Diutronomi 32:7 - Buka Blahi Ka Cheke Holo

⁷ “Ghathodi narane tifa te mei ra. Tei ghusnani kmamu mala toutonu ranghi nigho. Tei ghusnadi kuꞌemi are mala toutonu eidi glepo te thoke ghita tahati igre.

Diutronomi 32:7 ပူးပေါင်းရင်းမြစ်များ

Nodi Khoje Hatimare Mae Jiu 44:1

God, glepo biꞌo teke edi iagho ranghidi ku'emi ghehati tifara, mare la toutonuhi ka ghehati la nomhidihi ghehati themi.

Profet Isaia 46:9

Ghotilo ghathodi glepo teke edi tifa ra. Eghuteuna te mala laseni ghotilo na, kaisei iara ngala God na, theo kaisei god ahevanga te jateula iara teuna.

Diutronomi 4:32

“Ghotilo fariuriu ghusnadi thoutonu eidi gobigna lepo teke edi teke mei tifa funu ka narane God teke vuavuha naikno ka nauthoglu igne te ghilei mei posa gognarogne. Ghotilo fariuriu ghusnadi keha god delei heva heva ka nauthoglu igne eidi glepo biꞌo teke edi ka nauthoglu igne.

Profet Isaia 63:11

Ka narane igne, mare ghathoni tifa ka naranegna mae Moses baludi nogna naiknore Ijep. Aonu mare ne ghusna eghu ka mana, “Ahevau Lord na? Tifa na mana neke atha mae mala baubatu ka naiknore neke kasa ka thongna na. Ahevau Lord na? Tifa na mana neke snakreni nogna Tharunga te Blahi na mala au baludi mare.

Eksodas 13:14

“Nathuꞌu nauriha na, thumi ghotilo re ginau na ghusna eghu ka ghotilo, ‘Unha eghu gaoghathodire si puhi igrea?’ Ghotilo cheke eghu ranghidi, ‘Ghehati neke au sosolo jare Ijep, eghuteuna Lord neke fakarhi ghami ghehati ka nogna nolaghi biꞌo na neke atha mei ghami ghehati agne.

Jajis 6:13

Nu mae Gidion ne cheke eghu ka mana, “Mae biꞌo, jame te au teu Lord balumi ghehati na, naugna unha site thoke ghami ghehati glepo te diꞌa igrea? Kuꞌemi ghehati tifa ra neke toutonu eidi narane teke edi Lord glepo biꞌo teke hata fajifladi Ijep ra. Naugna unha si mana teke theome edi glepo igre ka ghehati gnea? Gognarona mana la tei koko ghamihi ghehati eghume ghehati auhi ka khamedi vikegna Midian.”

Nodi Khoje Hatimare Mae Jiu 119:52

Lord God, kate ghathodi iara nou vetula iagho teke au funu tifa teke mei igre na, iara gaoghathogu na ne keli fabrahu.

Nodi Khoje Hatimare Mae Jiu 77:8

Ba? Nogna namha biꞌo mana ka ghehati ia la theo hila sia? Ba? Nogna nhaꞌa cheke mana ka ghehati ia la theo hila sia?

Nodi Khoje Hatimare Mae Jiu 10:6

Aonu mana ne funu cheke eghu, “Iara ginauna kegra hetau, theome tangomana kaisei puhi nate thoke ghau iara ginauna.”

Eksodas 12:26

Thumi ghotilo re ginau na ghusna eghu ka ghotilo, ‘Unha eghu gaoghathogna na si u gaghamu ignea?’

Nodi Khoje Hatimare Mae Jiu 78:5

Lord neke tusu laohi nogna vetula nei nogna cheke teure tifa ka vikegna mae ku'eda Jekop. Eghuteuna mana neke chekehi ka mare mala farirhiudi thudire u vetula igre.

Diutronomi 8:2

Leuleghu fata na ghotilo mala ke ghathoni Lord nomi God mae ihei teke batu ghami ke lamna namono nagou nabagna phiatutu finogha. Mana neke fariuriu ghami ghotilo kate thokedi narane te ninhigrana mala laseni na tangomana ghotilo te leghudi nogna vetula mana re ba theo.

Nodi Khoje Hatimare Mae Jiu 44:2

Iagho neke khi fajifladi nei goigonidi neku naikno teke theome lase nighore mala ke au nou naikno themure ka vido aheva teke au mare na, mala au nodi kmana glepo nou naikno themure.