Diutronomi 32:41 - Buka Blahi Ka Cheke Holo41 iara ginauna hata nogu naflahi mala magra te siasigla fara na. Iara ginauna jaha ghilei fnonu fara. Aonu iara ginauna tughu fapulo ka nogu naokare, eghuteuna iara ginauna paradi iheire te tirodi ghau iara re. အခန်းကိုကြည့်ပါ။ |
Lord ne cheke eghu, “Ghotilo mae te lase fada ka phaloho ra, ghotilo tei magra Babilonia. Ghotilo bara ligohoni Babilonia mala theome tangomana kaisei naikno te rikha na. Ghotilo ke tughu fapulo unha teke edi mare ra. Uve, paradi si ghotilo jateula teke edi mare ka keha naikno ra eghu. Naugna mare ne phaꞌu maku fara ne theome leghu ghau iara Lord nodi God mae Israel te thofno blahi fara.
Ghotilo thosei pogho soru ka kaisei mumuju ba tarai tagna, naugna iara Lord, nomi God ghotilo, iara theome magnahaghei ghami ghotilo te ghatho tahuni kaisei god delei. Puhigu iara na jateula: iheire te tirodi ghau iara, nei tei koko ghau iara teu igre, iara ginauna paradi mare baludi thudi, nei gradi teure ghilei thokedi fapea gradi mare ginaure.
Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.
Naiknodi keha kantri igre ginauna rhana nodi, nei mhaghu nodi eghu fara ka unha nate eni iara ka iagho na. Uve, kate fusa iara nogu naflahi mala magra na ke ulumu iagho na, hatimare mae king nei naiknodi eghu kantri te kmana igre ginauna jaola na mhaghu nodi balu fififri. Ka narane tuana, iagho ginauna sukha pari, eghuteuna mare te gnafa na ginauna mhaghu nodi jateula mare ginauna jaola lehe.