ka glose teke tusu ari Lord na mala khotogna fabrahu ghotilo.”

Diutronomi 4:40 ပူးပေါင်းရင်းမြစ်များ

Diutronomi 6:3

Eghume, ghotilo Israel, ghotilo fanomho fakeli ka vetula igre, eghuteuna famane leghu fakelidi. Jame te eghu ghotilo na, ghotilo ginauna au fakeli, eghuteuna ghotilo ginauna na vuragha ka famane glose igne, jateula Lord nodi God kuꞌemi ghotilo teke nhaꞌa cheke ka ghotilo ra.

Efesus 6:3

aonu gobigna lepore ginauna keli ranghi nigho nei mala tangomana iagho te karha te tifa na ka nauthoglu igne.”

Diutronomi 12:28

Fiofilo ghami te mala leghudi vetula te chekedi koba iara ka ghotilo ra. Jame te leghudi ghotilore, ghotilo thofno eni unha te doglo ka tathagna Lord na, eghume mana ginauna edi gobigna lepore thofno keli fara ka nakarhami ghotilore nei ka nakarhadi thumi ghotilore eghu tifa tifa.”

Diutronomi 12:25

Eghuteuna kate theome koꞌu ghotilo kaisei dadara na, ghotilo thofno leghuni unha te doglo ka tathagna Lord, aonu mana ginauna edi gobigna lepo igre thofno keli fara ka nakarhami ghotilore nei ka nakarhadi thumi ghotilore eghu.

Diutronomi 5:16

Ghatho tahudi idomi kmami re, jateula teke chekeni iara Lord nomi God ia eghu. Eghume ghotilo ginauna au raugha ka nakarha te keli ka glose nate tusu ari iara Lord, nomi God.

Levitikas 22:31

“Ghotilo mala leghudi nogu cheke iara igre naugna iara Lord.

Diutronomi 22:7

Ghotilo tangomana te hata thugna na, nu ghotilo lisani idogna na. Jame te eghu ghotilo na, ghotilo ginauna tangomana te au raugha na, eghuteuna ghotilo tangomana te au ka nakarha te keli na.

Diutronomi 6:18

Ghotilo mala edi unha te keli nei doglo ka tathagna Lord. Jame te eni ghotilo igne na, ghotilo ginauna tangomana te au ka nakarha te keli, eghuteuna ghotilo ginauna tangomana te tei hata glose teke kulu nhaꞌa chekenihi Lord ka kuꞌemi ghotilo ra.

Profet Jeremaea 11:4

Nhaꞌa cheke teke eni ka narane teke atha fajifladi iara ka kantri Ijep kuꞌemi ghotilo ra aheva teke au papara fara mare tagna na.” Iara neke cheke eghu ka mare, “Fanomho fakeli ka nogu cheke iara igre, eghuteuna leghudi gobigna lepo mala edi ghotilo teku iara ra! Jame te leghu ghau iara ghotilo na, ghotilo ginauna nogu naikno iara, eghuteuna iara nomi God ghotilo.

Diutronomi 4:6

Eghuteuna ghotilo mala famane leghudi nei faꞌuvedi eghu vetula igre, eghuteuna ka puhi tuare te mala fakakhana ka keha naiknore te ghaoghatho fakeli fara nei lalase fara teu ghotilo na. Eghuteuna kate nomhidi mare vetula igre mare ginauna cheke eghu, ‘Tutuani fara, naiknodi Israel igre au tadi gaoghatho te keli na nei glalase na eghu!’

Diutronomi 4:1

Mae Moses neke cheke eghu, “Ghotilo naiknomi Israel ra fanomho fakeli ka cheke nei vetula eghu nate farirhiu ghami iara igre. Eghuteuna jame te leghudi ghotilo cheke nei vetula teu igre na, Lord nodi God kuꞌemi ghotilo tifa ra mana ginauna fakarhi ghami, eghuteuna ghotilo ginauna tangomana nate tei te hata glose tarabana teu te mala tusu ari ka ghotilo.

Diutronomi 5:33

Ghotilo mala leghudi mare gnafa. Eghuteuna jame te eni ghotilo igne na, nakarhami ghotilo re ginauna keli fara, eghuteuna ghotilo ginauna tangomana te au raugha ka glose nate au ghotilo tagna na.”

Jone 14:15

Mae Jisas ne cheke eghu ka nogna mae fanomhore, “Uve, jame te namha ghau iara tutuani ghotilo na, ghotilo leghudi koba nogu cheke iara gre.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Eksodas 23:26

Goro gaꞌase tholaghi te gnafa re mala kafe au thudi hui, eigna iara theome snakreni kaisei gaꞌase ka reꞌe te khoko thugna na, ba te lehe ka thiꞌa idogna na te karha nga na. Iara ginau na snakre ghami ghotilo mala au fabrahu tifa e tifa ka nauthoglu igne.

Naba 10:29

Kaisei narane mae Moses ne cheke ka mae Hobab thugna mae Ruel. Mae Ruel gne mae gna Midian, eghuteuna mae Ruel gne nanghogna mae Moses. Moses ne cheke eghu ka mae Hobab, “Ghehati ginauna tei ka vido te keli teke nhaꞌa chekeni Lord mala tufa ka ghehati teku gne. Eghume keli fara jame te mei iagho balumi ghehati na. Jame te mei iagho na, ghehati ginauna reireghi nigho iagho.”

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.

Diutronomi 5:29

Filo sagho, jame au fabrahu ka mare gaoghatho igne meuna, ginauna thofno keli fara. Iara magnahaghedi fara mare te ghatho tahu ghau iara fabrahu eghuteuna leghudi nogu vetula iara re. Naugna jame te eni mare na, nakarhadi mare nei thudire teure ginauna thofno keli fabrahu.

Diutronomi 11:9

Eghuteuna ghotilo ginauna tangomana te au raugha ka thofno glose te keli teke nhaꞌa cheke Lord ka kuꞌemi ghotilo ra nei ka ghotilo vikedi mare ra.

Diutronomi 32:47

Ghotilo laseni! Farirhiu igre theome cheke theo nafudi kolho. Nakarhami ghotilo na au ka farirhiu igre! Ghotilo mala leghudi farirhiu igre mala tangomana ghotilo te au raugha ka glose nate au ghotilo kate tei kasa ghotilo ka Khoꞌu biꞌo Jordan.”

Diutronomi 33:25

Ghotilo tangomana te au fakeli fabrahu naugna ghotilo tangomana te hata aean nei bras eghu mala horo grengathadi gringni thinagna nomi namono na mala maku fakeli. Eghuteuna nakarhami ghotilore ginauna rheta fabrahu leghu rane.”

Nodi Khoje Hatimare Mae Jiu 105:45

Mana neke eni igne ka nogna naiknore mala leghudi mare nogna vetulare. Eghuteuna mare ne leghudi nogna farirhiu mana re. Tahati kilo fnaknoni Lord!

Eklesiasti 8:12

Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Profet Isaia 65:20

“Theo kaisei sua nate lehe ka namono igne. Naikno te gnafa te au ka namono igne ginauna theome ghosei lehe. Jame ihei te lehe kate thokeni kaisei gobi finogha na, naiknore te ghathoni na, mae igne majaghaniu ngala. Eghuteuna jame ihei te lehe te thokeni nga narane igne na, naiknore ginauna ghathoni ne parani iara teuna.

Profet Jeremaea 7:7

Jame nomhidi ghotilo nogu cheke iara igre me tughu puhimi te diꞌare meuna, iara ginauna snakre ghami ghotilo mala au fabrahu ka namono teke tusu ari iara ka mae kuꞌemi ghotilo tifara.

Eksodas 20:12

“Ghatho tahudi idomi kmami are, nei leghudi nodi cheke re eghu. Jame te eghu ghotilo na, ghotilo ginau na theome ghosei lehe, thono theo fara. Ghotilo ginau na karha fabrahu tifa tifa ka glose teke tusu ari iara Lord nomi God ghotilo igne.

Diutronomi 4:5

“Iara la farirhiu ghamihi ghotilo cheke nei vetula teu igre leghuni unha teke cheke ranghi ghau noda Lord God. Iara eni igne mala leghudi ghotilo vetula igre kate au teu ghotilo ka glose te hata ghotilo re.

Diutronomi 5:10

Nu jame te namha ghau iara nei leghudi nogu vetula iara gre teu ghotilo na, iara ginau na thofno namha ghami ghotilo nei kaisei thogha vikemi ghotilo nate karha mei teu thogheiro re.

Diutronomi 25:15

“Kate skel ghotilo tahudi glepo, ba ghotilo skel niha lita glepo igre, ghotilo mala famane edi fadoglo fara. Jame te eni ghotilo igne na, ghotilo ginauna tangomana te au raugha ka glose teke tusu ari Lord ka ghotilo igne.

Profet Jeremaea 7:23

Nu iara neke cheke faheta eghu ka mare, ‘Jame fanomho fakeli ghotilo ka iara, nei leghu fakelidi ghotilo gobigna lepo te chekedi iara igre meuna, iara ginauna nomi God ghotilo eghuteuna ghotilo nogu naikno iara. Eghuteuna iara ginauna tusu ari nakarha te keli ka ghotilo.

Profet Jeremaea 35:18

Aonu mae Jeremaea ne cheke eghu ka vikegna mae Rekab, “Lord mae ihei te au nolaghi fateote'o, nodi God maedi Israel igne ne cheke eghu ka ghotilo: ‘Ghotilo leghudi nogna cheke kuꞌemi mae Jonadab tifa ra, eghuteuna ghotilo leghudi gobigna lepo te chekedi mana ka ghotilore.