Diutronomi 33:8 - Buka Blahi Ka Cheke Holo

⁸ Vikegna mae Livae, ghotilo mae pris te hata phei nogna thina Lord te kilodi Tumim ghe Urim. Lord laseni te ghotilo kolho te doglo kani teke fariuriu ghami mana namono Masa nei ka khoꞌu Meriba.

Diutronomi 33:8 ပူးပေါင်းရင်းမြစ်များ

Eksodas 17:7

Naiknore ne diꞌa tadi ne fariu riuni Lord ne ghusna eghu, “Lord na au baluda tahati ba theo?” Aonu mae Moses ne kiloni vido igne Masa, gaoghathogna na “Fariu riu” nei Meriba, gaoghathogna na “Diꞌa tadi.”

Eksodas 28:30

Eghuteuna mana mala lilisei phei thina igre, Urim ghe Tumim, lamna ka paos te babaꞌo mana ka babango gna na igne, mala au fabrahu ka babango gna mana na kate mei mana te kegra ke ulugu iara. Ka puhi igne, leuleghu fata ke ulugu iara na mana kegra haghe ulu ka vido te au iara na, mana ginauna tangomana te atha phei thina igre mala laseni iagho unha iara Lord iara magnahaghei te eni iagho na.”

Naba 20:13

Khoꞌu tuana mare kiloni, “Meriba” gaoghathogna na, “Khuru cheke” naugna ka vido tuana, mare neke khuru cheke balugna Lord, eghuteuna Lord ne fakakhanani te mae blahi thegna na ka mare.

Nodi Khoje Hatimare Mae Jiu 106:16

Jare ke lamnagna namono nagou na, keha mae ka mare ne goghotudi fara mae Moses ghe mae Eron, nogna mae pris Lord na.

Levitikas 8:8

Aonu mae Moses atha paos na ne fagefe lao ka babangogna mae pris biꞌo na, mana famaku lao ke ulu ka efod na, eghuteuna mana atha phei thina te kilodi mare Urim ghe Tumim igre ne hono lao lamna ka paos igne.

Thakle 3:7

Mae igne neke cheke eghu ka iara, “Iagho rioriso tei kaisei letas ranghini engel gna khiloau Filadelfia, eghuteuna iagho cheke eghu ka mana: Igre nogu cheke iara mae ihei te blahi nei taji fabrahuni teu nogu nhaꞌa cheke na. Iara au nolaghi te mala funei frunidi naiknore jateula mae King Devet tifa ia eghu. Tutuani iara au nolaghi te mala chekeni ihei te ruma haghe ka nogna nauthoglu majaghani God na, nei ihei nate theome ruma haghe jare na. Jateula iara te au kaisei ki ka khamegu na te mala tothora grengatha na ranghidi kehare nei bobotho ranghidi kehare teuna.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Nodi Khoje Hatimare Mae Jiu 81:7

Kani teke thoke mei puhi biꞌo ka ghotilo na, ghotilo kilo mei ghau iara, eghuteuna iara neke fakarhi ghami ghotilo. Uve, iara ngala teke togho ghami ghotilo kani teke mei iara ke lamnagna fila ia. Iara neke fariuriu ghami ghotilo jare ke lamnagna namono nagou na ka glokha khoꞌu Meriba.

Nodi Khoje Hatimare Mae Jiu 16:10

Iagho ginauna na theome snakre tei ghau iara ka namonodi naikno tela lehehi ra. Iagho theome snakre ghau iara te mala boto ke lamna gluma na naugna iara ne namha nigho iagho.

Nehemaea 7:65

Eghuteuna gavana gna provins na jaola theome snakredi mare te ghamu gano blahi ka Sugablahi na, ghilei thokeni narane kaisei mae pris te tangomana te hata phei glepo Urim nei Tumim, mala laseni gaoghathogna God na.

Esra 8:28

Iara tusu lao glepo igre ka hatimare nabotho phei mae pris igre, neke cheke eghu ka mare, “Ghotilo mae mala loku ranghini Lord nodi God kuꞌeda tifa ra, eghuteuna dis igre jaola nogna Lord. Eghuteuna gol nei silva teu igre jaola mala namha ranghini Lord.

Esra 2:63

Eghuteuna mae gavana gna provins na jaola ne theome snakredi mare te ghamu ka Sugablahi na u gano blahi igne, ghilei thoke ka narane kaisei mae pris te hata Urim ghe Tumim, mae pris gre tangomana te hironi gaoghathogna God na ka phei glepo igre.

Fapea Kronikols 23:6

Theome snakreni kaisei naikno te ruma ka Sugablahi na. Mae pris nei mae Livaet eghu te loku ka narane igne kolho nate ruma lamna na, naugna mare la gaehi ka tathagna Lord na. Ghotilo keha mae Livaet ra mala leghuni chekegna Lord na mala au kosi.

Ululahu Samuel 28:6

Aonu mana ne tarai ne toreni Lord unha nate eni mana na. Nu Lord ne theome cheke tughuni nogna tharai mana na, eghuteuna theo kaisei cheke tughu te mei ka mifi, ba ka hatimare mae pris, ba ka hatimare mae profet.

Diutronomi 8:16

Eghuteuna mana neke tusu mei ka ghotilo ‘manna’ igne mala ghamu boho ghotilo. Nu gano igne, ghotilo baludi kuꞌemi ghotilo tifara neke theome laseni gano igne. Lord neke eni igne mala thoke ghami ghotilo narane te ninhigrana mala fariuriu ghami ghotilo, nei mala gaoghathomi ghotilo na, eghuteuna ke leghu na Lord neke fablahi ghami ghotilo ka kmana nafnata glepo te keli.

Naba 27:21

Eghuteuna mana mala lelheghu kolho ka mae pris Eleasa mala tangomana mana te lasedi gaoghathogu iara re. Mae pris igne ginauna eni ka nafnata thina te kiloni Urim nei Thumim mala lalahu khale ke ulugu iara Lord, mala lasedi gobigna lepo te magnahaghedi iara re. Eghume ka puhi igne, iara ginauna batuni mana baludi naiknodi Israel gre ka gobigna lepo te edi mare re.”

Naba 16:5

Kate gnafa tarai na, mana ne cheke eghu ka mae Kora baludi keha mae kheragnare, “Hamerane nathui Lord ginauna fakakhana ka tahati mae ihei teke vahini mana mala nogna pris, eghuteuna mae tuana kolho mala loku ka nogna olta te blahi mana na.

Levitikas 21:7

“Pris te gnafa igre mala blahi ranghi ghau iara nogna God, eghume mana mala theome tangomana te tolaghi ka gaꞌase vine na, ba gaꞌase teke koko khetogna na.

Eksodas 28:36

Mare na atha kaisei vido famane gol ikoi ne eni kaisei medol tagna. Mare na famane tuge fatataba, eghuteuna ghagra cheke igre ka thagrugna: “Blahi ka Lord.”

Naba 20:24

“Mae Eron gne ginauna theome tangomana te tei thoke ka vido te nhaꞌa chekeni iara mala tufa ka naiknodi Israel gre, nu mana ginauna lehe, naugna ghopa ne theome leghudi nogu cheke iara re jare ka Khoꞌu Meriba.

Diutronomi 6:16

Ghotilo thosei fariuriuni Lord, nomi God jateula teke eni ghotilo tifa kani au teku ghotilo ka namono Masa ia eghu.

Profet Malakai 2:6

Mare farirhiudi naiknore mala leghuni kolho puhi te doglo na. Mare neke leghuni puhigu iara te doglo igne mala au fakeli kau pharikeli, mala toghodi kmana naikno mala theome leghuni puhigna nakhibo.

Naba 35:8

Eghuteuna namono te tufa lao ghotilo ka mare re, mala leghudi kolho krepadi nei brahudi teu nomi vido vikemi ghotilo re. Vike te au kmana namono ba vido teure, ke tufa kmana namono ka mae Livae, nu vike te theome au kmana namono re, ke tufa lao phei thiloi namono.”

Diutronomi 9:22

“Ka keha thilo narane re ghotilo neke eni puhi te diꞌatagna fara Lord jare ka namono Tabera, nei Masa, nei namono Kibrot-Hatava.