Diutronomi 32:9 - Buka Blahi Ka Cheke Holo

⁹ Nu ghotilo nogna naikno Lord. Ghotilo naikno ka vikegna Jekop ra, ghotilo nogna Lord.

Diutronomi 32:9 ပူးပေါင်းရင်းမြစ်များ

Profet Jeremaea 10:16

Nu nogna God mae Jekop igne theome jateula keha nafnata god are eghu. Mana ngala mae ihei teke vuavuhadi gobigna lepo ka nauthoglu igne. Eghuteuna vahi fadelei ghita tahati naiknoda Israel mala nogna naikno thegna. Nanghagna na Lord mae ihei te au nolaghi fateote'o.

Profet Jeremaea 51:19

Nu noda God tahati vike gna mae Jekop igre theome jateula keha god are eghu. Kaisei mana ngala teke vuavuhadi gobigna lepo ka nauthoglu igne, eghuteuna mana vahi ghita mala nogna naikno mana. Uve, nanghagna mana na, Lord mae ihei te au nolaghi fateote'o.”

Ululahu Kings 8:53

Iagho neke vahi fadelei ghami ka naikno te gnafa ka nauthoglu igne, mala nou naikno themu. Lord, iagho neke chekeni glepo igne ka nou mae gloku Moses, mala cheke mana ka kuꞌemi ghehati ra ka narane teke hata fajifladi iagho Ijep ra.”

Ululahu Kings 8:51

Iagho tangomana te eni igne, naugna mare nou naikno iagho. Tifa na kuꞌemi ghehati ra neke au Ijep, eghuteuna mare neke au papara fara jateula te au ke lamna khaꞌaghi ra neku kolho.

Profet Isaia 43:21

Iara neke chekedi nogu naiknore mala kilo fnakno ghau iara.”

Nodi Khoje Hatimare Mae Jiu 135:4

Lord neke vahini vikegna mae Jekop mala nogna naikno mana. Uve, mana la vahidihi naiknodi Israel mala thofno nogna naikno mana.

Efesus 1:18

Iara toreni noda God mala tusu ari glalase te biꞌo. Glalase igne ginauna togho ghami ghotilo mala filo glanini unha teke kilo ghita God na. Jaola glalase igne mala togho ghami ghotilo te mala filo glanini thofno glepo keli te gnafa teke nhaꞌa cheke ranghidi nogna naiknore.

Profet Maeka 2:5

Eghume, ke leghugna narane Lord na teke tusu fapulo glose igne ka nogna naiknore, mare nake tufa glose igne. Nu theo kaisei naikno ka tharaknami ghotilo re nate atha kaisei glose.

Ululahu Samuel 10:1

Aonu mana ne hata kaisei botol oliv oel ikoi ne tofa ka phaꞌugna mae Sol, gnafa teuna mae Samuel ne gnanghoni mae Sol ne cheke eghu ka mana, “Lord neke vahi nigho iagho mala king nei mala batudi naiknodi Israel.

Eksodas 15:16

Lord, kate filoni naiknore nou nolaghi biꞌo iagho na, naiknore ginau na mhaghu nodi fara na theome eni kaisei unha nga. Mare ginau na kegrau jare jateula kaisei gaju eghu mala ghilei tei salaꞌui ghehati naikno teke atha fajifla ghami iagho ka sosolo ia.

Eksodas 34:9

Eghuteuna mana ne cheke eghu ka Lord, “Lord, jame te thofno keli tamu fara iagho ka iara na, iagho mei balumi ghehati. Tutuani fara, naikno gre patu gama fara, nu iara tore nigho iagho mala atha koko gnafa puhimi te diꞌa nei nakhibomi teu ghehati gre, eghuteuna ke atha fapulo ghami jateula nou naikno themu eghu.”

Fapea Samuel 14:16

Te ghathoni iara na, iagho ginauna theome snakreni mae igne mala goigoni ghami ghepa thugu iara igne. Jame te eghu na, ghepa ginauna theome hata unha teke tusu mei God ka ghepa na.

Nodi Khoje Hatimare Mae Jiu 28:9

God, fakarhidi nei fablahidi eghu nou naikno gre, eigna mare jateula sipu eghu kolho. Reireghidi nei doadofradi eghu fabrahu tifa tifa.

Nodi Khoje Hatimare Mae Jiu 74:2

Ghatho ghami ghehati sagho, eigna iagho neke vahi ghami ghehati funu tifa. Funu tifa te mei na, ghehati neke sneka kolho, nu iagho neke fakarhi ghami ghehati mala vikemu themu. Iagho jaola ghathoni Thogele blahi Saion aheva teke au iagho tifa ia.

Nodi Khoje Hatimare Mae Jiu 106:40

Aonu Lord ne thono diꞌatagna fara ne tirognadi nogna naiknore.

Profet Sekaraea 2:12

Nohi Juda igne ginauna mala nogna Lord ka nogna glose blahi mana. Eghuteuna mana ginauna nake vahini Jerusalem kaisei namono mala au mana tagna.

Diutronomi 9:29

Nu iagho lasedi, naikno igre nou iagho, iagho neke hata fajifladi Ijep ka nou nolaghi te biꞌo nei ka khamemu te rheta tulao.’ ”

Josua 24:17

Kani teke loku jateula naikno sneka teku kuꞌeda ka namono Ijep tifa ra, Lord noda God mae ihei teke hata fajifla ghita mala snagla tahati hui, eghuteuna ghehati neke filodi kofubobhoi teke edi mana ka narane tuare. Mana neke reireghi fakeli ghita ka vido te gnafa aheva teke tei tahati ra, nei ka tathadi naikno teke tei salaꞌu tahati ka nodi glose mare ra.

Fapea Samuel 20:19

Nomi namono ghehati igne kaisei namono ulu fara ka kantri Israel. Ghehati naikno gna namono igne, ghehati magnahaghei te au ka pharikeli, eghuteuna ghehati ghatho tahuni fabrahu noda Lord. Nu gognarona iagho magnahaghei te mei roꞌeni namono igne. Naugna unha sagho te magnahaghei goigonidi nogna glepo Lord igrea?”

Nodi Khoje Hatimare Mae Jiu 33:12

Keli tadi fara naiknodi kantri te nodi Lord na God ngala teu igre. Keli tadi fara naikno teke vavahi mana te mala atha unha teke nhaꞌa cheke ranghidi mana re.

Nodi Khoje Hatimare Mae Jiu 106:5

Jame te eghu na, iara ginauna filoni nakarha te keli na ka nou naikno iagho re, nei iara ginauna tangomana te glealeꞌa baludi. Uve, mala tangomana ghau iara te mala kaisei baludi te mala kilo fnaknoni nanghamu iagho na.

Profet Isaia 19:25

Lord mae ihei te au nolaghi fateote'o igne ginauna fablahidi naiknodi thilo kantri igre. Mana ginauna na cheke eghu, “Ghotilo naiknomi Ijep ra, ghotilo nogu naikno iara. Ghotilo naiknomi Asiria ra, ghotilo mala nogu naikno iara. Eghuteuna iara jaola neke vahini vikegna Israel ka keha naikno teu ka nauthoglu igne mala nogu iara. Eghuteuna iara ginauna fablahi ghami ghotilo hui.”

Profet Isaia 34:17

Lord tufa glosegna namono igne ka mare gnafa. Eghuteuna mare ginauna au fabrahu ka namono Idom igne, eghuteuna goro sua nate karha mei ke leghure ginauna au fabrahu ka kantri igne.

Profet Jeremaea 2:7

Iara neke atha mei ghami ghotilo ka namono te keli igne mala tangomana ghotilo te ima thua nafnata gano te keli te karha ka vido igne. Nu kate mei au ghotilo agne na, ghotilo goigoni ni fara nogu glose iara teke tusu ari ka ghotilo igne. Eghuteuna ghotilo eni puhi te thono diꞌa fara na ke ulugu iara.