Diutronomi 34:5 - Buka Blahi Ka Cheke Holo

⁵ Aonu, mae Moses nogna mae gloku Lord igne ne lehe jare Moab, ne thofno horoghoto ka chekegna Lord na.

Diutronomi 34:5 ပူးပေါင်းရင်းမြစ်များ

Diutronomi 32:50

Iagho ginauna lehe jare ka thogele tuana, jateula thabusimu iagho Eron teke lehe ka thogele Hor.

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.

Fapea Timoti 2:25

Mana theome mala diꞌatagna kate farirhiudi iheire te theome kaisei gaoghatho ka mana re. Nu mana jame thoghei taegodi ka puhi te doglo, God glahula te tangomana te toghodi naikno tuare mala tughu nagnafa nei lase fakelini u thofno farirhiu te tutuani na.

Profet Malakai 4:4

“Ghotilo mala ghatho tahudi nogna farirhiu mae nogu gloku iara mae Moses, nei vetula teke tusu lao iara ka mae Moses ka Thogele Sanai ra eghu malami ghotilo te gnafa Israel.

Diutronomi 31:14

Aonu Lord ne cheke eghu ka mae Moses, “Gognarona, nou narane te mala lehe iagho na la namohi. Kilo meini mae Josua mala mei ka nogu Suga Tapuale te Blahi iara na. Eghuteuna iara ginauna fablahi ni mana jare mala nodi lida mae Israel.” Aonu mae Moses ghe mae Josua ne tei ka Suga Tapuale te Blahi na.

Naba 12:7

Nu iara theome eghu ka mae Moses mae ihei te kaisei nogu mae gloku iara na. Mana kolho mae lidadi nogu naikno iara re.

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Fapea Kings 1:17

Eghuteuna ke leghugna igne, King Ahasaea ne lehe jateula teke chekeni mae Elija igne neu. Nu King Ahasaea ne theo thugna nalhaꞌu, aonu mae thabusigna mana mae Joram igne neke tughuni mana neke kegra king. Ka fapea finogha king Jehoram, thugna King Jehosafat te king gna Juda na, mae Joram ne kegra king gna Israel.

Fapea Kronikols 1:3

Eghuteuna mare ne tei balugna mae Solomon ka namono Gibeon ka vido blahi na. Mare tei jare, naugna Suga Tapuale te Blahi na au ngau jare. Suga Tapuale te Blahi igne neke horo mae Moses nogna mae gloku Lord ka namono nagou na.