Diutronomi 4:19 - Buka Blahi Ka Cheke Holo

¹⁹ Ghotilo fiofilo ghami glahu chaghi ghami mare korhi ghami mala pogho soru nei tarai eghu ka glepo te filodi ka maloa na are, naprai nei glaba, nei nathunu. Lord neke tusu mei glepo igre ka keha naikno te au heva heva ka nauthoglu igne mala tarai nei pogho soruni eghu God.

Diutronomi 4:19 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 1:25

Mare tirodi fatutuani ni chekegna God te tutuani na, eghuteuna mare fatutuanidi kolho thoutonu te chaichaghire. Jaola, mare tufru sorudi nei loku ranghidi eghu glepo teke vuavuha God re. Nu mare ghatho ihoni te tufru soruni nei loku ranghini teu God mae ihei teke vuavuhadi gobigna lepo igre. God mae ihei naiknore naba te cheke fakelini tifa te tifa. Amen.

Diutronomi 17:3

Jau mae igne huhughuni nogna vetula Lord na eghuteuna mana tarai ka keha god delei, ba jau mana pogho soru tarai ka naprai, ba glaba, ba ka nathunu.

Fapea Kings 21:3

Mana tei neke babana fapulo nodi vido blahi mae bongihehe teke paꞌe soru kmagna mana mae Hesekaea ra. Mana horo olta mala tarai ka Baal, eghuteuna horo kaisei mumuju gaꞌase Asera, jateula teke edi King Ehab gna Israel tifa ra neu. Eghuteuna mae Manase jaola neke tarai ka nathunu.

Fapea Kings 17:16

Mare huhughudi nogna vetula Lord nodi God na ne edi phei mumuju buluka, eghuteuna mare jaola neke eni kaisei mumuju gaꞌase Asera. Mare tarai ka nathunu nei loku ranghini god Baal.

Jenesis 2:1

Aonu God ne loku ne gnafa maloa ghe nauthoglu gre baludi gobigna lepo te gnafa te au ke lamnadi.

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Mae Khuru 7:42

Nu God na ne figri lao thagrugna na ka mare nei snakredi mare mala pogho soru ka naprai, ka glaba, nei ka nathunu. Igne unha te risoni ka nodi buka mae profet ra. God neke cheke eghu, “ ‘Ghotilo naiknomi Israel ra, kate au ka namono nagou ia ghotilo neke au jare phiatutu finogha, ghotilo neke falelehe buluka koba neke fafara. Nu fafara tuare theome nogu iara.

Matiu 5:45

Te eghu ghotilo na, ghotilo ginauna goro thugna God mae Kmami te au teu kligna. Naugna God namhadi iheire te diꞌa ranghini. Tutuani, mana neke eni naprai mala phae ke klignadi iheire te keli ba ke klignadi iheire te diꞌa. Mana jaola neke eni nakhete na mala soru ke klignadi iheire te keli ba ke klignadi iheire te theome keli.

Profet Jeremaea 8:2

Eghuteuna mare ginauna atha nhubra te magnahaghedi fara naiknore mala raba tafri ke kligna glose, ba ke pari naprai, glaba nei nathunu. Tifa na, mare tuturupuku soru toredi nhubra igre mala toghodi. Nu nhubra igre ginauna jateula chara eghu ke kligna glose. Eghuteuna theo kaisei naikno nate salo nhubra igre te mala giugilui na.

Profet Sefanaea 1:5

Iara ginauna koko sorudi pari iheire te haghe ke tagru suga te pogho soru ka naprai, nei ka glaba, nei ka nathunu. Naikno igre neke nhaꞌa cheke ka iara mala loku ranghi ghau iara neku, nu mare jaola nhaꞌa cheke mala loku ranghini mumuju god Molek.

Profet Esikiel 8:16

Mana hata ghau iara ne tei lamna ka glalaba ikoi rhegna nogna Sugablahi Lord na. Ka vido igne varadaki glima mae kegra neu rhegna grengathagna Chogho Blahi na, farihotei olta nei varanda eghu ke ulugna suga igne. Mare figri thagru ka nogna Sugablahi Lord na, ne filo tei ke maghati. Mare pogho soru ke maghati ne tarai ka naprai kate haghe naꞌa kligna na.

Profet Jeremaea 33:25

Nu iara cheke tutuani ka ghotilo: Iara ginauna na theome huhughuni nhaꞌa cheke teke eni iara baludi narane ghe bongi ra, eghuteuna iara ginauna na theome snakredi maloa ghe nauthoglu igre te huhughudi nogu vetula re.

Profet Jeremaea 31:35

God neke lillisei naprai na mala phae ka narane, eghuteuna glaba nei nathunu teu igre mala phae bongiro. Mana neke eni thongna gne mala malu oa'ongha fabiꞌo. Nanghagna God igne, Lord mae ihei te au nolaghi fateote'o. Igne unha te chekeni Lord na:

Profet Jeremaea 19:13

Ghotilo gahu insens mala pogho soru ka nathunu ke kligna suga Jerusalem, nei ka sugadi hatimare mae king. Eghuteuna ghotilo tofa waen ke kligna olta mala kilo fnaknodi keha god. Suga te gnafa igre ginauna kafe chara fara jateula namono Tofet eghu ka tathagu iara na.’ ”

Fapea Kings 23:11

Ka narane tuana, king ne brue tei delei ka nogna Sugablahi Lord na hose teke fafara hatimare mae king di Juda ka naprai igre. Hose igre au ke lamnagna kaisei vido rhegna nogna chogho kaisei mae biꞌo, nanghagna na mae Natan-Melek. Mae Josia ne gnubra ka khaꞌaghi chariot teke fafara ka naprai igre.

Diutronomi 13:5

Tifa na ghotilo neke sneka Ijep, eghuteuna Lord neke hata fajifla ghami neke fakarhi ghami ghotilo. Eghume ghotilo mala aknu falehe mae profet te fariuriu batu fadelei ghami ghotilo are, eigna mare magnahaghei ghami ghotilo te figri tagruni Lord nomi God, mala thosei ke eni mare puhi te batu fadiꞌadi naiknore igne.

Diutronomi 13:10

Iagho fadi faleheni mana ka thina, naugna mana ne fariuriu batu fadelei nigho iagho ka Lord nomi God ghotilo na, mae ihei teke fakarhi ghami ghotilo Ijep ka namono teke sneka ghotilo tagna ia.

Profet Esikiel 18:6

Mana theome tangomana te tufru soru ka mumuju teke tufru soru naiknodi Israel ke kligna thogele ra. Eghuteuna mana theome tangomana te ghamu nafnahi teke fafara mare ka mumuju igre. Mana theome tangomana te thuru fodu ka khetogna mae kheragna fofodu na, ba thuru balugna gaꞌase te filoni khafa na.

Jenesis 1:14

Aonu God ne cheke eghu, “Naprai nei glaba nei nathunu te au ka maloa na igre mala fotadi narane ghe bongi gre. Naprai gne mala phae ka narane eghuteuna glaba nei nathunu teu igre mala phae bongiro eghu mala fagaglanadi narane, nhigra ba finogha.”

Fapea Kronikols 33:3

Mana tei neke babana fapulo nodi vido blahi naikno bongihehe teke paꞌe soru mae kmagna mana King Hesekaea ra. Mana horo olta mala tarai ka Baal, eghuteuna mana horo kaisei mumuju gna god gaꞌase Asera. Eghuteuna mae Manase jaola tarai ka nathunu.

Nodi Khoje Hatimare Mae Jiu 19:3

Maloa baludi gobigna lepo igre theome tangomana te cheke na, eghume tahati theome nomhidi naogladire.