Diutronomi 4:16 - Buka Blahi Ka Cheke Holo

^16-18 glahu sari mumuju mala tarai ghotilo. Puhi igne thofno jafra fara te eni ghotilo na! Neuba mumuju igne ne mae nalhaꞌu, ba gaꞌase, ba buluka, ba ka thua nafnata nanghaji, ba ka thua nafnata sasa, ba ka thua nafnata thotoli ba unha te tagu ka glose, ghotilo thosei edi glepo igre.

Diutronomi 4:16 ပူးပေါင်းရင်းမြစ်များ

Mae Khuru 17:29

“Tutuani fara, tahati kafe goro thugna God. Nu God na jateula kaisei mumuju teke ghathoni ba hohoro naikno kolho sia thosei eghu ka gaoghathomire. Theo. Mana theome glepo jateula gol ba silva ba thina.

Diutronomi 5:8

Thosei sari kaisei mumuju, ba eni kaisei thotogale gna kaisei glepo te au ka maloa ba ka nauthoglu ba ka nhorora ke pari glose.

Diutronomi 4:23

Ghotilo fiofilo ghami. Glahu ghatho ihoni nei huhughuni eghu ghotilo nogna Nhaꞌa Cheke Lord teke eni mana balumi ghotilo ia. Glahu ghatho ihoni ghotilo eigna blahi te horo ghotilo kaisei mumuju te mala tarai tagna na.

Eksodas 32:7

Lord ne cheke eghu ka Moses, “Iagho faghosei sukha, naugna gognarona, nou naikno iagho teke atha teke jifla iagho Ijep ra, la diꞌa fara.

Jone 4:24

God na mae tharunga, theome naikno. Eghume mae Tharunga te Blahi na falalase gobigna lepo te tutuani eigna mana re ka naikno te tarai lao ka mana na.”

Profet Isaia 40:18

Ihei gne te jateula God teuna? Ba? Mumuju na jateula God eghu filogna na?

Diutronomi 4:25

Neuba ghotilo ne au raugha ka glose igne ne au thumi nei grami neu, ghotilo jafra jame te sari mumuju ghotilo te tarai tagna na. Jame te eni ghotilo glepo te jafra nei theome doglo teu ka tathagna Lord igne na, mana ginauna diꞌatagna fara ka ghotilo.

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Levitikas 26:1

Lord ne cheke eghu, “Ghotilo thosei horo mumuju blahi, ba kaisei nafnata glepo mala tarai ghotilo tagna. Eghuteuna ghotilo mala thosei fakegra haghe thina mumuju brahu mala pogho soru ghotilo tadi, naugna iara Lord, nomi God ghotilo.

Diutronomi 5:9

Ghotilo thosei pogho soru ka kaisei mumuju ba tarai tagna, naugna iara Lord, nomi God ghotilo, iara theome magnahaghei ghami ghotilo te ghatho tahuni kaisei god delei. Puhigu iara na jateula: iheire te tirodi ghau iara, nei tei koko ghau iara teu igre, iara ginauna paradi mare baludi thudi, nei gradi teure ghilei thokedi fapea gradi mare ginaure.

Diutronomi 9:12

Aonu Lord ne cheke eghu ka iara, ‘Moses, faghose sukha, naugna naikno teke hata fajifla iagho Ijep igre gognarona la fadiꞌadi thedi. Mare la koko puhi teke cheke ranghidi iara mala leghuni mare teku igne. Mare horo kaisei nodi mumuju ka gol mala tarai.’

Diutronomi 27:15

“ ‘Puhi biꞌo ginauna thokeni ihei te hata thaba ba thina ba aean mala hohoro mumujudi keha god delei, eghuteuna pophoru mala pogho soru tagna. Lord thono tirognadi fara nafnata mumuju igre!’ Eghuteuna naiknore ginauna cheke eghu, ‘Amen!’

Diutronomi 31:29

Iara laseni ke leghugna te lehe iara na, ghotilo ginauna na thofno diꞌa fara, eghuteuna ghotilo ginauna figri tagrudi glepo te farirhiu ghami iara igre. Eghume ka narane nate mei are puhi biꞌo ginauna thoke ghami ghotilo, naugna ghotilo ne edi glepo te diꞌa te diꞌatagnadi fara Lord re.”

Levitikas 19:4

“Ghotilo mala thosei lisa ghau iara mala tei tarai ka god teke horo kolho naikno ka aean, naugna iara Lord, nomi God ghotilo.

Diutronomi 16:22

Eghuteuna ghotilo mala thosei fakegra haghe kaisei mumuju thina, naugna Lord nomi God tirognadi fara nafnata mumuju igre.”

Profet Isaia 44:13

Ghotilo kulu ghathoni igne. Kaisei mae kapenta drou thotoghale naikno ka kaisei vido thaba. Aonu mana famane sari gaju igne mala jateula kaisei naikno eghu. Aonu mana lilisei haghe mumuju igne ka kaisei vido blahi ka nogna suga na mala tarai tagna.

Profet Esikiel 8:10

Aonu, iara tei lamna ne filodi te drou mare thua nafnata thotoghale ka gringnigna chogho igne. Mare drou thotoghale mogo nei thotoli, nei glepo tautagu te theome klino ka tathagna God, eghuteuna mumujudi keha glepo te tarai tadi naiknodi Israel.