Diutronomi 32:43 - Buka Blahi Ka Cheke Holo

⁴³ “Ghotilo te gnafa klignara, ghotilo mala glealeꞌa balugna Lord. Ghotilo god te gnafa ra, ghotilo pogho soru ka mana. Lord ginauna nake tughu fapulo glehedi goro thugna mana ra. Nu ginauna mana hata fadelei nakhibodi nogna naiknore, eghuteuna nodi glose re ginauna na klino ka tathagna mana.”

Diutronomi 32:43 ပူးပေါင်းရင်းမြစ်များ

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Letas Teke Riso Tei Mae Pol Ka Khiloau Rom 12:19

Kheraguro, thosei foli fapulo unha najafra teke eni naiknore tami na, lisa lao ka God mala foli fapulodi jateula Lord te cheke ka grioriso te blahi ia eghu, “Iara ginauna foli fapulo ka mae iheire te tapla jafra eghuteuna iara ginauna paradi.”

Thakle 6:10

Tharunga igre ne eha eghu fabiꞌo ka God, “Lord, iagho thofno blahi fara nei tajini fabrahu nou nhaꞌa cheke na. Thosei faraugha te mala fate falehedi naiknogna nauthoglu igne. Eigna mare ne jafra fara. Gognaro na iagho mala paradi mare, naugna mare neke falehe ghami ghehati!”

Nodi Khoje Hatimare Mae Jiu 85:1

Lord God, kani au teku ghehati ka nou kantri na tifa ia iagho neke kelitamu fara ka ghehati. Naugna iagho neke togho ghami ghehati naiknomi Israel mala au fakeli.

Thoutonu Eigna Mae Job 13:24

Naugna unha sagho te pophoru tathamu nei foflomu teugre ka iara gnea? Naugna unha sagho te filo mei ka iara jateula nou naoka teugnea?

Fapea Kings 9:7

Iagho mala roꞌeni nou King Joram, nei iheire te gnafa ka vikegna mae Ehab, naugna tifa na Kuin Jesebel neke aknu falehedi mae profet nei keha nogu mae gloku iara ra. Ka puhi igne, iara ginauna nake tughu fapulo puhigna naꞌa te diꞌa ra.

Diutronomi 32:35

Iara kolho te tangomana te tughu fapulo puhi biꞌo tuana ka nomi naoka ghotilo are. Iara ginauna nake foli fapulo ka mare. Na theome raugha mare ginauna uka pari. Nodi narane mare te mala au diꞌanagnafa na ginau posa mei. Eghuteuna puhi biꞌo igne na ghosei mei toku tafrudi mare.’

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Thakle 18:2

Mana ne eha eghu fabiꞌo, “Namono biꞌo Babilon te nafnakno fara ia, la groꞌehi! La diꞌahi! La sugadihi naitu te gnafa nei namonodihi nanghaji te diꞌa te gnafa!

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Thakle 15:2

Aonu iara ne filoni kaisei nhorora jateula thiro balu khaꞌaghi eghu. Eghuteuna iara jaola ne filodi naikno te magra te tapla soruni bosu nei mumuju gna na nei mae te au figas nabagna nanghagna na. Mare ne kegra neu rhegna nhorora te jateula thiro teuna, eghuteuna mare ne hata gita teke tusu ranghidi God re.

Luku 19:27

Eghuteuna, nogu mae naoka iara te theome magnahaghei ghau iara te funei frunidire, hata mei agne mala falelehe ke ulugu iara.’ ”

Luku 2:32

Mana jateula kaisei juta eghu mala faphaedi naikno te theome mae Jiure mala filo glani nigho mare. Mana ginauna jaola hata mei nafnakno ka nou naikno Israel.”

Lamentations 2:5

Lord jateula mae naoka te mei goigoni ni Israel eghu. Mana jaola goigoni vido mala poru, baludi nodi suga biꞌo naikno te dedei. Mana eni igne ka naiknodi Juda mala diꞌanagnafadi fara nei tanhi eghu mare.

Profet Jeremaea 13:14

Eghuteuna iara ginauna goigonidi naikno igre jateula mae ihei te goigoni phei botol igre eghu. Iara ginauna kafe goigonidi hui, idodi kmadi balu thudire. Ka narane igne, iara ginauna theome kokhonidi naikno igre. Thono theo fara. Iara ginauna kafe goigonidi hui.’ ” Igne chekegna Lord.

Profet Isaia 19:25

Lord mae ihei te au nolaghi fateote'o igne ginauna fablahidi naiknodi thilo kantri igre. Mana ginauna na cheke eghu, “Ghotilo naiknomi Ijep ra, ghotilo nogu naikno iara. Ghotilo naiknomi Asiria ra, ghotilo mala nogu naikno iara. Eghuteuna iara jaola neke vahini vikegna Israel ka keha naikno teu ka nauthoglu igne mala nogu iara. Eghuteuna iara ginauna fablahi ghami ghotilo hui.”

Profet Isaia 19:23

Eghuteuna ka narane tuana, kaisei nabrou biꞌo ginauna funu Ijep tei posa Asiria. Eghuteuna naiknodi phei kantri igre ginauna tei mei eghu fari hoteidi phei nodi kantri igre. Eghuteuna naiknodi phei kantri igre tangomana te mei tarai fodu na.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Nodi Khoje Hatimare Mae Jiu 65:3

Ghehati ghathodi nakhibomire ne eni igne. U najafra te edi ghehati igre thofno fapari ghami ghehati fara, nu te laseni ghehati na iagho tangomana te hata fadeleidi nakhibomi ghehatire.

Nodi Khoje Hatimare Mae Jiu 22:27

Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.

Ululahu Kings 8:43

Neuba iagho ne au neu kligna, fanomho mei sagho ka unha te toreni mare na. Aonu naikno te au heva heva ka vido te gnafa igre ginauna lase nigho, nei ghatho tahu nigho jateula te edi nou naikno iagho Israel igre eghu. Eghuteuna naikno te gnafa igre ginauna laseni Sugablahi te horo iara igne kaisei vido mala pogho soru nigho iagho.

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Nodi Khoje Hatimare Mae Jiu 58:10

Naikno te keli re ginauna keli tadi kate filoni mare te paradi iagho naikno te diꞌa re. Mare ginauna na keli tadi fara kate filoni mare te falehe fahuidi iagho re.

Nodi Khoje Hatimare Mae Jiu 79:9

God, togho ghami nei fakarhi ghami eghu ghehati sagho. Hata kokodi sagho nakhibomi ghehati gre, mala ghatho tahu nigho naikno te gnafa igre eghu.

Profet Isaia 1:24

Aonu nodi God mae Israel te rheta nei au nolaghi fateote'o teu igne neke cheke eghu, “Gognarona ghotilo nogu naoka iara, eghuteuna ghotilo ginauna theome ke eni kaisei puhi biꞌo ranghi ghau iara. Iara ginauna nake tughu fapulo ka ghotilo glepo te diꞌa teke edi ghotilo ka iara ra.

Profet Isaia 1:25

Iara ginauna para ghami ghotilo eidi glepo te diꞌa teke edi ghotilo ka iara ra, eghuteuna iara ginauna togho ghami ghotilo mala ke klino fapulo, jateula mae te gahu silva te mala koko thonagna ra eghu.

Profet Isaia 66:10

Ghotilo iheire te magnahagheni Jerusalem fara ra, ghotilo eha nei glealeꞌa eghu. Ghotilo iheire te tanhi nei diꞌanagnafa teu eigna namono igne ra, gognarona ghotilo glealeꞌa nomi fara tagna.

Nodi Khoje Hatimare Mae Jiu 79:10

Theome keli naiknodi keha kantri gre te cheke eghu ka ghehati na, “Aheva gne nomi God ghotilo na?” God, ghehati thono magnahaghei nigho iagho fara te paradi naikno igre, naugna mare neke falelehe nou naikno iagho re.

Nodi Khoje Hatimare Mae Jiu 85:3

Tifa na iagho neke diꞌatamu ka ghehati, uve, gognaro na iagho kela theome diꞌatamu ka ghehati.

Profet Isaia 44:22

Eghuteuna iara la hata fadeleihi nakhibomi ghotilo re, jateula khoveo te pala te tei nuri delei ra eghu. Ghotilo ke figri mei ka iara, naugna iara neke fakarhi ghami ghotilo!”

Profet Isaia 60:6

Mare ginauna atha mei kmana kamel nei dedei eghu ka ghotilo funudi Midian nei Efa, eghuteuna naiknodi Seba ginauna atha mei gol nei insens. Eghuteuna mare ginauna na kafe eha fabiꞌo mala kilo fnaknoni Lord.

Profet Jeremaea 51:36

Aonu Lord ne cheke eghu ka naiknodi Jerusalem, “Ghotilo nogu naikno iara ra, iara ginauna phile ka ghotilo, eghuteuna iara ginauna paradi nomi naoka ghotilo teke eidi puhi biꞌo ka ghotilo are. Khoꞌu biꞌodi Babilonia baludi keha khoꞌu biꞌo are ginauna kafe gata.

Profet Esikiel 16:63

Uve, iara ginauna nake togho nigho mala doglo iagho ka tathagu iara na eidi glepo diꞌa te gnafa teke edi iagho ra, eghuteuna kate ghathodi iagho re, iagho ginauna mamaja nou fara na theome chekeni kaisei glepo. Igne nogu cheke iara Lord God.”

Profet Esikiel 25:14

Iara ginauna nake tughu fapulo glepo te diꞌa teke edi naiknodi Idom. Aonu iara ginauna kuru tei nogu naiknodi Israel mala magra ka naiknodi Idom, mala haimini mare nolaghi te diꞌatagu iara na. Mare ginauna laseni unha teke tughu fapuloni iara ka mare igne. Igne nogu cheke iara Lord God.’ ”