Diutronomi 4:27 - Buka Blahi Ka Cheke Holo

²⁷ Eghuteuna mana ginauna ngolhi fajifla ghami ghotilo mala tei au baludi naiknodi keha namono are, eghuteuna keha ka ghotilo kolho nate karha au teu ka namono tuare.

Diutronomi 4:27 ပူးပေါင်းရင်းမြစ်များ

Levitikas 26:33

Iara ginauna kurudi nomi naoka ghotilo are mala ngolhi fajifla ghami ghotilo mala tei au tafri ka keha kantri delei. Eghuteuna ke leghu, mare ginauna goigoni fahui nomi namono ghotilo are ghilei krogha.

Profet Esikiel 32:26

“Eghuteuna naiknodi phei kantri Mesek ghe Tubal igre jaola au ka namono igne baludi nodi soldia re. Eghuteuna nodi beku phei kantri igre au farihoteidi bekudi mae iheire te lehe ka magra ra au lithui jare. Mare te gnafa na lehe jateula khuma mata eghu kolho. Mare lehe ka magra, naugna kani karha tekure, mare neke famamhaghudi naiknore fara.

Profet Esikiel 12:15

“Kate ngolhi teidi iara te au tafri mare ka keha kantri are, mare ginauna thofno lase fakelini te iara Lord te edi ka mare glepo igre.

Nehemaea 1:3

Aonu mare ne cheke eghu ka iara, “Naikno karha teku teke figri ka nohi Juda ra, puhi biꞌo thoke ghami ghehati, eghuteuna ghehati thono mamaja nomi fara. Gringni thinagna namono biꞌo Jerusalem ia la diꞌahi, eghuteuna grengathagna ra gnhubrahi ka khaꞌaghi.”

Jenesis 11:4

Aonu mare ne cheke eghu fari thedi, “Tahati na eni kaisei noda namono biꞌo nei kaisei suga brahu agne. Suga igne mala brahu tei posa ke klignadi khoveo ka maloa na are. Jame te eni tahati igne na, naikno gnafa ka nauthoglu igre ginauna na fafnakno ghita eigna unha te eni tahati igne. Eghuteuna ginauna na theo kaisei naikno nate mei te roꞌe ghita tahati na, te mala thofa tafri tahati heva heva ke lamna gna nauthoglu igne na.”

Jenesis 34:30

Kate nomhini mae Jekop eigna puhi igne, mana ne cheke eghu ka mae Simion ghe mae Livae, “Ghotilo eꞌei puhi biꞌo ke kligna gu iara. Naikno te au faligoho ghita ka kantri Kenan nei Peres teu igre ginauna na tirodi ghita tahati. Tahati gne theome kmana. Jame te salo fodu mae igre te mei magri ghita na, mare igre ginauna na kafe falehe ghita tahati hui.”

Diutronomi 29:28

Lord ne thofno diꞌatagna fara, aonu mana brue fajifladi ka nodi namono re jateula ihei te rathu koko buburu te diꞌa re ka nogna nagare na ia eghu. Eghuteuna koko teidi ka keha kantri delei, aheva te au teu mare tela ghilei mei posa ka narane gognaro gre!’

Diutronomi 30:3

Jame te eghu ghotilo na, Lord ginauna kelitagna ka ghotilo, eghuteuna mana ginauna tangomana nate atha fajifla ghami ka keha namono aheva teke brue ghami mana teke tei ghotilo tadi are.

Diutronomi 32:26

Te chekeni iara na, iara ginauna ngolho fajifla ghami ghotilo, eghuteuna theo kaisei naikno ka nauthoglu igne nate tangomana na teke ghatho ghami ghotilo na.

Nodi Khoje Hatimare Mae Jiu 44:11

Iagho snakredi mare mala falehe ghami jateula sipu eghu, mala tei au tafri ghehati ka keha kantri delei.

Nodi Khoje Hatimare Mae Jiu 106:27

Eghuteuna mana ginauna brue fajifladi iheire nate karha mei ka vikedi mare thogheiro mala tei au tafri farihoteidi naikno te bongihehere, nei lisa laodi mala tei lehe mare ka keha kantri delei.

Profet Isaia 17:6

Uve, ginauna na theome kmana naikno nate karha ka kantri igne. Ginauna Israel gne na jateula kaisei gaju oliv te tei naikno te vigho te brusu soru pari sisigna re te tei hata fahui naikno ra eghu, eghuteuna phei, ba thiloi sisi kolho nate au teu ka grege kligna na, eghuteuna phei ba thiloi kolho te au ka grege pari na teura eghu kolho.” Igne nogna cheke Lord nodi God maedi Israel.

Profet Jeremaea 16:13

Naugna igne, iara ginauna na khi fajifla ghami ghotilo ka kantri igne, eghuteuna ghotilo ginauna tei au ka kantri aheva ghotilo baludi kuꞌemi tifa ra teke theome laseni. Eghuteuna ka namono igne, bongi narane na mare ginauna huhuru ghami ghotilo mala pogho soru ka mumuju, eghuteuna iara ginauna na theome kokhoni ghami ghotilo!’ ”

Profet Esikiel 20:23

Ke lamnagna namono nagou na, iara neke eni kaisei nhaꞌa cheke te mala kuru fajifladi mala tei au tafri mare ka keha kantri ka nauthoglu gne.

Profet Esikiel 22:15

Iara ginauna khi fajifla ghami mala tei au tafri ghotilo ka keha kantri delei. Eghuteuna iara ginauna koko fahui puhimi ghotilo te diꞌa te theome gae ghotilo ka tathagu iara na.

Profet Daniel 9:7

“Lord, iagho edi fabrahu unha te doglore. Nu ghehati famamaja ghami themi kolho kate edi fabrahu puhi te diꞌa gre. Naiknodi Juda nei Jerusalem, baludi naikno te gnafa Israel te khi teidi iagho te tei au tafri ke lamnagna nauthoglu igne, ghehati te gnafa na kaisei nanaba ngala. Ghehati te gnafa na theome tajini nomi nhaꞌa cheke teke eni balumu iagho ia.

Profet Sekaraea 7:14

Naugna te eni mare igne, iara mei jateula saeklon eghu mala kafe brue teidi delei mala tei au tafri ka keha kantri delei. Eghuteuna famane glose teke kulu au mare tadira, krogha, mala theo kaisei naikno tangomana te au tagna na.”

Diutronomi 28:36

“Lord ginauna kuru fajifla ghami ghotilo balugna nomi king na, eghuteuna ghotilo ginauna tei ka keha kantri te khaba fara aheva ghotilo nei kuꞌemi ra eghu te theome tangomana laseni. Kate au teu ghotilo ka kantri tuana, mare ginauna huhuru ghami ghotilo mala tarai nei pogho soru eghu ka mumuju god teke horo kolho ka thaba nei thina.

Nodi Khoje Hatimare Mae Jiu 44:12

Iagho neke foli nou naikno themu gre ka sileni ikoi jateula chara eghu kolho.

Profet Esikiel 11:16

“Nu igne unha te magnahaghei nigho iara te mala cheke eghu iagho ka naiknodi Israel te au Babilonia ra: ‘Neuba iara ne kuru teidi mala au tafri ka keha kantri are, nu ka katha vido narane kolho, iara au ngau baludi mala jateula nodi vido blahi eghu mare.’

Profet Hosia 9:17

God mae ihei te loku ranghini iara igne ginauna na figri tagrudi nogna naiknore, naugna naikno igre ne theome leghuni nogna cheke mana na. Eghuteuna naikno igre ginauna mala tei tafri kolho ka keha kantri delei.