Diutronomi 32:35 - Buka Blahi Ka Cheke Holo

³⁵ Iara kolho te tangomana te tughu fapulo puhi biꞌo tuana ka nomi naoka ghotilo are. Iara ginauna nake foli fapulo ka mare. Na theome raugha mare ginauna uka pari. Nodi narane mare te mala au diꞌanagnafa na ginau posa mei. Eghuteuna puhi biꞌo igne na ghosei mei toku tafrudi mare.’

Diutronomi 32:35 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 12:19

Kheraguro, thosei foli fapulo unha najafra teke eni naiknore tami na, lisa lao ka God mala foli fapulodi jateula Lord te cheke ka grioriso te blahi ia eghu, “Iara ginauna foli fapulo ka mae iheire te tapla jafra eghuteuna iara ginauna paradi.”

Hibru 10:30

Tahati laseni God neke cheke eghu, “Iara ngala nate tughu fapulo unha najafra te eni mare na!” Mana jaola neke cheke eghu, “Lord ginauna na fatedi nogna naiknore.”

Profet Nahum 1:2

Lord ngala God na, theo ihei nga, eghuteuna mana theome magnahagheni ihei ka nogna naiknore te tufru soru ka mumuju god. Mana diꞌatagna fara ka iheire te theome leghudi nogna cheke mana re. Naugna igne, mana ginauna paradi nafnata naikno igre.

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.

Profet Nahum 1:6

Eghume, ihei gne te nabagna nate kegra heta kate diꞌatagna mana na? Theo kaisei te nabagna! Kate diꞌatagna na, phei tathagna manare ginauna ukru jateula khaꞌaghi eghu, eghuteuna thina biꞌore ginauna nghuja vuhai nakrofu kolho.

Profet Jeremaea 23:12

Naugna igne, iara ginauna huhurudi mae igre mala leghuni mare nabrou te totoglo na. Eghuteuna iara ginauna na koko fakosidi mae igre ka vido te romno fara na mala uka mare pari. Ka narane te paradi iara mare igne, iara ginauna snakreni kaisei puhi biꞌo mala thokedi mare.” Igne chekegna Lord.

Nodi Khoje Hatimare Mae Jiu 94:1

Lord God, iagho God mae ihei te mala paradi naikno te diꞌare. Fakakhana sagho nou nolaghi na ka mare!

Diutronomi 32:43

“Ghotilo te gnafa klignara, ghotilo mala glealeꞌa balugna Lord. Ghotilo god te gnafa ra, ghotilo pogho soru ka mana. Lord ginauna nake tughu fapulo glehedi goro thugna mana ra. Nu ginauna mana hata fadelei nakhibodi nogna naiknore, eghuteuna nodi glose re ginauna na klino ka tathagna mana.”

Ululahu Pita 2:8

Eghuteuna ka keha grioriso te blahi na cheke eghu, “Naiknore ginauna totokhei ka thina igne. Eghuteuna mare ginauna na uka ka thina igne.” Mare uka naugna mare ne theome leghuni unha te chekeni God na. Igne unha te ghathoni God te maladi mare na.

Profet Habaku 2:3

Naugna narane te mala thoke meidi gobigna lepo teke fakakhana iara ka iagho igre na theome raugha thoke mei. Jame gaoghathomu iagho na glepo igre ginauna theome ghosei mei eghu. Nu iagho ofou kolho, naugna glepo igre ginauna thoke mei ka thofno narane gna na.

Profet Jeremaea 13:16

Ghotilo mala ghatho tahuni Lord, mae ihei te nomi God ghotilo. Uve, ghotilo fafnaknoni Lord, glahu kuru meini mana gromno na mala totokhei ghotilo ghahemire kate tei ghotilo ka thogelero. Ghotilo magnahagheni fara naphae na, nu mana ginauna kuru meini gromno na mala theome filoni ghotilo kaisei glepo.

Profet Jeremaea 6:21

Naugna igne, Lord ne cheke eghu, “Iara ginauna lilisei kaisei glepo biꞌo ka nabrou na mala nogra mare. Mae kmadi baludi thudire ginauna kafe totokhei uka. Eghuteuna naikno te gnafare ginauna kafe lehe.”

Letas Teke Riso Tei Mae Pol Ka Khiloau Rom 13:4

Naugna mae biꞌo ka gavman tuana nogna mae gloku God mala edi glepo te kelire ranghi ghami ghotilo. Nu jame te edi ghotilo glepo te diꞌare, ghotilo naba te mala mhaghuni mae biꞌo tuana, naugna mana theome mala fiti hata nolaghi kolho. Mana nogna mae gloku God, mana tangomana te paradi naikno te edi glepo te diꞌare mala falalaseni God te diꞌatagna ka mare.

Profet Isaia 60:22

Neubane theome vike biꞌo ghotilo, nu ghotilo ginauna kmana fara nei nheta eghu, jateula kaisei kantri biꞌo te nheta fara ra eghu. Iara Lord, glepo te chekedi iara igre ginauna ghosei thoke mei tutuani ka nogu thofno narane iara na.”

Profet Isaia 8:15

Kmana naikno ginauna uka klopa ka thina igne. Uve, kmana naikno ginauna khale ka phighoro igne na theome tangomana na teke jifla mei na.”

Profet Isaia 5:19

Kokhoni ghami, ghotilo iheire cheke faparini God koba te cheke eghu ra, “Noda God tahati maeda Israel te blahi fara igne, faghose edi unha teke nhaꞌa chekedi mana ra mala filodi nei lasedi eghu tahati gaoghathogna mana na.”

Proveb 4:19

Nu puhigna naikno te diꞌa na jateula grughu eghu, mana theome laseni kolho unha te faꞌukani mana na.

Jenesis 4:23

Kaisei narane mae Lamek ne cheke fahaehaghe eghu ka phei khetognare, “Ada ghe Sila, fanomho fakeli ka chekegu iara gne! Kaisei mae majaghani neke magra ka iara eghuteuna iara neke faleheni mana.

Eksodas 32:34

Gognarona iagho ke figri, batudi naikno ra tei ka vido aheva teke chekeni iara ka iagho tifa ia. Filo sagho! Nogu engel iara na ginauna tei ke ulumu iagho. Nu neuba narane na la thoke meihi te mala paradi iara iheire teke eni nakhibo igne.”

Levitikas 19:18

“Ghotilo thosei susuku ni kaisei kherami ba tughu fapulo kaisei puhi diꞌa teke eni mana na. Nu, ghotilo mala thofno namhadi kherami re jateula ghotilo te namha ghami themi eghu, naugna iara Lord.

Ululahu Samuel 26:10

Te chekeni iara ka iagho na, Lord mae ihei te karha te tifa na ngala nate laseni narane nate lehe mana na, ka vido te kuekuꞌe ba ka vido te tei mana ka magra.

Fapea Kings 9:7

Iagho mala roꞌeni nou King Joram, nei iheire te gnafa ka vikegna mae Ehab, naugna tifa na Kuin Jesebel neke aknu falehedi mae profet nei keha nogu mae gloku iara ra. Ka puhi igne, iara ginauna nake tughu fapulo puhigna naꞌa te diꞌa ra.

Profet Jeremaea 8:12

Ba, mare mamaja nodi fara te edi puhi te diꞌa tuare? Theo fara. Mare theome mamaja nodi kolho nafnata puhi igne. Naugna igne, iara ginauna goigoni fahuidi mae igre mala kafe lehe mare jateula mae iheire tela lehehi ra eghu. Igne nogu cheke iara Lord.

Profet Jeremaea 20:11

Nu iagho Lord, iagho jateula kaisei mae soldia nheta te au fabrahu teu balugu iara ia eghu. Mae iheire te para ghau iara igre ginauna glaꞌe soru na theome ulu ghau iara. Mare ginauna mamaja fara, eghuteuna mamaja igne ginauna theome gnafa ka mare tifa tifa.

Profet Jeremaea 51:56

Iara ginauna kurudi mae naoka igre mala goigoni ni Babilonia. Eghuteuna mare ginauna lokidi hatimare mae soldia, eghuteuna mare na lolhopa nodi phalohore. Leuleghu fata na iara Lord tughu fapulo ka iheire teke edi gobigna lepo te diꞌare.

Profet Esikiel 7:5

Lord neke cheke eghui, “Puhi biꞌo! Puhi biꞌo la mei, nafnata glepo teke theome filoni kaisei naikno tifa na la mei!

Profet Hosia 13:12

Iara riorisohi nakhibodi mae Israel igre ka nogu buka na.

Fapea Samuel 22:48

Lord, iagho tughu fapulo najafra teke edi nogu naoka iara ra, eghuteuna iagho togho ghau iara neke uludi mare.

Profet Isaia 13:22

Nogna suga biꞌo mae king, balu nodi suga mae funei biꞌo igre, khuma mata ginauna mei thuru nei iu fabiꞌo eghu ke lamnadi. Uve, narane te mala groꞌe namono biꞌo Babilonia igne la namo meihi!”