Diutronomi 33:7 - Buka Blahi Ka Cheke Holo

⁷ Lord, fanomho ka vikegna Juda kate tarai ari mare ka iagho te mala toghodire. Lord, ke hata fapulo meidi keha vikemi ghehati ra. Tusu lao nolaghi ka vikegna Juda mala magra thedi ka nodi naoka re. Eghume iagho toghodi mala uludi mare nodi naokare.

Diutronomi 33:7 ပူးပေါင်းရင်းမြစ်များ

Hibru 7:14

Naugna tahati lasenihi, mae Jisas igne neke karha mei ka vikegna mae Juda. Eghuteuna mae Moses neke theome chekeni kaisei glepo eigna vike tuana kani teke cheke eidi mana hatimare mae pris.

Ululahu Korin 15:25

Eigna Kraes ginauna mala funei frunidi gobigna lepore ghilei thokeni narane God nate lisei soru nogna naoka Kraes re ke parigna nogna nolaghi na.

Luku 19:27

Eghuteuna, nogu mae naoka iara te theome magnahaghei ghau iara te funei frunidire, hata mei agne mala falelehe ke ulugu iara.’ ”

Profet Isaia 9:17

Eghume, Lord na theome kelitagna ka nogna naikno majaghani igre, eghuteuna mana theome kokhonidi naikno biꞌo teke lehehi khetodi nei goro sua glehe kokoi, naugna mare te gnafa na kafe tirodini Mana. Mare theome gnafa te eni puhi te diꞌa na. Eghuteuna leuleghu fata na mare cheke chaichaghi koba. Nu neuba Lord ne paradi, mana theome gnafa te diꞌatagna ka mare na. Eghuteuna mana ginauna tarabana mala paradi naikno igre.

Nodi Khoje Hatimare Mae Jiu 146:5

Iheire te fatutuani ni nogna God mae Jekop te mala toghodi na, mare thono keli tadi fara.

Nodi Khoje Hatimare Mae Jiu 21:8

King, iagho ginauna salo fodudi nou naoka te figri tagru nigho are mala koko laodi kau suga sosolo.

Nodi Khoje Hatimare Mae Jiu 20:2

Mana au ka nogna Sugablahi na ka Thogele Saion. Ghehati toreni mana mala togho nigho nei faheta nigho eghu.

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Nodi Khoje Hatimare Mae Jiu 78:70

Mae Devet na mae mala reireghi sipu, nu God neke vahini mana mala kaisei nogna mae gloku. Aonu mana neke atha fajiflani mae Devet ka gloku tuana mala nodi king vikegna Israel. Gognaro na mana mae mala reireghidi nogna naikno mana re.

Nodi Khoje Hatimare Mae Jiu 78:68

Nu mana neke vahini vikegna mae Juda, nei Thogele Saion te thono magnahagheni fara mana na.

Nodi Khoje Hatimare Mae Jiu 21:1

Lord, nomi king ghehati gne mana thofno glealeꞌa fara ka iagho eigna iagho neke tusu ranghini mana u nolaghi. Mana thofno glealeꞌa fara eigna iagho neke tapla sorudi nogna naoka mana re.

Ululahu Kronikols 12:22

Leuleghu narane na mae te mei loku fodu ka mae Devet igre nogna armi mana na ne ghilei kmana soldia, ne nheta jateula nogna armi God neu.

Fapea Samuel 5:24

Kate nomhini ghotilo naogla te jateula te nonolo naikno teu ke kligna gaju na, ghotilo faghosei tei magra ka mare, naugna iara ginauna tapla ulu mala magra balumi ghotilo ka maedi Filistia are.”

Fapea Samuel 5:19

Aonu mae Devet ne ghusnani Lord, ne cheke eghu, “Lord, iara tangomana te tei magra ka maedi Filistia igre, ba theo? Jame te tei iara na, iagho tangomana nate togho ghau iara na, ba theo?” Lord ne cheke eghu, “Uve, tei sagho magra ka mare! Iara ginauna togho nigho iagho.”

Fapea Samuel 5:1

Hatimare mae biꞌo ka vike te gnafa Israel igre ne tei ka mae Devet Hebron ne cheke eghu ka mana, “Filo sagho, ghehati gne thabusimu iagho ngala.

Fapea Samuel 3:1

Kaisei narane ke leghugna igne, magra farihoteidi naikno te leghuni king Sol nei naikno te leghuni king Devet teu igre ne theome gnafa. Eghuteuna mae te leghuni mae Devet igre ne nheta fara ne tapla sorudi mae te leghuni king Sol igre.

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Naba 34:19

Nanghadi mae lida re igre: “Ka vikegna mae Juda na, Caleb thugna mae Jefune.

Josua 15:20

Igne glose aheva te khotogna vikegna mae Juda.

Nodi Khoje Hatimare Mae Jiu 89:24

Nu iara ginauna namhani fara mana, nei mala kaisei phile balugna mana eghu fabrahu. Eghuteuna iara ginauna mala toghoni mana fabrahu mala nheta mana kau magra na.