Diutronomi 4:31 - Buka Blahi Ka Cheke Holo

³¹ Ghotilo tangomana teke pulo mei na naugna Lord nomi God ghotilo na kokhoni ghami ghotilo. Mana theome tangomana te tei koko ghami ba goigoni ghami ba ghatho ihoni nhaꞌa cheke teke eni baludi kuꞌemi ghotilo tifa ra.

Diutronomi 4:31 ပူးပေါင်းရင်းမြစ်များ

Nodi Khoje Hatimare Mae Jiu 116:5

Noda Lord God tahati na thofno mae keli fara. Uve, mana lolokelidi ne kokhonidi eghu naiknore.

Diutronomi 31:8

Lord thegna ginauna batu ghami ghotilo, eghuteuna mana ginauna au balumi ghotilo. Mana ginauna theome tangomana nate lisa koko ghami ghotilo na, eghume gaoghathomi ghotilo re mala theome glaꞌe soru nei mhaghu eghu.”

Profet Jona 4:2

Aonu mana ne tarai eghu, “Lord, kani au teku iara ka nogu kantri ia, iara lase nighohi te atha fadelei iagho nakhibodi naiknore. Ka puhi igne te fariu riu rikha te tei iara Spen ia. Iara kulu lase nigho iagho te keli fara nei kokhonidi teu naiknore. Iagho theome ghosei diꞌatamu, eghuteuna iagho ghatho tahudi fara naiknore. Uve, iagho tarabana fabrahu te mala atha fadelei nakhibodi naiknore, eghuteuna iagho theome mala paradi mare.

Nehemaea 9:31

Nu nou lolokeli iagho ranghidi naiknore thono biꞌo fara, eghume iagho theome figri tagrudi nei theome snakredihi te mala goigonidi re. God, leuleghu fata na iagho kokhonidi naiknore, nei iagho magnahaghedi fara mare!

Fapea Kronikols 30:9

Jame teke pulo mei ghotilo ka Lord, eghuteuna iheire teke hata kherada tahati ra teke tei au ka keha kantri delei ra, mare ginauna nake kokhonidi nake snakre fapulo meidi. Lord nomi God ghotilo igne thofno keli fara, eghuteuna mana tangomana te kokhonidi naiknore. Eghuteuna jame teke pulo mei ghotilo ka mana na, mana ginauna kelitagna fara ka ghotilo te au balugna mana na.”

Levitikas 26:42

te eghu na, iara ginauna ghathoni nogu nhaꞌa cheke teke eni iara baludi kuꞌedi mare, Ebraham, Isak, nei Jekop. Eghume iara ginauna nake ghathoni nomi glose ghotilo na mala ke pulo mei mare tagna.

Diutronomi 31:6

Eghume ghotilo farerheta gaoghathomi are, eghuteuna ghotilo mala kegra heta leghu fata. Thosei mhaghu nei bobolo nomi eghu, naugna Lord nomi God ghotilo na au balumi ghotilo. Mana ginauna na theome tei koko ghami ghotilo, ba ghatho iho ghami.”

Luku 1:72

God neke nhaꞌa cheke ranghi ghita mala kokhonidi mae kuꞌeda tifa ra. Mana neke ghatho fapuloni u nogna nhaꞌa cheke te blahi na.

Profet Jeremaea 14:21

Thosei faparini nafnaknomu na ka tathadi naiknore. Thosei fadidiꞌa puhi te keli te funei fruni iagho igne. Thosei ghatho ihoni nhaꞌa cheke teke eni iagho ka ghehati ia, iagho thosei lopini nhaꞌa cheke igne.

Nodi Khoje Hatimare Mae Jiu 111:9

Mana neke fakarhi ghita tahati nogna naikno gre, nei eni u nhaꞌa cheke te theo ka huigna igne baluda tahati. Mana mae blahi nei nolaghi fara eghu.

Nodi Khoje Hatimare Mae Jiu 111:5

Mana tusu lao gano koba ranghidi iheire te ghatho tahunire, naugna mana theome ghatho ihoni nogna nhaꞌa cheke teke mana ka tahati na.

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Naba 14:18

Tifa na, iagho neke nhaꞌa cheke eghu, ‘Iara ngala Lord na, eghuteuna iara theome tangomana te ghosei diꞌatagu na. Leuleghu fata na iara ghatho tahudi koba nogu naiknore. Iara ginauna atha fadelei nakhibodi nei puhi te diꞌa teu ka nogu naiknore. Nu iheire naikno te edi glepo te diꞌare, iara ginauna paradi mare baludi thudi, gradi, fapea gradi, nei fatilo gradi teu te ginau karha mei ke leghudi mare re.’

Nehemaea 1:5

ne cheke eghu, “Lord God gna kligna. Iagho haghe fara, eghuteuna ghehati mhaghu nomi fara te mei namo ka iagho na. Leuleghu fata na iagho tajini nou nhaꞌa cheke na, baludi iheire te namha nigho nei leghudi teu nou chekere.

Nodi Khoje Hatimare Mae Jiu 105:8

U nhaꞌa cheke teke eni mana ka tahati igne, ginauna au fabrahu. Uve, mana ginauna tajini fabrahu u nhaꞌa cheke teke eni mana ka tahati te gnafa igne nei mala dila iheire la ngau nate karha mei teu ke leghuda tahati thogheiro.

Nodi Khoje Hatimare Mae Jiu 86:15

Nu Lord, iagho ngala God mae ihei te kokhonidi fara, nei namhadi fara teu naiknore. Uve, iagho thofno keli fara, eigna iagho theome ghosei diꞌatamu, nei iagho tangomana te tajini fabrahu nou nhaꞌa cheke na.

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Ululahu Kronikols 28:20

Aonu King Devet neke cheke eghu ka mae Solomon, “Iagho thosei mhaghu, kegra heta mala eni gloku igne, naugna Lord nogu God iara na au balumu iagho. Mana ginauna togho nigho nei mana ginauna au fabrahu balumu iagho kate loku fahui iagho Sugablahi igne.

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Levitikas 26:44

Nu ka narane tuana kani au nga teu mare ka nodi kantri mae nodi naoka re, iara ginauna theome tangomana te thofno lisa kokodi mare, ba thododi mare, mala goigonidi mare hui. Eghuteuna iara theome tangomana te huhughuni nogu nhaꞌa cheke baludi mare ia, naugna iara Lord, nomi God ghotilo. Iara ginauna toghodi mare, naugna iara ginauna ghathoni nogu nhaꞌa cheke iara ia. Nhaꞌa cheke igne iara neke eni balumi ghotilo kani teke hata fajifla ghami iara Ijep ka tathadi keha naikno ra mala nodi God mare. Iara Lord.”

Nodi Khoje Hatimare Mae Jiu 103:8

Puhigna God na thono keli fara, mana theome tangomana te ghosei te diꞌatagna na. Nu mana namhadi nei kokhonidi eghu fara naiknore.

Nodi Khoje Hatimare Mae Jiu 111:4

Lord magnahaghei ghita tahati te ghathodi fabrahu glepo te keli teke edi mana igrei. Eigna Lord ne thofno keli ranghi ghita nei kokhoni ghita eghu fabrahu.

Profet Jeremaea 30:11

Iara au balumi ghotilo, eghuteuna iara ginauna fakarhi ghami ghotilo. Neuba iara ne goigonihi kantri mala tei au ghotilo teku iara igne, iara ginauna na theome goigoni ghami ghotilo. Neuba, iara ginauna para ghami ghotilo, eidi nakhibo te edi ghotilo ranghi ghau iara, nu iara ginauna na theome para ghami fara ghotilo.” Igne cheke gna Lord.

Eksodas 6:8

Iara ginauna batu ghami tei ka namono teke nhaꞌa cheke iara ka kuꞌemi ghotilo tifa ra, Ebraham, Isak nei Jekop. Iara ginauna snakre ari ka ghotilo namono igne, eghuteuna ghotilo ginauna khotogna namono igne tifa tifa. Iara Lord, ginauna eni glepo igne.’ ”