Diutronomi 32:29 - Buka Blahi Ka Cheke Holo

²⁹ Jame kaisei ka ghotilo te lalase na, mana tangomana jame te ghathodi gobigna lepo tela thoke meihi igre, eghuteuna mana jame jaola lasedi unha nate thoke mei ginauna igre.

Diutronomi 32:29 ပူးပေါင်းရင်းမြစ်များ

Nodi Khoje Hatimare Mae Jiu 81:13

“Iara thono magnahagheni fara jame te fanomho nogu naiknore ka iara. Uve, iara thono magnahagheni fara jame te leghuni mare puhigu iara na.

Diutronomi 5:29

Filo sagho, jame au fabrahu ka mare gaoghatho igne meuna, ginauna thofno keli fara. Iara magnahaghedi fara mare te ghatho tahu ghau iara fabrahu eghuteuna leghudi nogu vetula iara re. Naugna jame te eni mare na, nakarhadi mare nei thudire teure ginauna thofno keli fabrahu.

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Profet Hosia 14:9

Ihei te lalase na, naikno tuana ginauna lase fakelidi cheke te edi iara ka buka na igre, nei tathaji fakeli ka nagnafagna na. Eigna puhigna Lord na thofno doglo fara. Eghuteuna ihei te doglo na mala leghuni puhigna mana na. Nu ihei te diꞌa na theome tangomana te leghuni puhigna God na, naugna naikno igne theome ghatho tahuni puhi te doglo na.

Nodi Khoje Hatimare Mae Jiu 107:43

Ihei te au tagna glalase te keli na, ginauna ghathodi glepo igre. Mana ginauna ghathoni fabrahu eigna nogna namha biꞌo Lord ranghi ghita tahati na.

Profet Isaia 47:7

Te ghathoni iagho na, iagho ginauna na Kuin fabrahu, nu iagho theome ghathoni unha nate thoke mei ka iagho ke leghu na.

Profet Isaia 10:3

Unha nate eni ghotilo kate mei Lord te roꞌe ghami na? Kate mei funudi ka kantri delei nomi naoka ghotilo re te magra ka ghotilo na, aheva nate tei poru ghotilo na? Ihei gne nate tei hironi ghotilo te mala mei togho ghami na? Aheva nate tei titifuni ghotilo nomi sileni re?

Lamentations 1:9

Naikno te gnafare filodi nakhibogna naꞌare, nu naꞌa theome nanga nogna kolho ka unha nate thoke mei ginauna. Nu mae naoka igre thofno koko soruni naꞌa pari, eghuteuna theo kaisei naikno te toghoni naꞌa na. “Lord! Naoka gre la ulu ghauhi iara. Filo ghau nei kokhoni ghau iara!”

Profet Jeremaea 17:11

Ihei te atha sileni ka puhi te theome doglo na, mana jateula nanghaji te blau nakredi ka keha nanghaji na te lilisei ka nogna gnoku thegna na ra eghu. Nogna dedei mana igre ginauna hui kate mae majaghani teu mana na. Eghuteuna leghulahugna mae igne ginauna laseni te nogna gaoghatho naikno na thono fameomekro fara kolho.

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Nodi Khoje Hatimare Mae Jiu 107:15

Mana neke fadidiꞌa grengathagna suga sosolo teke hohoro mare ka bras na, nei lolhopa aean teke loku mare na. Uve, mana neke atha fajifladi hui. Eghume mare tegioni nogna namha biꞌo God na, nei glepo te biꞌo teke edi mana teke toghodi mare na eghu.

Diutronomi 31:29

Iara laseni ke leghugna te lehe iara na, ghotilo ginauna na thofno diꞌa fara, eghuteuna ghotilo ginauna figri tagrudi glepo te farirhiu ghami iara igre. Eghume ka narane nate mei are puhi biꞌo ginauna thoke ghami ghotilo, naugna ghotilo ne edi glepo te diꞌa te diꞌatagnadi fara Lord re.”

Nodi Khoje Hatimare Mae Jiu 90:12

Falase meini sagho mala laseni ghehati te kmoꞌe kolho nakarhami gne, mala gaoghatho fakelini ghehati eigna nakarhami na.

Profet Hagae 2:18

Gognarona varadaki fati narane gna fanheva nhigra, eghuteuna gognarona ghotilo la enihi babana gna nogu Sugablahi iara na, eghume funu gognarona, ghotilo ginauna filoni unha nate thakle mei na.

Profet Isaia 42:23

Eghume, ihei ka ghotilo nate fanomho ka glepo igre? Eghuteuna ihei nate fanomho fakeli ka nogu cheke iara igre?