Diutronomi 32:47 - Buka Blahi Ka Cheke Holo

⁴⁷ Ghotilo laseni! Farirhiu igre theome cheke theo nafudi kolho. Nakarhami ghotilo na au ka farirhiu igre! Ghotilo mala leghudi farirhiu igre mala tangomana ghotilo te au raugha ka glose nate au ghotilo kate tei kasa ghotilo ka Khoꞌu biꞌo Jordan.”

Diutronomi 32:47 ပူးပေါင်းရင်းမြစ်များ

Proveb 4:22

Jame te hata iagho nogu cheke iara igne na, cheke igne ginauna tusu ranghi nigho u thofno karha na.

Fapea Pita 1:16

Kate toutonuni ghehati mae khuru gre meigna noda Lord Jisas Kraes na, ghehati neke theome toutonu ka ghotilo famane thoutonu neke hohoro haghe kolho keha naiknoi. Theo. Nu ghetilo mae Jemes nei mae Jone neke thofno filo tathami teke siasigla mae Jisas ka nogna nolaghi biꞌo God na.

Proveb 3:22

Gaoghatho te keli nei glalase teu igre ginauna tusu ranghi nigho nakarha te keli, eghuteuna nakarhamu iagho na thofno keli fara fifilo gna na.

Fapea Pita 1:3

Ka nogna nolaghi God kligna, mae Jisas neke tusu ranghi ghita gobigna lepo te magnahaghedi tahati re mala au ka nakarha te doglo te magnahagheni God. Eghuteuna gobigna lepo igre noda tahati, eigna tahati thofno laseni mae Jisas Kraes mae ihei te kilo ghita ka nogna nolaghi te biꞌo nei nakarhagna te keli.

Proveb 3:18

Gaoghatho te keli na jateula gaju karha eghu, eghuteuna ihei te loku maku ka gaoghatho te keli na ginauna gleale'a fara.

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Profet Isaia 45:19

Iara theome porudi nogu cheke re, ba poruni gaoghathogu na ka ghotilo. Eghuteuna iara neke theome cheke ghami ghotilo mala fiti hiro ghau iara kate theo nafugna. Iara Lord, iara chekeni kolho cheke te tutuani na. Uve, leuleghu fata na, iara chekeni kolho unha te doglo na.”

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Mae Khuru 7:38

Mae Moses gne neke au nekeu baludi naiknodi Israel re khapru tekeu ka namono nagou na. Mana neke toutonu ranghidi mae kuꞌeda ra unha teke chekedi u engel igne ka mana ka Thogele Sanai na. Mana neke nomhini cheke te au karha tagna te mei funu ka God, eghuteuna ke tusu mei u cheke tuare ka tahati.

Diutronomi 4:6

Eghuteuna ghotilo mala famane leghudi nei faꞌuvedi eghu vetula igre, eghuteuna ka puhi tuare te mala fakakhana ka keha naiknore te ghaoghatho fakeli fara nei lalase fara teu ghotilo na. Eghuteuna kate nomhidi mare vetula igre mare ginauna cheke eghu, ‘Tutuani fara, naiknodi Israel igre au tadi gaoghatho te keli na nei glalase na eghu!’

Diutronomi 4:40

Ghotilo mala leghudi nogna cheke nei vetula teu mana te chekedi iara ka ghotilo gognaro igne. Eghuteuna jame te eghu ghotilo na, ghotilo ginauna au ka nakarha te keli, eghuteuna thumi ghotilo baludi goro sua nate karha mei ke leghumi ghotilo re, ginauna jaola au ka nakarha te keli. Eghuteuna ghotilo ginauna au raugha ka glose teke tusu ari Lord na mala khotogna fabrahu ghotilo.”

Diutronomi 8:3

Uve, mana neke magnahaghei te fariuriu ghami ghotilo neke rofo eghuteuna faghamu ghami ka ‘manna’, kaisei gano te theome laseni ghotilo nei kuꞌemi ghotilo tifa ra. Mana neke eni igne mala farirhiu ghami ghotilo te naikno na theome tangomana te karha ka gano kolho, nu tahati karha ka cheke te gnafa te mei ka foflogna Lord.

Diutronomi 33:25

Ghotilo tangomana te au fakeli fabrahu naugna ghotilo tangomana te hata aean nei bras eghu mala horo grengathadi gringni thinagna nomi namono na mala maku fakeli. Eghuteuna nakarhami ghotilore ginauna rheta fabrahu leghu rane.”

Profet Emos 5:4

Igne unha te chekeni Lord ranghini Israel, “Ghotilo mei ka iara, eghuteuna ghotilo ginauna na hatini u karha na.

Diutronomi 30:16

Iara cheke faheta ka ghotilo gognaro na, mala namhani Lord nomi God. Ghotilo mala leghudi nogna cheke, nogna farirhiu nei nogna vetula teu mana re. Jame te eghu ghotilo na, ghotilo ginauna au ka nakarha te keli, nei vikemi, nei thumi teu ghotilore ginauna kmana fara, eghuteuna Lord nomi God ginauna fablahi ghami ghotilo ka glose nate tei ghotilo te au tagna na.

Diutronomi 31:13

Ghotilo eni igne, mala tangomana thumi ghotilo te theome karha nga teu ka naiknodi Israel igre, nei iheire te theome laseni vetula igne, mare mala jaola nomhini nei hironi eghu puhi te mala ghatho tahuni Lord nomi God. Mare mala nomhini fabrahu ka glose ke kasa Khoꞌu biꞌo Jordan aheva nate tei te au ghotilo tagna na.”

Proveb 4:13

Leuleghu fata na iagho loku famaku nei reireghi fakelini eghu nogu famane cheke iara igne. Naugna igne ngala jateula nafugna teu nakarhamu iagho na.