Diutronomi 4:34 - Buka Blahi Ka Cheke Holo

³⁴ Ba, keha god au aheva nga teke tei ka kaisei kantri teke hata fajifla naikno ka namono igne te mala nogna naikno thegna na? Theo! Nu Lord neke tei Ijep neke hata fajifla ghita ka khame nhetagna. Ghotilo neke filo tathami unha teke eni Lord nomi God, mana neke hata fajifla ghami ghotilo Ijep, mana neke loku ka puhi biꞌo, nei ka kofubobhoi, nei ka nolaghi, nei ka magra biꞌo, nei ka glepo te mamhaghuana fara.

Diutronomi 4:34 ပူးပေါင်းရင်းမြစ်များ

Diutronomi 26:8

Aonu Lord hata fajifla ghami Ijep ka khame nhetagna mana. Kate hata fajifla ghami mana Ijep mana neke edi kmana kofubobhoi nei nolaghi, nei glepo te mamhaghuana fara.

Diutronomi 5:15

Ghotilo ke ghatho fapulodi narane teke sneka ghotilo Ijep tifa ra, nu iara Lord, nomi God ghotilo, iara neke hata fajifla ghami ghotilo jare ka khame nhetagu iara. Naugna igne iara Lord nomi God ghotilo te cheke faheta ka ghotilo mala gnafa ka narane Sabat.

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Diutronomi 7:19

Mana neke hata fajifla ghami ka khame nhetagna king gna Ijep. Ghotilo neke filo tathamihi kofubobhoi nei nolaghi nei glepo te mamhaghuana fara Lord noda God teke edi kani teke hata fajifla ghami ghotilo Ijep ia. Eghume, Lord nomi God ghotilo igne ginauna jateula tuana eghu goigonidi naikno te mhaghudi ghotilo tuare.

Profet Jeremaea 32:21

Ka nou nolaghi biꞌo, iagho neke edi thua nafnata kofubobhoi nei fagaglana neku neke mhaghu nodi fara naiknodi Ijep. Ka puhi igne, iagho neke atha fajifla ghami Ijep.

Diutronomi 6:21

Ghotilo ginauna cheke eghu ranghidi, ‘Tifa na ghehati neke nogna sneka king gna Ijep. Nu Lord neke mei fakarhi ghami ghehati Ijep ka nogna nolaghi biꞌo na.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Diutronomi 34:12

Theo kaisei profet tangomana te fakakhana nolaghi biꞌo te mamhaghuana te edi mae Moses ke uludi naiknodi Israel.

Eksodas 3:10

Eghume gognarona iara magnahaghei nigho iagho te tei ka king gna Ijep, mala batu fajifladi iagho nogu naikno iara ra ka nogna kantri mana na.”

Ululahu Pita 5:6

Eghume ghotilo nhaꞌa fapari ghami themi mala au ke pari khamegna God te nolaghi fara. Kate thoke mei thofno narane na, mana ginauna na nhaꞌa haghe ghami ghotilo.

Eksodas 10:7

Hatimare mae funeire ne cheke eghu ka mae king, “Niha fata eghu snakreni mae igne mala eꞌei puhi biꞌo jateula igne eghu ranghi ghita fabrahu sagho ia? Snakredi sagho mae Israel are mala tei pogho soruni mare nodi Lord God na. Ba? Iagho theome filoni si Ijep tela diꞌa fara gnea?”

Diutronomi 29:3

Ghotilo neke filodi puhi biꞌo, nei kofubobhoi, nei glepo biꞌo eghu teke fakakhana Lord nogna nolaghi na.

Eksodas 7:3

Neuba iara ginauna edi kmana kofubobhoi biꞌo agne Ijep mala filo mana, iara ginauna eni king igne mala patugama, nei theome fanomho eghu ka gho.

Nodi Khoje Hatimare Mae Jiu 78:12

God neke eni kaisei kofubobhoi mala filoni mare neku ka sare na jare Soa ka kantri Ijep.

Eksodas 1:9

Eghuteuna king igne ne cheke eghu ka nogna naiknore, “Gognarona tahati la filo tathada theda tela kmana tela salaꞌu ghita naiknodi Israel igre, nei nheta salaꞌu ghita tahati. Eghume tahati ginauna na theome tangomana ghita nate sagheleghudi nafnata naikno igre.

Eksodas 14:30

Ka narane tuana Lord neke atha fapulodi mae Israel gre ka khamedi hatimare mae Ijep. Eghuteuna hatimare mae Israel gre ne filodi thinidi hatimare mae soldia di Ijep gre te thuru lehe teu ka gratha na re.

Diutronomi 9:29

Nu iagho lasedi, naikno igre nou iagho, iagho neke hata fajifladi Ijep ka nou nolaghi te biꞌo nei ka khamemu te rheta tulao.’ ”

Diutronomi 11:2

Gognarona ghotilo mala ghathodi thumi ghotilo teke theome lasedi nei haimidi teku unha teke edi Lord nomi God. Mare neke theome filodi nogna nolaghi nei nogna nanheta nei ka khamegna te nolaghi eghu teke uludi mana nogna naoka re.

Diutronomi 33:29

Gognarona ghotilo Israel glealeꞌa fara. Theo kaisei naikno te jateula ghotilo te fakarhi ghamihi Lord teu igre. Lord na jateula nomi greoreo eghu ghotilo mala theome tangomana nodi jata nomi naoka ghotilo are te fadi ghami ghotilo na. Eghuteuna mana jateula nomi famane naflahi eghu ghotilo mala uludi ghotilo naokare. Naoka igre ginauna mei mhaghu fififri balu tanhi ke ulumi ghotilo, nu ghotilo ginauna tapla ke klignadi nei goigonidi eghu mare.”

Nodi Khoje Hatimare Mae Jiu 24:8

Mae ihei te mae king biꞌo na? God ngala mae te nheta nei nolaghi teu ka magra na ngala te mae king biꞌo na.

Nodi Khoje Hatimare Mae Jiu 136:12

Mana hata fajifladi ka nogna nolaghi te biꞌo fara. Mana ne namha ghita tahati tifa tifa.

Profet Isaia 51:9

Lord, dofra sagho mala mei balu nou nolaghi biꞌo mala togho ghami ghehati, jateula teke eni iagho tifa ia eghu. Iagho neke vuri kusi mogo biꞌo Rehab te au ke lamna nhorora igne.

Profet Jeremaea 21:5

Iara thono diꞌatagu fara ka ghotilo, eghuteuna iara ginauna magra heta ka ghotilo.

Eksodas 10:21

Ke leghugna igne Lord ne cheke eghu ka mae Moses, “Tusu haghe khamemu na kligna, eghuteuna u gromno biꞌo te thuta te naba te mala haboni ka khame na ginau na soru mei toku tafruni Ijep.”

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Eksodas 19:4

‘Iagho themu neke filodihi glepo teke edi iara ka naiknodi Ijep ra. Eghuteuna ghotilo jaola neke filo ghauhi iara te hata mei ghami iara agne. Iara neke hata ghami ka namono igne jateula kaisei gaghata biꞌo te pala thugna re flalo te mei kligna ra neku agne.

Naba 20:16

Eghuteuna kate tanhi lao ghehati ka Lord na, mana nomhidi nomi natanhi ghehati re ne kuru meini kaisei engel mala batu fajifla ghami Ijep. “Nu gognaro na ghehati au Kades ka namono te fofotagna nou vido iagho gne.

Diutronomi 1:30

Lord, nomi God ghotilo ginauna batu ghami ghotilo mala magra balumi ghotilo, jateula tela filonihi ghotilo Ijep

Diutronomi 10:21

Ghotilo ghatho tahuni Lord! Eigna mana ngala nomi God ghotilo mae ihei teke edi glepo biꞌo te mamhaghuana teke filodi ghotilo ra.

Josua 24:7

kuꞌemi ghotilo ra neke tanhi mei ka iara mala togho ghami ghotilo, aonu iara neke lisei soru gromno biꞌo farihoteimi ghotilo nei maedi Ijep. Iara jaola neke eni thongna biꞌo na mei toku tafrudi maedi Ijep teke ngolhi ghami ghotilo igre. Eghuteuna mare ne kafe knoho ka thongna igne. Ghotilo la filodihi unha teke edi iara ka maedi Ijep ka narane tuana. “ ‘Ghotilo neke au kmana finogha ke lamna namono nagou,