Diutronomi 33:13 - Buka Blahi Ka Cheke Holo

¹³ Vikegna mae Josep, snakreni Lord mala fablahini nomi glose ghotilo na. Snakreni mana mala kuru soru nakhete ka glose igne nei mala fura haghe glokha khoꞌu tagna.

Diutronomi 33:13 ပူးပေါင်းရင်းမြစ်များ

Profet Maeka 5:7

Naoka re neke uludi naiknodi Israel neke hatadi neke tei ka keha kantri te khaba fara igre, naikno igre ginauna te au ka kmana kantri. Tutuani, mare ginauna tei au heva heva jateula nabubla bongiro, ba nakhete ikoi teke kuru mei Lord mala famane kotu gano. Eghuteuna naiknore ginauna rouronu kolho ka God theome ka kaisei naikno, theo!

Profet Hosia 14:5

Iara ginauna nake toghodi mala ke au fakeli mare jateula nakhete te soru ke kligna glose teke keli fapulo glose te moja na ia eghu. Mare ginauna na jateula famane sisi eghu. Uve, mare ginauna na kegra haghe jateula gaju sida gna Lebanon te soru pari lamna glose glathigna ia eghu.

Profet Isaia 18:4

Igne unha te chekeni Lord na, “Iara ginauna au kmu ka namonogu na mala filo soru jateula naprai te agha soru fari hotei aublatha ra eghu. Eghuteuna iara ginauna na theome fasalaꞌuni kaisei ka ghotilo jateula nakhete bongiro te soru heva heva ka vido te gnafa ka nauthoglu igne ra eghu.”

Proveb 19:12

Mae funei te diꞌatagna na, mana jateula lion te fangangara ra eghu. Nu mae funei te gleale'a na, mana jateula famane nakhete te soru mei ka nagare ra eghu.

Proveb 3:20

Eghuteuna Mana neke chekeni khoꞌu na neke fura haghe ke lamna glose, eghuteuna chekeni nakhete na neke soru mei funugna ka khoveo.

Profet Sekaraea 8:12

“Ghotilo ginauna tangomana te au fakeli, eghuteuna nomi nagare ghotilo are ginauna kotu fakeli. Nomi gaju grep ghotilo are ginauna ure kmana sisi, eghuteuna gano te joꞌu ghotilo re ginauna au kmana gano, naugna famane nakhete ginauna mei. Leuleghu fata iara ginauna fablahidi iheire te karha teu ka glepo te keli igre.

Nodi Khoje Hatimare Mae Jiu 110:3

Ka narane te tei iagho ka magra na, nou naikno iagho re ginau tei balumu iagho mala togho nigho, eghuteuna ghotilo ginau haghe ka nogna thogele Lord na. Uve, iagho atha nou nolaghi majaghani mala jateula te dofra haghe hamerane ra eghu e heta thinimu na.

Thoutonu Eigna Mae Job 29:19

Ka narane tuana, iara gaoghathogu na iara rheta jateula kaisei gaju te kotu te karha keligna ra eghu, eghuteuna au ghegna kmana khoꞌu te keli.

Diutronomi 32:2

Nogu farirhiu iara na ginauna soru mei jateula nakhete eghu, ginauna mei jateula nabubla bongiro eghu. Nogu cheke iara na jateula nakhete ikoi ka nagare majaghani ra eghu, jateula famane nakhete te mala kotu buburu ra eghu.

Jenesis 48:9

Mae Josep ne cheke eghu ka mae kmagna na, “Igre phei mae thugu iara re, God neke tusu mei ka iara kate au teu iara agne Ijep na.” Aonu mae Jekop ne cheke eghu, “Hata mei sagho phei mae thumu re rhegu iara agne mala toreni iara God mala fablahidi phia mare.”

Jenesis 48:5

Eghuteuna mae Jekop ne jaola ne cheke eghu, “Iara na cheke eidi phei mae thumu iagho teke karha agne Ijep gre kani teke theome mei nga teku iara ka iagho agne na, mae Manase ghe mae Efraim gre. Funu gognaro te haghe na phei mae sitei igre ginauna na jateula te thofno mae thugu eghu iara ngala ka tathadi naiknore mala jateula mae Ruben ghe mae Simion gre eghu.

Jenesis 27:27

Aonu mae Jekop pogho soru ne gnanghoni mae kmagna na. Kate haimini sisirigna nogna pohe mae Iso te pipichi teu mae Jekop gne, mana ne toreni Lord mala fablahini mae Jekop. Mae Isak ne cheke eghu, “Sisirigna mae thugu iara gne jateula sisirigna nagare teke fablahi Lord ia eghu.

Jenesis 27:39

Mae Isak ne cheke eghu ka mana, “Iagho ginauna na tei au fakhaba ka glose te keli te mala karha gna gano na. Eghuteuna nakhete na ginauna na theome soru ka nou nagare iagho re eghu.

Diutronomi 33:14

Snakreni mana mala agha mei fakeli naprai na ka nomi nagare ghotilo are, eghuteuna leuleghu nhigra na nagare ghotilo are mala vuragha ka gano.

Diutronomi 33:28

Eghume ghotilo Israel ginauna au ka pharikeli. Eghuteuna nomi namono ghotilo ka vikegna mae Jekop ra na au fakeli. Nomi glose ghotilo are ginauna au kmana gano nei waen, eghuteuna leuleghu fata na nakhete fabrahu.

Nodi Khoje Hatimare Mae Jiu 148:7

Ghotilo gobigna lepo fateote'o ka nauthoglu ra, ghotilo kilo fnaknoni Lord. Uve, ghotilo sasa biꞌo nei glepo fateo te au ka khotogna nhorora ra, ghotilo kilo fnaknoni mana.