Diutronomi 32:6 - Buka Blahi Ka Cheke Holo

⁶ Ba, tuana puhi te keli te mala tegio ka Lord na? Theo. Ghotilo noli fara! Ghotilo theo kaisei nomi glalase te keli! Lord na kmami ghotilo, eghuteuna mana ngala teke vuavuha ghami ghotilo na.

Diutronomi 32:6 ပူးပေါင်းရင်းမြစ်များ

Profet Isaia 63:16

Nu iagho kmami ghehati! Ku'emi ghehati mae Ebraham ghe mae Jekop ra theome au balumi eghuteuna phiamare theome lase ghami ghehati. Nu iagho Lord, iagho thofno kmami ghehati. Naiknore kiloni nanghamu iagho na, “Mae mala fakarha ghami ghehati fabrahu.”

Ululahu Jone 3:1

Tahati thofno lasenihi unha nafnata namha biꞌo Mama te tusu ranghi ghita. Ka nogna namha biꞌo igne mana kilo ghita goro thugna. Eghuteuna tahati thofno Thugna mana. Nu naiknogna nauthoglu igne theome filo glani ghita te goro thugna God, naugna mare theome laseni mana.

Profet Isaia 64:8

Nu Lord, iagho kmami ghehati. Ghehati jateula glose eghu, eghuteuna iagho jateula mae ihei te hohoro suspen ka glose ra eghu. Iagho neke vuavuha ghami ghehati hui ka khamemu iagho.

Nodi Khoje Hatimare Mae Jiu 74:2

Ghatho ghami ghehati sagho, eigna iagho neke vahi ghami ghehati funu tifa. Funu tifa te mei na, ghehati neke sneka kolho, nu iagho neke fakarhi ghami ghehati mala vikemu themu. Iagho jaola ghathoni Thogele blahi Saion aheva teke au iagho tifa ia.

Fapea Pita 2:1

Tifa na kmana mae profet chaichaghi farihotei naiknodi Israel. Eghuteuna hatimare mae velepuhi chaichaghire ginauna jaola kegra haghe farihoteimi ghotilo. Mare ginauna farirhiu chaichaghi ghami ghotilo nu theo kaisei naikno ghosei te filo glanini u najafra te eni mare na. Eghuteuna mare ginauna fariuriu fadiꞌa ghami ghotilo, naugna mae velepuhi igre neke figri tagruni nodi Lord Jisas, mae ihei teke fakarhidi ka nakhibo. Eghume God ginauna ghosei roꞌedi mare naugna mare neke leghuni nodi puhi thedire.

Galesia 4:6

Eghuteuna te mala laseni tahati te goro thugna God na, mana neke kuru mei Tharunga gna Thugna na mala au ke lamnada. Eghuteuna Tharunga na ne eha eghu, “Mama, Mama.”

Galesia 3:26

Ghotilo te hui na la thugna hi God naugna ghotilo ne fatutuani ni mae Jisas Kraes.

Ululahu Korin 6:20

naugna God neke foli fapulo ghamihi ka nakhibo mala fasnagla ghami. Eghuteuna tabagna teke foli ghami ghotilo na biꞌo fara. Eghume thinimi ghotilo re mala kilo fnaknoni God kolho.

Letas Teke Riso Tei Mae Pol Ka Khiloau Rom 8:15

Tharunga te Blahi teke tusu ari God ka ghotilo igne theome mala haru famaku ghami ka namhaghu jateula teke au ghotilo ka namhaghu tifa ia eghu. Theo. Nu mana togho ghami mala thugna God. Eghuteuna ka nogna nolaghi Tharunga te Blahi na tahati tangomana te cheke eghu ka God, “Mama, Mama.”

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Jone 8:41

Eghume, te chekeni iara ka ghotilo na, ghotilo ke edi la glepo teke edi mae kmami themi re.” Nu mae Jiure ne cheke eghu ka mana, “Ghema, ghehati theome jateula goro sua te theome laseni mae kmadi na ia eghu sia. Nu ghehati mae kmami na kaisei God ngala.”

Profet Isaia 43:7

God neke kafe vuavuhadi mare gnafa mala nogu naikno iara, eigna iara magnahaghedi mare mala ke pulo mei mala kilo fnaknoni nanghagu iara na.”

Nodi Khoje Hatimare Mae Jiu 149:2

Tahati vikegna mae Jekop, ba mae Israel ra, tahati glealeꞌa naugna Lord neke vuavuha ghita. Uve, tahati nogna naikno mana te au Saion ra, tahati glealeꞌa naugna mana ngala noda mae King tahati na.

Nodi Khoje Hatimare Mae Jiu 100:3

Ghotilo mala filo glani mana eigna Lord na mana God. Tahati nogna mana, naugna mana neke vuavuha ghita. Tahati nogna naikno mana te fiofilo ghita jateula nogna sipu.

Diutronomi 32:18

Ghotilo tei kokoni God mae ihei teke vuavuha ghami nei nomi vido keli mala poru ghotilo. Mana neke tusu ranghi ghami nakarha. Mana tusu ari nakarha ka ghotilo, nu ghotilo ghatho ihoni mana.

Diutronomi 32:15

“Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Diutronomi 1:31

nei ka namono nagou ia eghu. Ghotilo la filonihi jateula kani teke hata fajifla ghita mana Ijep ia eghu, theo kaisei glepo teke goigoni ghita tahati ka nabrou te mei posa agne! Mana reireghi fakeli ghami ghotilo jateula kaisei mama te reireghi fakelini thugna na ia eghu.’

Profet Jeremaea 5:21

Ghotilo fanomho fakeli ka nogu cheke iara igne! Ghotilo iheire te fameomekro nei theome laseni kaisei glepo teura. Ghotilo iheire te filo, nu theome filo glani kaisei glepo teura. Ghotilo iheire te fanomho, nu theome nomhi fakelini kaisei glepo teura.

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”

Profet Isaia 27:11

Kate kafe lehe te khoko soru pari gregedi gaju igre na, goro gaꞌasere ginauna mei uge mala nodi gaju. Lord neke toghodi naikno te au ka namono igne, nu naugna mare ne theome filo glanini mana, mana ginauna na theome kokhonidi nei keli ranghidi eghu mare.

Profet Isaia 1:2

Lord ne cheke faheta eghu, “Ghopa maloa ghe nauthoglu ra! Ghopa fanomho mei ka nogu cheke iara igre! Funu ka narane te ikodi teku thugu iara igre, iara neke reireghi fakelidi, nu gognarona mare tirodi fanomho ka nogu cheke iara re.

Nodi Khoje Hatimare Mae Jiu 116:12

Unha gne nate fafara lao iara ka Lord eidi glepo te keli teke edi mana ranghi ghau iara ra?

Nodi Khoje Hatimare Mae Jiu 95:6

Ghotilo mei, mala pogho soru nei tufru soru eghu tahati ka mana. Tahati mala tuturupuku soru ke ulugna Lord mae ihei teke vuavuha ghita.

Nodi Khoje Hatimare Mae Jiu 74:18

Lord God, ghathodi sagho mae naoka te maꞌe nigho gre. Mare theome fatutuani nigho, nei cheke fapaiparini eghu nanghamu iagho na.

Thoutonu Eigna Mae Job 10:8

“Iagho neke vuavuha ghau iara. Jau gognarona iagho themula na teke goigoni ghau iara na.

Eksodas 15:16

Lord, kate filoni naiknore nou nolaghi biꞌo iagho na, naiknore ginau na mhaghu nodi fara na theome eni kaisei unha nga. Mare ginau na kegrau jare jateula kaisei gaju eghu mala ghilei tei salaꞌui ghehati naikno teke atha fajifla ghami iagho ka sosolo ia.

Eksodas 4:22

Ka narane tuana iagho na cheke eghu ka king, ‘Igne unha te chekeni Lord na: Naiknodi Israel igre jateula thugu teke kulu karha ra eghu iara.

Diutronomi 32:28

“Nu ghotilo naiknomi Israel, ghotilo theome lalase. Theo kaisei ka ghotilo te lalase na.

Fapea Samuel 7:24

Lord, iagho neke fakarhidi naiknodi Israel ra mala nou naikno themu fabrahu, iagho Lord God, nodi God mare.

Profet Hosia 13:13

Mare thono fameomekro fara, naugna mare ne tirodini na au te keli na. Igne jateula sua te au teu ka thiꞌagna idogna na nu tirogna jifla mei teu ia eghu kolho.

Diutronomi 14:1

Mae Moses ne cheke eghu, “Ghotilo thugna Lord nomi God. Eghume kate lehe kaisei naikno na, ghotilo thosei vahe thinimi themi are, ba ghoighori khakla ka greremi are eigna te lehe naikno na.

Profet Isaia 43:1

Nu Lord mae ihei teke vahi ghami ghotilo naiknomi Israel, mana neke cheke eghu, “Ghotilo thosei mhaghu, naugna iara la hata fapulo ghamihi ghotilo. Eghuteuna iara kilo ghami ghotilo nogu naikno iara.

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’