Diutronomi 4:33 - Buka Blahi Ka Cheke Holo

³³ Ba, ihei ka keha naikno igre teke nomhini chekegna kaisei god te jifla mei ke lamna khaꞌaghi jateula ghotilo teu te theome lehe tagna na?

Diutronomi 4:33 ပူးပေါင်းရင်းမြစ်များ

Jajis 6:22

Kate laseni Gidion mana te filoni nogna Engel Lord na, mana mhaghu nogna ne cheke eghu, “Lord God, iara diꞌa nagnafagu fara! Iara ginauna lehe naugna iara la filodi tathagna nei foflogna teu nou engel iagho na!”

Diutronomi 5:24

Mare neke cheke eghu, ‘Lord, noda God tahati igne, gognarona mana fakakhana siasiglagna nogna nolaghi biꞌo na nei puhi te thono haghe fara mana na eghu ka tahati. Eghuteuna tahati nomhini naoglagna mana na mei funu ke lamna khaꞌaghi. Gognarogne ghehati nomhini God tangomana te cheke ka tahati naikno na, neuba ghehati karhau ngala, theome lehe!

Eksodas 33:20

Nu iara theome tangomana te snakreni ka iagho te filoni tathagu nei foflogu teu iara na, naugna theome tangomana kaisei naikno te filo ghau iara na, jame te eghu na, mana ginauna lehe.

Diutronomi 5:26

Ba, kaisei naikno neke nomhini naoglagna God mae ihei te karha te tifa igne neke cheke mei ke lamna khaꞌaghi jateula te nomhini ghehati igne neku, mana karhau gognarona?

Eksodas 24:11

Tutuani fara, mare neke thofno filoni tathagna God, nu mana neke theome goigonidi mare. Thono theo fara. Aonu mare ne ima fodu ka vido igne.

Diutronomi 9:10

Eghuteuna ke leghudi te gnafa phiatutu narane nei phiatutu bongi teu igre, Lord neke tusu mei phei thina tataba igre ka iara. “Ke klignadi phei thina tataba igre, Lord neke rioriso ka khamegna thegna cheke te gnafa teke jifla mei ke lamna khaꞌaghi ka narane teke khapru teku ghotilo ka pesi thogele ia.

Eksodas 20:22

Lord ne cheke ka mae Moses mala chekeni mana cheke igne ka mae Israel gre. Lord ne cheke eghu ka mana, “Ghotilo la lase ghauhi iara te au teu kligna te cheke balumi ghotilo.

Diutronomi 4:36

Ka maloa na mana snakre ghami ghotilo mala nomhini naoglagna mana na, mala tangomana mana te fadogli ghami ghotilo na. Eghuteuna ka glose na mana snakre ghami ghotilo mala filoni nogna khaꞌaghi biꞌo na, mala tangomana ghotilo te nomhini chekegna mana te jifla mei ka khaꞌaghi igne.

Diutronomi 5:4

Lord neke cheke fadoglo mei ka tathami ghotilo re ke kligna thogele, eghuteuna chekegna mana igne jifla mei ke lamna khaꞌaghi.

Diutronomi 5:22

Aonu mae Moses ne cheke eghu, “Igre unha teke chekedi Lord ka tahati re, kani teke salo fodu tahati ka pesigna thogele ia. Mana neke cheke faheta mei ka tahati ke lamna khaꞌaghi nei khoveo te thono romno fara. Vetula igre kolho teke chekedi mana ka narane tuana, aonu mana neke rioriso nogna chekere ke klignadi phei thina tataba neke tusu phei thina igre ka iara.”