Diutronomi 4:13 - Buka Blahi Ka Cheke Holo

¹³ Eghuteuna mana neke eni nhaꞌa cheke igne baluda tahati, neke cheke ranghi ghita tahati mala leghudi Nabotho Cheke teke rioriso mana ka phei thina tataba igre.

Diutronomi 4:13 ပူးပေါင်းရင်းမြစ်များ

Eksodas 34:28

Moses au neu ka vido igne balugna Lord nabagna phiatutu narane nei phiatutu bongi, ka narane igre, mana theome ghamu, nei jaola theome koꞌu. Eghuteuna Lord ne ghagra ke klignadi phei thina u Nhaꞌa Cheke igre, tuare Nabotho Vetula re.

Eksodas 31:18

Kate cheke te gnafa Lord balugna Moses ke kligna Thogele Sanai, Lord atha phei thina tataba tela riorisohi Nabotho Vetula tadi igre ne tusu lao ka Moses.

Eksodas 24:12

Ke leghugna igne, Lord ne cheke eghu ka mae Moses, “Iagho haghe ka thogele igne mala mei kegra rhegui iara. Iara ginauna tusu ari ka iagho phei thina tataba teke rioriso soru iara vetula ke klignadi igre mala tei iagho farirhiudi naikno ra.”

Eksodas 19:5

Jame te leghu ghau iara ghotilo na, eghuteuna tajini ghotilo nhaꞌa cheke teke eni iara balumi ghotilo ia teuna, ghotilo mala thofno nogu naikno iara salaꞌudi keha naikno te gnafa ka nauthoglu igne. Neuba nauthoglu igne ne nogu iara gognarona,

Hibru 9:4

Ke lamnagna u chogho igne mare lilisei kaisei tevo te hohoro ka gol mala gahu insens ka God, nei kaisei bokis fagaglana gna nogna nhaꞌa cheke God na. U bokis tuana ghiha gol ke kosi. Ke lamnagna bokis na, au phei thabasoa teke riso soru God nogna vetula na. Jaola mare tathaji kaisei botol gol, ke lamnagna botol tuana au katha vido gano gna tifa teke mei funugna ka God te kiloi ‘manna’, nei nogna khodo mae Eron te kotu khakla na au la jare.

Fapea Korin 3:7

Nogna gloku vetula teke rioriso soru mare ke klignadi phei thina tataba igre tifa na, mala falehe naikno kolho. Eghuteuna vetula igne neke mei balu siasigla gna nogna nolaghi biꞌo God, neke siasigla mei ka thinigna mae Moses na. Eghuteuna, neuba siasigla igne ne thoghei ne tei dofini ka thinigna mana na, naiknodi Israel re neke theome tangomana te filo fabrahu ka thinigna mana na.

Letas Teke Riso Tei Mae Pol Ka Khiloau Rom 9:4

God neke vahidi naiknodi Israel mala jateula goro thugna eghu neku, eghuteuna mare jaola neke filoni nogna nolaghi biꞌo mana na. God neke edihi nogna nhaꞌa chekere baludi mare, eghuteuna tusu ranghidi u nogna vetula mae Moses na. Mana jaola farirhiudi thofno puhi te mala pogho soruni God na, eghuteuna mana neke nhaꞌa cheke ranghidi kmana glepo.

Eksodas 34:1

Lord ne cheke eghu ka Moses, “Iagho sari phei thina tataba jateula teke phei ululahu ra eghu, eghuteuna iara ginauna nake rioriso ke klignadi cheke teke aula ka phei thina tataba teke rurhuja iagho ra.

Diutronomi 4:12

Lord au neu ke lamnagna khaꞌaghi igne neke cheke mei ka kuꞌemi ghotilo ra. Kate cheke mana na, mare neke nomhidi nogna cheke mana re, nu mare neke theome filoni mana.

Diutronomi 4:14

Eghuteuna ka narane tuana, mana neke cheke faheta ka iara mala farirhiu ghami iara cheke nei vetula eghu te mala leghudi ghotilo kate tei kasa ka khoꞌu te mala tei au ka glose aheva nate au tagna ghotilo na.”

Diutronomi 5:22

Aonu mae Moses ne cheke eghu, “Igre unha teke chekedi Lord ka tahati re, kani teke salo fodu tahati ka pesigna thogele ia. Mana neke cheke faheta mei ka tahati ke lamna khaꞌaghi nei khoveo te thono romno fara. Vetula igre kolho teke chekedi mana ka narane tuana, aonu mana neke rioriso nogna chekere ke klignadi phei thina tataba neke tusu phei thina igre ka iara.”

Ululahu Kings 8:9

Theome kmana glepo te au ke lamnagna Bokis Blahi igne. Phei thina tataba kolho teke lilisei Moses jare tifa na. Kate jifla mei mae Moses nei naiknodi Israel teu Ijep na, Lord neke eni kaisei nhaꞌa cheke baludi mare ka Thogele Sanai, ka narane tuana mae Moses neke lilisei phei thina tataba igre ka Bokis Blahi igne.

Nodi Khoje Hatimare Mae Jiu 119:4

Lord God, iagho neke tusu meihi nou famane chekere ka ghehati, nei cheke ranghi ghamihi te mala leghudi u cheke igre.