Diutronomi 32:25 - Buka Blahi Ka Cheke Holo

²⁵ Ka nabrou are naoka ginauna mei akni falehedi thumi nalhaꞌu majaghani nei gaꞌase majaghani teu ghotilo are. Eghuteuna ka suga re naiknore ginauna kafe mhaghu nodi fara. Mae majaghani, nei gaꞌase majaghani, goro sua nei naikno biꞌo teu are ginauna kafe lehe.

Diutronomi 32:25 ပူးပေါင်းရင်းမြစ်များ

Profet Esikiel 7:15

Mae naokare au ke kosigna namono na, eghuteuna grofo nei fogra teuna au ke lamna. Naikno te jifla ke kosi namono na, ginauna kafe lehe ka magra. Eghuteuna naikno te au ke lamna namono na ginauna lehe ka grofo nei fogra.

Lamentations 1:20

“Lord! Filo mei! Iara au papara fara! Iara diꞌanagnafagu fara, naugna iara ne figri tagru nigho iagho. Ke lamnagna nogu suga iara na, naiknore lehe, eghuteuna ke kosi na, naoka mei aknu falehe gnafa naiknore.

Fapea Korin 7:5

Kate tei posa ghehati Masidonia na, ghehati neke theome gnafa. Naugna thua nafnata puhi te edi ka vido tuana. Naiknore mei fapoaphola balumi ghehati eghuteuna ghehati themi na nanga nomi fara.

Lamentations 4:4

Goro sua gegeꞌe re rodi koꞌu fara. Goro sua te ikodire tore ghedi gano, nu theo kaisei naikno te tusu ranghidi.

Profet Jeremaea 9:21

Naugna glehe gne la thoke meihi ka tahati. Neuba tahati ne au ka sugadi mae biꞌo ba ka sugadi mae te kuma, glehe na ginauna thoke ghita. Glehe na thokedi goro sua te nairu ke lamna nabrou, nei jaola thokedi mae majaghani te tei ka maket.

Profet Isaia 30:16

Ghotilo ne keli neu eghu ka gaoghathomi re, naugna ghotilo rouronu ka hose te mala rikhadi nomi naokare. Nu te chekeni iara na, neubane rikha ghotilo, nodi hose mae naoka igre umhu fara salaꞌudi nomi hose ghotilore.

Fapea Kronikols 36:17

Aonu Lord ne kuru teini king gna Babilonia mala tei magra Jerusalem. Eghuteuna ka narane tuana, king igne ne kokhoni nognadi mare, aonu maedi Babilonia igre ne aknu falehe mae majaghanidi Juda re. Neuba ne mae majaghani, ba gaꞌase majaghani, mae nalhaꞌu, ba mae khuekuꞌe, God ne snakredi naikno igre mala kafe lehe ka khamegna Nebukadnesa. Neubane poru kehare ka Sugablahi na, mare tei ngala ka Sugablahi igne ne falehedi mare.

Levitikas 26:25

Iara ginauna snakreni magra biꞌo na mala roꞌeni nomi vido ghotilo na, mala para ghami ghotilo naugna ghotilo ne huhughuni nhaꞌa cheke teke eni iara balumi ghotilo ia. Eghuteuna jame te rikha te tei poru ghotilo ka vido keli ka nomi namonore, iara ginauna kuru ari thua nafnata fogra mala thoke ghami ghotilo, eghuteuna iara ginauna snakre lao ghami ghotilo ka khamedi nomi naoka ghotilo re.

Fapea Kings 7:5

Aonu kate funu romno soru na, mare ne tei ka vido aheva te au armi gna Siria. Nu kate posa mare ka vido igne na, theo kaisei mae te au jare na.

Profet Jeremaea 44:7

“Lord God mae ihei te au nolaghi fateote'o, nodi God maedi Israel igne ne cheke eghu, ‘Naugna unha si ghotilo te atha mei puhi biꞌo te goigoni ghami themi ignea? Jame te eni ghotilo puhi igne na, mae nalhaꞌu te gnafa, gaꞌase te gnafa, nei sua te gnafa nei gegeꞌe te gnafa teu igre ginauna lehe, eghuteuna theo kaisei ka vikegna Juda igre nate karha na.

Profet Jeremaea 44:8

Iara diꞌatagu fara ka puhi te tarai ghotilo ka mumuju teke edi themi are, eghuteuna ghotilo gahu insens mala pogho soru ka keha god di Ijep. Ghotilo ginauna goigoni ghami themi kolho. Eghuteuna naikno gna nauthoglu igne ginauna cheke fadiꞌa ghami ghotilo. Naiknore ginauna cheke faparidi nanghami ghotilore mala thoke mei puhi biꞌo ka ghotilo.

Profet Hosia 9:12

Eghuteuna neubane au thumi ghotilo, nu iara ginauna na kafe falelehe thumi ghotilore. Ghotilo kokhoni ghami fara. Eigna kate tei koko ghami iara na, kmana nafnata puhi te diꞌa ginauna na thoke ghami ghotilo.

Profet Hosia 9:16

Naiknodi Israel igre ginauna na theo thudi, mare ginauna na jateula kaisei gaju naegro te theo kaisei fuꞌa tagna ra eghu. Nu jame te au thudi mare na, iara ginauna falelehe sua te thofno namhadi fara mare igre.”

Profet Hosia 11:6

Uve, naugna te leghudi kolho mare gaoghathodi thedire, mae naokare ginauna mei goigoni nodi namono biꞌo mare na. Eghuteuna grengathagna nodi namono biꞌo mare igne ginauna groꞌe theo tokagna.

Profet Maeka 6:14

Neuba ghotilo ne ghamu fabrahu, nu ghotilo rofo fabrahu kolho. Neuba ghotilo ne fariuriu tathaji kmana famane glepo, nu ghotilo theome tangomana, naugna gobigna lepo te fariuriu tathaji ghotilo are iara ginauna goigonidi ka narane magra.