Diutronomi 33:11 - Buka Blahi Ka Cheke Holo

¹¹ Lord, fablahidi vikegna mae Livae, eghuteuna iagho thofno kelitamu ka nodi gloku mare re. Iagho goigonidi nodi naoka mare are, mala thosei ke mei magra mare.

Diutronomi 33:11 ပူးပေါင်းရင်းမြစ်များ

Profet Esikiel 43:27

Ka fahanagna narane na, nei leuleghu narane, hatimare mae pris mala gahu ka olta igne fafara te thofno krono na, eghuteuna fafara igre mala falaseni te au fakeli naiknore balugu iara na. Eghume iara ginauna kelitagu fara ka ghotilo hui. Igne nogu cheke iara Lord God!”

Fapea Samuel 24:23

King, iara tusu ari glepo igre ka iagho. Eghuteuna iara toreni Lord nou God mala fablahi nigho.”

Ululahu Tesalonika 4:8

Eghume ihei te tirogna leghuni farirhiu igne, mana theome tirogna leghuni naikno nu mana tirogna leghuni God, mae ihei teke tusu ranghi ghau nogna Tharunga te Blahi.

Luku 10:16

“Mae ihei te nomhidi nomi cheke ghotilo re, mana ginauna na nomhidi la nogu cheke iara re. Eghuteuna mae ihei te tirogna ghami ghotilo na, mana tirogna ghau la iara. Eghuteuna mae ihei te tirogna ghau iara na, mana ginauna na tirogna nila mae ihei teke kuru mei ghau iara na.”

Profet Emos 5:10

Puhi te eni ghotilo ka fate na igne thono diꞌa fara. Eigna jame kaisei mae chekedi unha glepo te tutuani re, eghuteuna diꞌa tagnadi unha te edi fadiꞌa ghotilo ka fate na teu igne, ghotilo ginauna tiromini mae ihei te doglo puhigna na igne.

Profet Jeremaea 15:10

Iara ne cheke eghu, “Ido! Iara thono diꞌa nagnafagu fara, eigna iagho neke fakarhi ghau iara! Leuleghu fata na iara fapholai nei cheke diꞌa fapulo eghu ka naiknogna kantri igne. Iara theome mae mala tufa sileni ka keha mae mala ke tughu fapulo mana ka iara, eghuteuna iara jaola theome kaoni sileni ka keha maere. Nu naikno te gnafa gre mare cheke fadiꞌa ghau iara.”

Profet Isaia 29:21

Ihei te cheke chaghidi keha naiknore ka fate, nei iheire te chaghi te mala lus ihei te doglo ka fate na, Lord jaola ginauna paradi fara mare.

Nodi Khoje Hatimare Mae Jiu 20:3

Ghehati toreni mana mala theome ghatho ihodi nou fafara iagho re. Nu ghehati magnahagheni mana te mala keli tagna fara ka fafara teke gahu iagho ka khaꞌaghi teke fafara lao ka mana ra.

Diutronomi 33:10

Ghotilo vikegna Livae ra tangomana te farirhiudi vikegna mae Jekop igre ka nogna vetula Lord. Ghotilo tangomana te toghodi naiknodi Israel igre te iuꞌijudi nogna vetula manare. Ghotilo gahu insens mala cheke fakelini Lord, ghotilo tangomana te gahu fafara ka nogna olta mana na.

Diutronomi 33:12

Vikegna mae Benjamin, Lord thofno namha ghami ghotilo. Ghotilo tangomana te au muana balugna Lord. Mana au balumi ghotilo ka nomi thogele ghotilo are, eghuteuna mana reireghi ghami ghotilo fabrahu.

Profet Jeremaea 17:18

Mare para ghau iara fabrahu, famamajadi sagho, nu thosei famamaja ghau iara eghu. Famamhaghudi sagho, nu iagho thosei famamhaghu ghau iara. Snakre mei puhi biꞌo sagho mala thokedi mare, eghuteuna iagho mala phei fata paradi mare.