Diutronomi 4:3 - Buka Blahi Ka Cheke Holo

³ “Ghotilo la filo tathamihi gobigna lepo teke edi mana ka ghotilo Baal-Peo ra. Iheire teke pogho soru ka god Baal Peo ra, Lord neke aknu falehe.

Diutronomi 4:3 ပူးပေါင်းရင်းမြစ်များ

Profet Hosia 9:10

Lord ne cheke eghu ka naiknodi Israel, “Iara neke vahidi kuꞌemi ghotilo tifa ra mala nogu naikno iara. Ka narane tuare mare neke jateula fig te fuꞌa ulu te muita ra neku. Nu kate tei te posa mare ka thogele Pio igne, mare neke funu tarai neke pogho soru ka mumuju Baal. Kate magnahagheni mare mumuju Baal te diꞌa igne, mare ne jateula mumuju neu ne diꞌa fara.

Josua 22:17

Ba, ghotilo kela ghatho ihodihi narane kani teke au tahati Peo teke para ghita mana eidi nakhiboda tahati ra? Tahati nogna naikno mana, nu mana para ghita ka kaisei fogra te thono diꞌa fara teke kafe thoke ghita tahati gnafa. Eghuteuna tahati theome gnafa te au papara fara eigna glepo igne.

Naba 31:16

Goro gaꞌase igre site leghuni koba nogna cheke mae Balam ia! Eghuteuna reꞌe ngala te chaghidi noda mae nalhaꞌu tahati gre te rikhani Lord te leghuni god Baal-Peo igne! Ka puhi tugne site mei khabru te diꞌa igre ka tahati nogna naikno Lord grea!

Naba 26:64

Eghuteuna keha mae teke kahadi mae Moses ghe mae pris Eron kani au teku mare ka namono nagou Sanai re, theo kaisei mae te karha nga teku na, mare ne orio lehe.

Diutronomi 4:4

Nu, ghotilo iheire teke ghatho tahuni Lord nomi God ra, ghotilo kafe karha teu gognaro gre.

Profet Esikiel 20:18

Iara neke cheke eghu ka thudi mare re, “Ghotilo thosei leghudi cheke nei kastom nei vetula eghu teke leghudi teke mei kuꞌemi ghotilo tifa ra. Eghuteuna ghotilo thosei fathona ghami themi ka tathagu iara na kate tarai ghotilo ka nomi mumuju are.

Diutronomi 11:7

Nu ghotilo neke thofno filo tathami gobigna lepo te biꞌo teke edi Lord ra.”