Diutronomi 32:39 - Buka Blahi Ka Cheke Holo

³⁹ “ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Diutronomi 32:39 ပူးပေါင်းရင်းမြစ်များ

Ululahu Samuel 2:6

“Lord tangomana te faleheni naikno na, eghuteuna mana tangomana teke fakarha fapuloni mana na. Mana tangomana te kuruni mana te mala tei ka namonodi mae te lehe ra, eghuteuna mana tangomana teke hata fapuloni naikno na ka namono tuana.

Profet Hosia 6:1

Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.

Thoutonu Eigna Mae Job 5:18

Eigna God tangomana te nhaꞌa lao thubu ka naikno na, nu mana jaola nhaꞌa lao meresin tagna. God tangomana te eni naikno na mala ghoreho, nu mana tangomana te eni te mala ke keli fapulo naikno na.

Profet Isaia 45:5

Kaisei Iara ngala Lord na. Theo kaisei god aheva nga te au na. Neuba iagho ne theome lase ghau iara, iara ginauna farheta nigho iagho mala magra.

Profet Isaia 45:22

“Ghotilo naikno te gnafa ka nauthoglu ra, ghotilo ke pulo mei ka iara mala fakarhi ghami iara! Naugna iara ngala God na, eghuteuna theo kaisei god ahevanga te au na!

Profet Isaia 43:13

Uve, iara God mae ihei te au fabrahu funu tifa na. Theo kaisei naikno te rikhani nogu nolaghi iara na, eghuteuna theo kaisei naikno nate tughu glepo teke edi iara re.” Igne chekegna Lord.

Profet Isaia 46:4

Uve, iara nomi God ghotilo, eghume, iara ginauna reireghi ghami ghotilo fabrahu ghilei kuekuꞌe nei nufa eghu ghotilo. Iara neke vuavuha ghami ghotilo, eghuteuna iara ginauna reireghi ghami ghotilo. Iara ginauna na jaola togho ghami nei fakarhi ghami eghu ghotilo.

Profet Isaia 45:18

Lord na mana God mae ihei teke vuavuha maloa baludi gobigna lepo te au ke lamnagna, eghuteuna mana jaola neke eni famaku nauthoglu igne mala au fabrahu tifa tifa. Mana neke theome eni nauthoglu igne mala fiti au kolho neku, theo, mana neke eni nauthoglu igne mala au naikno tagna. Lord neke cheke eghu, “Iara ngala Lord na. Theo kaisei god ahevanga.

Nodi Khoje Hatimare Mae Jiu 68:20

Noda God tahati igne ngala te tangomana te mala fakarhidi naiknore. Noda Lord God tahati igne ngala te tangomana te mala fakarhi ghita kau lehe ka magra na.

Profet Isaia 41:4

Ihei teke edi teke thoke mei glepo igre? Ihei teke ghathodi glepo igre tifa kani teke vuavuhagna nauthoglu igne? Iara Lord neke kulu auhi neke vuavuha nga gobigna lepo igre, eghuteuna iara ginauna au ka narane nate ari te gnafadi gobigna lepo fateote'o igre.”

Nodi Khoje Hatimare Mae Jiu 50:22

“Ghotilo naikno te ghatho iho ghau iara ra, ghotilo fanomho fakeli ka gobigna lepo igre. Te theo ghotilo na, iara ginauna na fadidiꞌa ghami ghotilo, eghuteuna ginauna na theo kaisei mae te nabagna te mala fakarhi ghami ghotilo na.

Diutronomi 4:35

“Mana fakakhana ka ghotilo glepo igre mala laseni ghotilo te Lord kolho God na, theo kaisei god aheva nga.

Fapea Kings 5:7

Kate iuꞌiju king gna Israel letas igne, mana diꞌatagna ne rerheku nogna pohe na. Mana ne cheke eghu, “Kaisei puhi biꞌo signe! King gna Siria gne na fagnafani iara fogra mana igne eghu ka gaoghathogna na, nu iara theome God. Iara theo nogu nolaghi te mala fakarhini ba te mala faleheni naikno na. Iara laseni, mana magnahaghei te hironi kaisei nabrou te mala magra ka iara na kolho.”

Nodi Khoje Hatimare Mae Jiu 102:27

Nu iagho na theome jateula tuana eghu, iagho na kaisei nanaba fabrahu kolho, eghuteuna iagho ginauna na theome tangomana te lehe niha nau na.

Thoutonu Eigna Mae Job 10:7

Iagho lasenihi te theome eni iara kaisei glepo te diꞌa na. Eghuteuna iagho jaola laseni te theo kaisei naikno te tangomana nate fakarhi ghau iara ka nou nolaghi iagho na.

Thakle 2:8

Mae igne ne cheke eghu ka iara, “Iagho rioriso kaisei letas ranghini engel gna khiloau Smana, eghuteuna iagho cheke eghu ka mana: Igne nogu cheke iara mae ihei te kulu au neke vuavuha nga gobigna lepore nei au fabrahu kate ari te gnafadi gobigna lepore. Tutuani, tifa na iara neke lehehi, nu gognaro na iara kela karha fapulo.

Profet Maeka 5:8

Naikno teke au faleghu Israel igre ginauna kate au rheta farihoteidi naikno te jateula lion te tei hiro glepo tautagu mata ba sipu ka sare mala ghamu. Kate dedi sipu igre, naꞌa gasa kolho tei kathu sasakadi, eghuteuna theo kaisei naikno tangomana te fakarhidi re.

Profet Isaia 48:12

Lord ne cheke eghu, “Ghotilo naiknomi Israel, fanomho mei ka iara! Iara neke vahi ghami ghotilo mala nogu naikno iara. Kaisei iara ngala God na. Iara neke kulu au neke aunga gobigna lepo igre, eghuteuna iara ginauna na jaola leghu lahu ka gobigna lepo fateote'o igre.

Jone 8:24

Naugna igne te chekeni iara ka ghotilo na, ‘Ghotilo ginauna lehe baludi nakhibomi are’. Te theome fatutuani ghau iara ghotilo, iara kaisei mae teke karha mei jateula kaisei mae biꞌo teuna, ghotilo ginauna na lehe kau nakhibomire!”

Hibru 1:12

Iagho ginauna na lolhopo glepo igre jateula phoko ba jateula pohe te thona eghu mala ke tughu majaghani. Nu iagho themu na kaisei nanaba fabrahu theome ke tughu, eghuteuna karhamu iagho na ginauna na theo ka huigna.”

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Eksodas 4:7

Lord ne cheke eghu ka mana, “Iagho ke nhaꞌa laoi lamna pohe khamemu na.” Aonu Moses nhaꞌa lao khamegna na lamna pohe. Eghuteuna kate hata fajifla mana na, khamegna mana igne neke keli fapulo jateula keha khame na neu.

Eksodas 15:26

Aonu God ne cheke eghu ranghidi naiknore, “Iara nomi Lord God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

Diutronomi 32:12

Lord kolho teke batu ghami ghotilo na. Theo kaisei god teke au balumi ghotilo na.

Nodi Khoje Hatimare Mae Jiu 18:31

God mae ihei te tufru soruni tahati igne, kaisei mana ngala God na. Kaisei mana ngala te jateula kaisei thina teu te mala bara ghita na.

Nodi Khoje Hatimare Mae Jiu 51:8

Iara magnahaghei te nomhini ka iagho tela kokohi iagho nakhibogure. Te eghu iagho na, iara ginauna na glealeꞌa fara.

Nodi Khoje Hatimare Mae Jiu 86:10

Kaisei iagho ngala thofno God na. Uve, kaisei iagho ngala te au nolaghi na, nei kaisei iagho ngala te tangomana te edire glepo te biꞌore.

Profet Isaia 19:22

Lord ginauna paradi naiknodi Ijep, nu mana eni puhi igne mala fadoglini puhidi mare te diꞌa na. Eghuteuna mare ginauna nake figri nake pulo mei ka Lord, eghuteuna mana ginauna na fanomho ka nodi tharai re mala ke au fakeli mare.

Profet Isaia 30:26

Fei bongiro na glaba gne ginauna phae jateula naprai eghu, eghuteuna fei narane na, naprai gne ginauna brana salaꞌuni fitu fata. Glepo igre ginauna thakle mei kate fakeli fapulodi Lord thubu teke paradi mana nogna naiknore.

Profet Isaia 43:10

Igne chekegna Lord. Mana neke cheke eghu, “Ghotilo maemi Israel ra mala toutonu eigu iara! Iara neke vahi ghami ghotilo mala nogu naikno gloku iara, eghuteuna ghotilo ginauna mala lase ghau nei fatutuani ghau eghu iara. Eghuteuna ghotilo ginauna thofno laseni te iara ngala God na. Theo kaisei god aheva nga teke kulu au teke karha nga iara na. Eghuteuna ke leghu na ginauna na jaola theo kaisei god na teke hata sapegu iara na.

Profet Esikiel 37:3

Eghuteuna mana ne ghusna eghu ka iara, “Maegna ka nauthoglu. Ba, nhubra igre tangomana na teke karha fapulo na ba theo?” Iara ne cheke eghu ka mana, “Lord God, iagho themu kolho te lasedire.”

Profet Esikiel 37:12

Eghume, iagho cheke eghu ka mare, igne unha te chekeni Lord God na: ‘Ghotilo nogu naikno iara ra. Iara ginauna hata fajifla ghami ka bekumi ghotilo re, mala ke hata fapulo ghami ka nomi kantri Israel.

Diutronomi 7:9

Te mala laseni ghotilo na Lord nomi God ghotilo na, mana ngala God mae ihei te ghatho tahu ghami ghotilo na. Eghuteuna mana tajini nogna nhaꞌa cheke na, eghuteuna mana namha ghami ghotilo iheire te namhani nei leghudi teu nogna vetula mana re. Kate namhani nei leghuni teu ghotilo mana na, mana tangomana te tajini u nhaꞌa cheke na balumi ghotilo nei thumi ghotilo re eghu fabrahu ghilei posani kmana thogha finogha.

Fapea Kings 20:5

Lord ne cheke ranghini profet mala tei ka king mala cheke eghu ka mana, “King Hesekaea, Lord nogna God mae kuꞌemu King Devet na ne cheke eghu: Iara la nomhinihi nou tharai iagho ia, eghuteuna iara filoni te tanhi nei diꞌanagnafa teu iagho ia. Iara ginauna nake fakeli fapulo nigho, eghuteuna ka fatilo narane ke leghugna gognarogne iagho tangomana te tei ka Sugablahi na.

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Thoutonu Eigna Mae Job 10:13

“Nu gognarona iara filo glani te pophoru fabrahu iagho gaoghathomu na. Eghuteuna iara laseni te pophoru iagho nou gaoghatho te mala goigoni ghau iara na.

Nodi Khoje Hatimare Mae Jiu 102:28

Iagho ginauna reireghi fakelidi thumi ghehatire. Eghuteuna iheire teke karha mei ginau ka vike ke leghudi mare re, iagho ginauna na jaola reireghidi.

Eklesiasti 3:3

Narane mala falehe naikno nei narane mala fakarha naikno fogra. Narane mala paꞌe nei narane mala babana.

Profet Isaia 43:12

Iara neke chekedihi unha nate thoke mei ginauna, eghuteuna iara thofno fakarhi ghami ghotilo. Theo kaisei god te eni kaisei glepo jateula igne teuna. Theo fara. Ghotilo nogu naikno gloku iara mala toutonu ka naiknore te iara thegu ngala God te tutuani na.

Profet Hosia 5:14

Iara ginauna kafe goigonidi gnafa naiknodi phei kantri Israel ghe Juda. Jateula lion te kina sasaka te ghamu thinigna buluka biꞌo na ia eghu. Eghuteuna ginauna na theo kaisei naikno nate fakarhidi ka narane nate hata fajifladi iara ka phei kantri igre.