Diutronomi 32:8 - Buka Blahi Ka Cheke Holo

⁸ God mae ihei te haghe fara igne neke tufa vido glose ka soasopai naikno mala au tagna. Mana ei nodi nohi keha naiknore. Eghuteuna mana ne lilisei nodi nohi naiknodi keha kantri are leghuni nabadi nodi god.

Diutronomi 32:8 ပူးပေါင်းရင်းမြစ်များ

Mae Khuru 17:26

Vike te gnafa te au ka nauthoglu thongana igne neke fufunu mei ka kaisei mae ngala eghuteuna God tusu ranghidi soasopaigna nodi vido glose te mala au na ke lamnagna u nauthoglu igne. Mana la kulu lilisei naranedihi te mala karha ba te mala lehe na, ba ka vido glose aheva te mala thuru sorudire.

Profet Daniel 4:17

Igne nomi gaoghatho ghehati mae engel re. Ghehati magnahaghedi naikno ka namono te gnafa ka nauthoglu igne te laseni God mae ihei te fnakno nei funei frunidi naikno te gnafa ka nauthoglu igne. Mana tangomana te hata fadelei nogna nolaghi king na te tusu lao ka mae ihei te vahini mana te mala funei frunidi nogna naiknore, neuba mae igne ne kaisei mae nafnakno ba theo.’

Nodi Khoje Hatimare Mae Jiu 115:16

Kligna na nogna namono Lord kolho, nu nauthoglu igne mana neke tusu ranghini naikno.

Nodi Khoje Hatimare Mae Jiu 92:8

Naugna, Lord iaghou ngala te mala King fabrahu te tifa te tifa na.

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Jenesis 10:25

Mae Eber gne neke au phei mae thugna. Kaisei na nanghagna na mae Pelek, gaoghathogna cheke “Pelek” teu igne “fnota” eghu ka cheke Hibru na. Naugna kani karha nga teku mana na naiknogna nauthoglu gne neke fnota ka kmana vike ikodi. Eghuteuna nanghagna mae tahigna mana na mae Joktan.

Jenesis 10:15

Mae Kenan neke au phei mae thugna nalhaꞌu, mae Saidon ghe mae Het. Mana jaola neke kuꞌedi mae Jebus, mae Amora, mae Gagas, mae Hivi, mae Arka, mae Sini, mae Arvat, mae Semar, nei mae Hamat. Vikegna mae Kenan gre ne fnota ne sopagna tei tafri.

Mae Khuru 7:48

“Nu God te au kligna na theome au ka suga te hohoro naiknore. Igne unha teke chekeni kaisei mae profet na,

Profet Daniel 5:18

“Fanomho sagho. God mae ihei te fnakno kligna lahu igne teke vahini mae kuꞌemu iagho, King Nebukadnesa ia mala funei frunini kantri igne.

Profet Isaia 14:14

Iara ginauna haghe ke kligna khoveo, eghuteuna iara ginauna kaisei nanaba balugna God mae ihei te thofno haghe fara!’

Nodi Khoje Hatimare Mae Jiu 82:6

“Iara ngala God mae ihei te thofno fnakno fara kligna lahu na, iara neke kulu cheke eghu hi ka ghotilo, ‘Ghotilo jateula god eghu, eghuteuna ghotilo te gnafa na, ghotilo goro thugu iara kolho.’

Nodi Khoje Hatimare Mae Jiu 50:14

“Iara God, ka maloa kligna, eghuteuna te keli na ghotilo cheke fakeli ghau iara fabrahu. Igne thofno nomi fafara ghotilo na. Eghume te keli na ghotilo edi glepo teke nhaꞌa chekedihi ghotilo ka iara ra.

Nodi Khoje Hatimare Mae Jiu 7:17

God na eni koba unha te doglo na, eghuteuna iara na cheke fakelini mana. Iara ginauna na koje ranghini Lord ka maloa kligna mala pala hagheni nanghagna mana na.

Naba 24:16

Igne nogna cheke mae ihei te nomhini chekegna God na, nei laseni teu gaoghatho gna God mae te kligna lahu na. Uve, igne ngala nogna cheke mae ihei te filodi u mifi te funu mei ka God mae ihei te nolaghi fara na.

Naba 23:9

Kate kegra iara ka thogele goro na, iara tangomana filodi mare. Uve, iara filo fakelidi mare kate kegra iara ka thogele na. Mare au kolho thedi. Mare laseni eigna te naikno blahi thedi ke tulaodi keha naiknore.

Diutronomi 33:28

Eghume ghotilo Israel ginauna au ka pharikeli. Eghuteuna nomi namono ghotilo ka vikegna mae Jekop ra na au fakeli. Nomi glose ghotilo are ginauna au kmana gano nei waen, eghuteuna leuleghu fata na nakhete fabrahu.

Nodi Khoje Hatimare Mae Jiu 74:17

Iagho neke vuavuhadihi khukrudi thongna ghe moumolu gre ka nauthoglu igne, eghuteuna iagho neke vuavuhadi vido te reka nei vido te brana teu gre.

Profet Maeka 2:5

Eghume, ke leghugna narane Lord na teke tusu fapulo glose igne ka nogna naiknore, mare nake tufa glose igne. Nu theo kaisei naikno ka tharaknami ghotilo re nate atha kaisei glose.

Jenesis 10:5

Naikno te au ka moumolu te iko tongana ka nhorora na igre vike neke karha mei ka thugna mae Jafet. Soasopai gna tharakna igre ne vuragha ne thovu ne gnokro soru ka nodi soasopaigna vido glose nei au nodi soasopaigna cheke.

Ululahu Kronikols 16:18

Mana neke cheke eghu ka mae Jekop, “Iara ginauna tusu ari ka iagho namono Kenan igne, eghuteuna vikemu iagho igre ginauna nate khotogna na.”

Thoutonu Eigna Mae Job 15:19

God ne snakre lao namono igne ka mae biꞌo ra, eghuteuna theo kaisei naikno aheva nga teke au te mala goigonidi mare na.