Diutronomi 4:15 - Buka Blahi Ka Cheke Holo

¹⁵ Mae Moses tudu ne cheke eghu, “Ka narane te cheke mei Lord ka kuꞌemi ghotilo ke lamnagna khaꞌaghi na ka Thogele Sanai ia, mare neke theome filoni mana nu mare neke nomhini kolho chekegna mana na. Eghume ghotilo fiofilo ghami eghu,

Diutronomi 4:15 ပူးပေါင်းရင်းမြစ်များ

Profet Isaia 40:18

Ihei gne te jateula God teuna? Ba? Mumuju na jateula God eghu filogna na?

Profet Malakai 2:15

“Nu kate eni repa nhaꞌa cheke igne, God loku fodudi repa mala jateula kaisei thini nei kaisei gaoghatho eghu ngala repa. Naugna unha si God te eni ignea? God neke eni igne mala au sua vuragha ghotilo neku, eghuteuna goro sua igre mala goro thugna God. Eghume ghotilo mala reireghi fakelini nakarhagna thegna na, thosei huhughuni nhaꞌa cheke teke eni ghotilo ka narane teke loku fodu ghami God.

Profet Jeremaea 17:21

Lord ne cheke eghu: Jame te magnahaghei karha fabrahu ghotilo na, ghotilo thosei pala kaisei glepo te tahu ka narane Sabat na mei ruma ka grengathagna namono Jerusalem.

Proveb 4:27

Thosei figri tei fei mairi ba fei nheta, nu iagho figri tagru ka puhi te diꞌa.

Proveb 4:23

Saghe leghu fakelini nagnafamu na, eigna nakarhamu iagho na jifla mei jare.

Nodi Khoje Hatimare Mae Jiu 119:9

Lord God, hatimare mae majaghani gre mala leghudi nou cheke iagho re, mala tangomana mare te mala thofno tajidi thofno nakarhadire.

Josua 23:11

Eghume leuleghu narane na ghotilo mala thofno namhani Lord noda God.

Diutronomi 4:12

Lord au neu ke lamnagna khaꞌaghi igne neke cheke mei ka kuꞌemi ghotilo ra. Kate cheke mana na, mare neke nomhidi nogna cheke mana re, nu mare neke theome filoni mana.

Diutronomi 4:9

“Nu fiofilo ghami eghu! Na eghunu ghatho ihodi ghotilo glepo tela filo tathamihi igre eghu. Leuleghu fata ka nakarhami re, ghotilo mala ghathodi glepo igre. Eghuteuna ghotilo mala farirhiudi thumi are nei grami te ikodi are eghu.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Diutronomi 4:23

Ghotilo fiofilo ghami. Glahu ghatho ihoni nei huhughuni eghu ghotilo nogna Nhaꞌa Cheke Lord teke eni mana balumi ghotilo ia. Glahu ghatho ihoni ghotilo eigna blahi te horo ghotilo kaisei mumuju te mala tarai tagna na.

Eksodas 19:1

Naiknodi Israel igre jifla Refidim ne tei. Eghuteuna ka narane ulu lahu ka fatilo nhigra ke leghugna teke jifla Ijep igne, mare mei ne posa ka namono nagou ka pesi Thogele Sanai. Aonu mare ne lisei haghe nodi suga tapuale re ka vido igne.

Eksodas 20:4

“Thosei sari kaisei mumuju, ba eni kaisei thotogale gna kaisei glepo te au ka maloa ba ka nauthoglu ba ka nhorora ke pari glose.

Diutronomi 4:14

Eghuteuna ka narane tuana, mana neke cheke faheta ka iara mala farirhiu ghami iara cheke nei vetula eghu te mala leghudi ghotilo kate tei kasa ka khoꞌu te mala tei au ka glose aheva nate au tagna ghotilo na.”

Diutronomi 5:8

Thosei sari kaisei mumuju, ba eni kaisei thotogale gna kaisei glepo te au ka maloa ba ka nauthoglu ba ka nhorora ke pari glose.

Diutronomi 4:36

Ka maloa na mana snakre ghami ghotilo mala nomhini naoglagna mana na, mala tangomana mana te fadogli ghami ghotilo na. Eghuteuna ka glose na mana snakre ghami ghotilo mala filoni nogna khaꞌaghi biꞌo na, mala tangomana ghotilo te nomhini chekegna mana te jifla mei ka khaꞌaghi igne.

Diutronomi 5:4

Lord neke cheke fadoglo mei ka tathami ghotilo re ke kligna thogele, eghuteuna chekegna mana igne jifla mei ke lamna khaꞌaghi.

Diutronomi 9:10

Eghuteuna ke leghudi te gnafa phiatutu narane nei phiatutu bongi teu igre, Lord neke tusu mei phei thina tataba igre ka iara. “Ke klignadi phei thina tataba igre, Lord neke rioriso ka khamegna thegna cheke te gnafa teke jifla mei ke lamna khaꞌaghi ka narane teke khapru teku ghotilo ka pesi thogele ia.

Diutronomi 10:4

Aonu Lord hata phei thina igre neke rioriso Nabotho Vetula igre ke klignadi. Nogna cheke mana igre nanaba kolho jateula cheke teke cheke mei ka tahati funu ka khaꞌaghi na ka narane teke khapru teku tahati ka pesi thogele ia eghu.

Ululahu Kings 19:12

Ke leghugna nakheu igne, khaꞌaghi biꞌo ne jifla mei. Nu Lord na jaola theo ka khaꞌaghi igne. Aonu ke leghugna khaꞌaghi igne, kaisei naogla ikoi ne cheke mei.