Diutronomi 33:12 - Buka Blahi Ka Cheke Holo

¹² Vikegna mae Benjamin, Lord thofno namha ghami ghotilo. Ghotilo tangomana te au muana balugna Lord. Mana au balumi ghotilo ka nomi thogele ghotilo are, eghuteuna mana reireghi ghami ghotilo fabrahu.

Diutronomi 33:12 ပူးပေါင်းရင်းမြစ်များ

Matiu 23:37

Aonu mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra nei fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghigna ra eghu. Nu ghotilo tiromi magnahagheni ngala.

Nodi Khoje Hatimare Mae Jiu 91:4

Mana ginauna reireghi fakeli nigho jateula khokorako gaꞌasegna te toku tafrudi thugnare ke paridi bagigna ra eghu. Eghuteuna mana ginauna tajini nogna nhaꞌa cheke na mala reireghi nigho nei baubatu nigho eghu.

Profet Isaia 51:16

Iara neke lilisei maloa gne ka thofno mala augna na, eghuteuna lilisei famaku nauthoglu igne. Iara neke cheke eghu ka naikno te au ka namono Jerusalem, ‘Ghotilo nogu naikno iara.’ Iara neke farirhiu ghami ghotilo, eghuteuna iara reireghi ghami ka khamegu iara.”

Profet Isaia 37:35

Iara ginauna reireghini namono igne, uve, iara ginauna fakarhini Jerusalem. Naugna iara neke nhaꞌa cheke tifa ka nogu mae gloku King Devet.” Igne chekegna Lord.

Profet Isaia 37:22

Lord neke cheke eghu, “King Senakerib! Naiknodi Jerusalem igre ginauna maꞌe nigho iagho kate rikha iagho na. Uve, mare ginauna tuatukma nigho iagho.

Fapea Kronikols 11:1

Kate mei Jerusalem, Rehoboam ne kilodi kaisei gobi nhana salei thogha nogna soldia te rheta lahu ka vikegna Juda nei ka vikegna Benjamin mala tei magra ka vikegna Israel te au ke raru, mala ke pulo mei naikno igre mala ke au ke parigna nogna nolaghi na.

Ululahu Kings 12:21

Kate posa mei mae Rehoboam Jerusalem na, mana ne kilodi kaisei gobi nhanasalei thogha nogna soldia mala tei magra ka vikegna Israel mala ke hata fapulo nogna naiknore. Mae soldia te gnafa igre jifla mei ka vikegna mae Juda nei ka vikegna mae Benjamin.

Diutronomi 12:10

Ghotilo ginauna tei kasa ka Khoꞌu biꞌo Jordan mala thofno au fabrahu ka glose aheva Lord nomi God teke tusu ari mala khotogna ghotilo teku na. Eghuteuna mana ginauna togho ghami ghotilo mala au muana nei theome nangadi nomi naokare.

Nodi Khoje Hatimare Mae Jiu 132:14

Mana neke cheke eghu, “Igne vido nate au fabrahu iara tagna na. Vido igne ginauna mala namonogu iara, naugna iara ne khaeni fara.

Jajis 1:21

Nu vikegna Benjamin igne neke theome ngolhi fajifladi vikegna Jebus teke au Jerusalem igre, naugna igne mare snakreni vikegna Jebus igne mala au fabrahu kolho baludi mare ka namono igne.

Eksodas 28:12

Aonu mare lilisei phei thina igre ka phei nhugha ka fafra gna efod igne mala kakhana nabotho phei vikegna Israel. Ka puhi igne, kate mei Eron ke ulugu iara Lord, mana ginauna mala pala nanghadi vikemi ghotilo re ka fafragna mana na, eghuteuna ginauna ghatho ghami ghotilo fabrahu.

Naba 34:21

Ka vikegna mae Benjamin na, Elidad thugna mae Kislon.

Diutronomi 4:37

Naugna mana neke namhadi fara kuꞌemi ghotilo tifa ra, mana neke vahi ghami ghotilo mala nogna naikno mana. Eghume ka nogna nolaghi mana, mana neke hata fajifla ghami Ijep.

Diutronomi 32:11

Mana neke taji fakeli ghami ghotilo jateula gaghata te farirhiudi thugnare te mala flalo ra neku. Naꞌa theome snakredi thugnare te khoko pari, naꞌa flalo sukha ke parigna mala tako hagheni.

Diutronomi 33:11

Lord, fablahidi vikegna mae Livae, eghuteuna iagho thofno kelitamu ka nodi gloku mare re. Iagho goigonidi nodi naoka mare are, mala thosei ke mei magra mare.

Nodi Khoje Hatimare Mae Jiu 60:5

Iara tore nigho mala fakarhi ghami ka nou nolaghi. Cheke tughudi nomi tharai ghehati naikno te namhadi fara iagho gre mala au fakeli ghehati.

Ululahu Samuel 10:20

Mae Samuel ne cheke ka nabotho phei vike igre mala mei namo. Aonu Lord ne vahini vikegna mae Benjamin.

Fapea Samuel 12:24

Ke leghugna te lehe mae sitei na, mae Devet ne fakeli nagnafani Batseba khetogna na. Mana ne thuru fodu balugna Batseba, eghuteuna Batseba bukla ne karha kaisei thugna nalhaꞌu. Aonu mae Devet ne kiloni mae sitei igne Solomon. Eghuteuna Lord ne namhani fara mae sitei igne.

Fapea Samuel 12:25

Aonu Lord ne kuruni mae Natan ne tei ka mae Devet mala kiloni mae sitei igne, Jedidaea, naugna gaoghathogna Jedidaea teu igne, Lord namhani fara mana.

Profet Jeremaea 12:7

Lord ne cheke eghu, “Iara ginauna tei kokodi nogu naiknore. Uve, iara ginauna theome magnahaghedi iheire teke vahi fadeleidi mala nogu naikno iara teku igre. Iara ginauna lisa laodi iheire te namhadi fara iara igre ka khamedi mae naoka.