Diutronomi 32:32 - Buka Blahi Ka Cheke Holo

³² Puhidi mae naoka gre diꞌa, jateula puhidi maedi Sodom ghe Gomora tifa ra neu. Mare jateula gaju grep te raha sisigna ra nei poesen teura eghu.

Diutronomi 32:32 ပူးပေါင်းရင်းမြစ်များ

Diutronomi 29:18

Eghume ghotilo fiofilo ghami eghuteuna thosei snakreni kaisei naikno mala figri thagrugna na ka Lord nomi God. Neuba kaisei mae, ba kaisei gaꞌase, ba kaisei tharakna, ba kaisei vikemi ghotilo, theo kaisei naikno te tangomana te tei tarai nei pogho soru ka nodi god keha naiknore. Theome keli kaisei ka ghotilo te biꞌo haghe jateula kaisei gaju te ure sisi poesen ra eghu.

Profet Isaia 1:10

Ghotilo mae mala baubatu nei iheire eghu te au Jerusalem ra, fanomho fakeli ka nogna famane cheke Lord igne. Naugna ghotilo ne jateula mae mala baubatu nei naiknodi teku Sodom ghe Gomora tifa ra neu. Eghume, ghotilo fanomho fakeli ka nogna famane farirhiu noda God igre!

Profet Jeremaea 2:21

Nu kaisei iara ngala teke lisei ghami ghotilo ka nogu glose na jateula mae ihei te joꞌu kaisei famane gaju grep te keli fara fuꞌagna na ia neku. Eghume, naugna unha si ghotilo te jateula grep nathuꞌa te raha fuꞌagna na ia teu gnea?

Profet Isaia 5:4

Iara la edihi gobigna lepore ka nogu nagare iara igne eghuteuna iara theome laseni unha nate eni tagna na. Kate tei mala hata sisi teu iara tagna na, iara ne filodi kolho sisi te diꞌare.

Hibru 12:15

Fiofilo fakeli ghotilo ia mala theome kaisei naikno figri tagruni nogna namha te biꞌo God na. Na eghunu jateula kaisei gaju te fahoihoti ia eghu kaisei naikno ke lamnami ghotilo. Nafnata naikno tuana tangomana te goigonidi kmana naikno.

Matiu 11:24

Tutuani fara, te chekeni iara ka ghotilo na, ka narane leghu lahu na God ginauna fatedi naikno te au ka namono igne. Fate tuana ginauna biꞌo fara uludi narane teke fatedi mana naikno te diꞌa te au ka namono Sodom.”

Lamentations 4:6

God neke roꞌeni kaisei fata kolho namono Sodom, eghuteuna theo kaisei naikno te toghodi naiknogna namono tuana. Nu naꞌau papara te thokedi nogu naikno iara igre thofno diꞌa fara salaꞌuni nodi naꞌau papara naiknodi Sodom tifa ra.

Diutronomi 32:33

Puhidire jateula waen teke horo ka mogo phanaga ra eghu.

Thoutonu Eigna Mae Job 14:17

Eghuteuna iagho ginauna na jateula te hohono puhigu iara te diꞌare lamna ka kaisei kharaꞌo eghu, nu iagho famamhaku kharaꞌo igne mala theome tangomana kaisei naikno te tothora na. Uve, iagho ginauna toku tafru nakhibogu iara re.

Profet Jeremaea 23:14

Nu gognarona iara jaola filodi mae profet di Jerusalem igre. Mare jaola thofno diꞌa fara salaꞌudi keha mae profet tifa ra. Mare theome leghuni puhigna tholaghi na, eghuteuna nakarhadire fodu ka chaichaghi. Mare toghodi naikno te diꞌa puhidire mala theome gnafa mare kate eni puhi te diꞌa na. Naiknodi Jerusalem igre kafe diꞌa hui jateula phei namono biꞌo Sodom ghe Gomora tifa ra eghu.”