“Jame te theome ghatho tahuni ghotilo Lord na, mana ginauna fariki raka ghami ghotilo ka keha kantri are, funu ka keha philegna nauthoglu na tei posa ka keha philegna nauthoglu na. Kate au ghotilo ka kantri igre, mare ginauna huhuru ghami ghotilo mala tarai pogho soru ka keha god teke horo ka thaba nei thina eghu kolho, eghuteuna ghotilo nei kuꞌemi ra eghu neke theome lasedi mumuju igre.
Diutronomi 4:28 - Buka Blahi Ka Cheke Holo28 Jare ghotilo ginauna tarai ka mumuju teke horo kolho naiknore. Nafnata mumuju teke horo ka gaju ba thina te theome tangomana te fifilo ba fanomho ba ghamu ba gnanghoni kaisei glepo. အခန်းကိုကြည့်ပါ။ |
Diutronomi 4:28
22 ပူးပေါင်းရင်းမြစ်များ
Naugna igne, iara ginauna na khi fajifla ghami ghotilo ka kantri igne, eghuteuna ghotilo ginauna tei au ka kantri aheva ghotilo baludi kuꞌemi tifa ra teke theome laseni. Eghuteuna ka namono igne, bongi narane na mare ginauna huhuru ghami ghotilo mala pogho soru ka mumuju, eghuteuna iara ginauna na theome kokhoni ghami ghotilo!’ ”
Mare hata mumuju igne ne fakegra haghe ka kaisei vido mala au fabrahu jare, naugna mumuju igne theome tangomana te nolo tafri thegna na. Nu ihei te tarai ka mumuju igne na, mumuju igne ginauna theome tangomana nate nomhini mana na, nei jaola theome tangomana nate toghoni mana ka narane te thoke mei puhi biꞌo na.
“Lord ginauna kuru fajifla ghami ghotilo balugna nomi king na, eghuteuna ghotilo ginauna tei ka keha kantri te khaba fara aheva ghotilo nei kuꞌemi ra eghu te theome tangomana laseni. Kate au teu ghotilo ka kantri tuana, mare ginauna huhuru ghami ghotilo mala tarai nei pogho soru eghu ka mumuju god teke horo kolho ka thaba nei thina.
“ ‘Ghotilo naiknomi Israel ra! Iara Lord God te cheke eghu ka ghotilo igne: Jame te magnahaghei tarai ghotilo ka nomi mumujure, edi si ghotilo. Nu ke leghu na, iara ginauna fofotho khulimi ghotilo are mala theome fanomho nei leghudi eghu nogu cheke iara re. Iara ginauna theome snakre ghami ghotilo mala goigoni ni nanghagu te blahi na ka puhi te tarai ghotilo ka mumuju nei tusu lao fafara ranghidi.
Lord neke cheke eghu, “Ghotilo te gnafa ka keha kantri te au karha nga teu ra, ghotilo kafe mei mala fate ke ulugu iara! Keha naiknore pala tafri nodi mumuju teke horo kolho ka gaju re. Eghuteuna mumuju god te tarai mare tadi igre theo kaisei nodi nolaghi te mala fakarhidi mare na. Nafnata naikno igre theome laseni kolho kaisei glepo.
Nogu funei nei nogu king, iagho fanomho ka cheke nate chekeni iara igne. Jame teke gaoghatho Lord te mala diꞌatamu iagho ka iara na, kaisei fafara jame teke figrini gaoghathogna mana na mala teke keli ka iara na. Nu jame teke keha maei kolho te eni ka iagho te mala diꞌatamu ka iara na, lisa lao ka Lord mala thoke mei puhi biꞌo ka mare. Naugna mare ne khi fajifla ghau iara ka namono gna Lord na, eghuteuna mare eni igne mala tei tarai iara ka keha god delei.
Nu God na ne figri lao thagrugna na ka mare nei snakredi mare mala pogho soru ka naprai, ka glaba, nei ka nathunu. Igne unha te risoni ka nodi buka mae profet ra. God neke cheke eghu, “ ‘Ghotilo naiknomi Israel ra, kate au ka namono nagou ia ghotilo neke au jare phiatutu finogha, ghotilo neke falelehe buluka koba neke fafara. Nu fafara tuare theome nogu iara.
Keha naikno ka nauthoglu igne re ne theome lehe ka papara biꞌo igre. Nu mare tirodi tughu nagnafa nei figri tagrudi eghu mumuju teke horo thedi ka khamedire. Tutuani, mare theome gnafa ka puhi te pogho soru ka naitu nei mumuju eghu teke hohoro ka gol, silva, bras, thina, nei gaju. Glepo igre theome tangomana te fifilo ba nonomho ba nonolo.
Mae te lase hohoro glepo ka aean na, mana ginauna hata kaisei vido aean mala gahu ka khaꞌaghi te brana fara na mala hohoro kaisei mumuju. Aonu mana kuri aean igne ka nanhetagna fateote'o ghilei eni nafnata mumuju te magnahagheni mana na. Neubane mae nheta mana, mana tangomana te rofo nei roi koꞌu, nei babaꞌo langau teuna.
Mumuju igre tharu maei kolho, jateula thotogale naikno te mala famamhaghu nanghaji ka nagare sopho ra eghu kolho. Mumuju god igre theome tangomana te cheke na nei jaola theome tangomana te nolo na. Ghotilo thosei mhaghudi, eigna mare theome tangomana te goigoni ghami ghotilo na, nei jaola theome tangomana te togho ghami ghotilo na.”
ကြော်ငြာတွေ