Diutronomi 4:30 - Buka Blahi Ka Cheke Holo

³⁰ Jame te thoke mei puhi biꞌo ka ghotilo te au papara fara ghotilo ka glepo igre na, ghotilo ginauna nake figri ka Lord nomi God mala ke leghuni mana.

Diutronomi 4:30 ပူးပေါင်းရင်းမြစ်များ

Profet Hosia 3:5

Eghuteuna kaisei narane ke leghudi igre, naiknodi Israel ginauna nake hogri nagnafa mala ke figri ka nodi Lord, nei nodi God. Eghuteuna mare ginauna nake jaola nake figri ka mae ihei nate karha mei ka vikegna mae king Devet, mae igne ginauna nodi king mare. Eghuteuna ka narane tuare, naiknore ginauna mei ka Lord mala kilo fnaknoni mana, eghuteuna mana ginauna na fablahidi.

Profet Jeremaea 23:20

Diꞌa tagna Lord igne ginauna theome gnafa ghilei thoke mei narane te magnahagheni mana te mala gnafadi gobigna lepore. Ka narane leghu lahu na ghotilo naikno ra ginauna lase fakelini glepo igne.”

Profet Jeremaea 7:23

Nu iara neke cheke faheta eghu ka mare, ‘Jame fanomho fakeli ghotilo ka iara, nei leghu fakelidi ghotilo gobigna lepo te chekedi iara igre meuna, iara ginauna nomi God ghotilo eghuteuna ghotilo nogu naikno iara. Eghuteuna iara ginauna tusu ari nakarha te keli ka ghotilo.

Profet Isaia 1:19

Jame te leghu ghau iara ghotilo na, iara ginauna togho ghami ghotilo te mala au fakeli ghotilo na, eghuteuna ghotilo ginauna au ghemi gano te keli ka nomi nagare are.

Diutronomi 31:29

Iara laseni ke leghugna te lehe iara na, ghotilo ginauna na thofno diꞌa fara, eghuteuna ghotilo ginauna figri tagrudi glepo te farirhiu ghami iara igre. Eghume ka narane nate mei are puhi biꞌo ginauna thoke ghami ghotilo, naugna ghotilo ne edi glepo te diꞌa te diꞌatagnadi fara Lord re.”

Jenesis 49:1

Mae Jekop ne eha meidi mae thugna re ne cheke eghu ka mare, “Mei ghotilo rhegu iara agne mala kulu chekedi iara ka ghotilo unha nate thoke mei ka ghotilo ginau re.

Naba 24:20

Aonu mae Balam ne filodi vikegna mae Amalek gre ka nogna mifi na ne cheke eghu, “Mae Amalek gre neke uludi fara kmana kantri tifa na, nu kaisei narane na ghotilo ginauna groꞌehi!”

Hibru 1:2

Nu gognaro na kau narane leghu lahu igre, God ne kuruni mae Thugna mala cheke ka tahati. Eghuteuna, vahini mae Thugna mala hohoro u nauthoglu igne, nei mala khotodi mana gobigna lepo fateo te au ke lamnagna.

Mae Khuru 26:20

Ulu lahu na iara neke funu cheke ranghidi naiknore Damaskas mala koko puhi te diꞌare mala figri ka God, nei falalaseni nodi thofno hogri nagnafa na kate edi glepo te kelire. Eghuteuna iara neke tei Jerusalem nei ka nohi te gnafa ka Provins Judia neke toutonu cheke igre, nei jaola ka naikno te theome Jiure.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Profet Sekaraea 6:15

Naikno te au ka keha kantri delei ra ginauna mei mala totogho mala ke babana fapulo nogna Sugablahi Lord. Kate eni igne, ghotilo ginauna laseni Lord mae ihei te au nolaghi fateote'o igne kuru mei ghau iara ka ghotilo. Mana noda God tahati, eghuteuna jame te loku heta ghotilo te leghuni mana na, gobigna lepore ginauna keli ranghi ghami ghotilo.”

Profet Daniel 10:14

Iara mei mala cheke ka iagho unha nate thoke mei ka nou naikno iagho igre mala lasedi iagho glepo igre. Unha te filodi iagho ka mifi igre, u thotoghaledi glepo te theome thoke mei nga teu.”

Lamentations 3:40

Te keli na tahati filo fakeli ka puhida gre, eghuteuna koko puhi te diꞌa igre mala ke pulo mei ka Lord.

Diutronomi 31:17

Aonu kate eni mare igne na, iara ginauna diꞌatagu fara ka mare, eghuteuna iara ginauna lisadi mare. Iara ginauna poru ka mare, eghuteuna kmana puhi ginauna mei goigonidi mare. Mare ginauna thokedi kmana puhi biꞌo, eghuteuna kate thoke mei glepo te diꞌa ka mare na, mare ginauna laseni te theome au iara baludi mare na.

Eksodas 18:8

Mae Moses ne toutonu ka mae Jetro gobigna lepo te edi Lord ranghini king, nei naiknodi Ijep. Eigna Lord neke fakarhadi naiknodi Israel. Mana neke jaola neke toutonu ka mae Jetro eigna Lord te toghodi mare ka thua hoholo fateote'o te mei thafodi mare ka nabrou na.

Hibru 5:9

Kate loku fahui mana unha teke magnahagheni God na, mana mala au fabrahu mala fakarhidi naikno te gnafa te leghuni mana re.

Diutronomi 30:2

Eghuteuna kate ghathodi ghotilo nei thumi re teu farirhiu igre, ghotilo ke figri gaoghathomi re mala ke pulo mei ka Lord nomi God. Ghotilo mala leghudi ka gaoghathomi fateote'o, nei ka nomi glalase fateote'o eghu cheke te tusu ari iara ka ghotilo gognaro igre.

Diutronomi 31:21

Aonu kate thoke mei kmana hoholo biꞌo ka mare na, eghuteuna khoje igne ginauna na jateula kaisei nogu witnes eghu iara fakakhana puhidi mare te diꞌa re, naugna mare vikegna Israel theome tangomana te ghatho ihoni khoje igne. Neuba iara ne theome hatadi mare neu ka glose teke nhaꞌa cheke iara ka mare na, nu iara la lasenihi unha nate eni mare ke leghu na.”

Nodi Khoje Hatimare Mae Jiu 18:6

Kate au diꞌanagnafa na iara eha fabiꞌo ka nogu God mala togho ghau. Mana au neku ka sugagna na neke nomhini naoglagu iara na.

Nodi Khoje Hatimare Mae Jiu 59:16

Nu iara ginauna na koje mala cheke thakleni nou nolaghi iagho na. Leuleghu hamerane na iara ginauna koje fabiꞌo mala cheke thakleni iagho te namha ghau iara na. Naugna iagho jateula nogu vido te keli eghu mala poru iara ka vido te au ka hoholo na.

Nodi Khoje Hatimare Mae Jiu 107:6

Kate au teu mare ka hoholo na, mare tanhi lao ka Lord mala toghodi. Aonu mana ne fakarhidi ka thua hoholo fateote'o.

Nodi Khoje Hatimare Mae Jiu 107:13

Kate au teu mare ka hoholo na, mare tanhi lao ka Lord mala toghodi. Aonu mana ne fakarhidi ka thua hoholo fateote'o.

Profet Jeremaea 4:1

Lord ne cheke eghu, “Ghotilo naiknomi Israel. Jame magnahaghei mala ke pulo mei mala teke leghu ghau iara teuna, ghotilo koko mumuju god te ghatho tahudi ghotilo are.

Profet Jeremaea 4:2

Jame te magnahaghei nhaꞌa cheke ghotilo ka nanghagu iara na, ghotilo cheke eghu, ‘Iara thofno nhaꞌa cheke ka nanghagna Lord mae ihei te karha te tifa.’ Jame te eni tutuani ghotilo igne na, iara ginauna fablahi ghami ghotilo naikno te gnafa ka nauthoglu igne.”

Nehemaea 1:9

Nu jame teke figri mei ghotilo ka iara na, eghuteuna leghudi ghotilo nogu cheke iara gre teuna, iara ginauna nake hata fapulo ghami ghotilo. Neuba ghotilo ne tei au tafri delei fara ka nauthoglu igne, iara ginauna hata fajifla ghami ghotilo ka vido igne mala hata ghami ghotilo mala ke pulo mei ka vido aheva teke kulu vahini iara te mala tarai ghotilo ka iara na.’