Diutronomi 32:24 - Buka Blahi Ka Cheke Holo

²⁴ Ghotilo ginauna lehe ka grofo, nei ka fagrutu, nei ka kmana nafnata fogra te diꞌa. Iara ginauna kuru mei khuma mata mala ngolhi ghami ghotilo, eghuteuna mogo phanaga ginauna mei kathi ghami ghotilo.

Diutronomi 32:24 ပူးပေါင်းရင်းမြစ်များ

Levitikas 26:22

Iara ginauna kuru tei glepo tautagu mala kathu falehe thumi ghotilo re, baludi nomi glepo tautagu ghotilo re. Eghume ginauna na phei ba thiloi kolho nate karha na ghilei theo kaisei nate au te mala nolo ka nomi nabrou ghotilo are.

Profet Esikiel 5:17

Thumi ghotilo re ginauna lehe ka grofo, eghuteuna iara ginauna jaola kuru mei khuma mhata mala falehedi mare. Iara ginauna snakre ghami ghotilo mala lehe ka kaisei fogra te diꞌa eghuteuna snakreni magra na mala thokedi namono ghotilo gre. Iara Lord te chekeni igne.”

Profet Habaku 3:5

Iagho kuru mei kmana nafnata khabru. Eghuteuna ke leghu na, iagho snakre mei fogra biꞌo mala lehe naiknore.

Profet Emos 9:3

Neuba mare ne haghe poru tafri ke kligna Thogele Kamel, iara ginauna tei hirodi mala ke hata fapulodi. Eghuteuna neuba mare ne jufu pari ne tei poru pari ka khotogna nhorora gno, iara ginauna cheke faheta ka mogo biꞌo te au ka khotogna nhorora na mala ghamudi mare.

Profet Esikiel 14:21

“Iara Lord iara cheke eghu: Ghotilo naiknomi Jerusalem. Ginauna na thono diꞌa fara salaꞌuni narane teke snakredi iara fati papara biꞌo igre ka ghotilo ra. Iara ginauna kuru mei narane mala magra, nei narane mala rofo, nei khuma mhata, nei kaisei fogra diꞌa mala lehe fahui naikno te gnafa nei glepo tautagu te gnafa eghu Jerusalem.

Profet Esikiel 14:15

“Iara eni nogu nhaꞌa cheke te rheta igne ka nanghagu iara Lord mae ihei te karha te tifa: Neuba, jame au meu thilo mae igre ka kantri igne meuna, iara ginauna kurudi kolho khuma mhata re mala falehedi gnafa kehare. Theo kaisei naikno nate tei salaꞌu ka kantri te krogha igne, naugna mare mhaghudi khuma mhata igre. Eghuteuna neuba jame thudi thilo mae igre ne au neu ka namono igne, thilo mare ginauna na jaola theome tangomana te fakarhidi mare na. Thilo mare ginauna tangomana te fakarhidi kolho thedi, nu namono igne ginauna thono diꞌa fara.

Lamentations 5:10

Ghehati fagrutu fara, naugna ghehati rofo ne salaꞌui.

Profet Jeremaea 16:4

“Naikno igre ginauna lehe. Kehare ginauna lehe ka fogra biꞌo. Eghuteuna kehare ginauna mei mae naoka aknu falehe. Eghuteuna kehare ginauna lehe ka grofo. Eghuteuna theo kaisei naikno nate kokhonidi nei tanhidi teure. Eghuteuna theo kaisei naikno nate giugilui thinidire. Eghuteuna thinidi re ginauna naga tafri ke kligna glose. Aonu saroko nei khuma mata ginauna mei ghamu fahui thinidi re.”

Profet Jeremaea 15:3

“Iara Lord ginauna kurudi fati glepo mala goigonidi mare: Mae naokare ginauna mei falehedi mare. Khumare ginauna mei tungnu fadelei thinidire. Eghuteuna nanghaji nei glepo tautagu teu igre ginauna ghamu fateo thinidire.

Profet Jeremaea 14:18

Jame te tei iara mata na, iara ginauna filodi iheire teke lehe ka magra ra. Eghuteuna jame te tei iara ke lamna namono na, iara na filodi naikno te lehe ka grofo ra. Hatimare mae profet nei hatimare mae pris teu igre mare toutonu eha tafri heva heva theome laseni unha te eni mare na.’ ”

Profet Isaia 65:25

Uve, ka narane igne, khuma mata nei sua sipu teure ginauna ghamu fodu, eghuteuna lion re ginauna ghamu buburu jateula buluka eghu. Nu mogo te faghughumhu re ginauna ghamu glose kolho. Ka nogu Thogele Blahi iara Saion, theo kaisei glepo te diꞌa ba kaisei glepo te mala goigoni naikno ginauna au tagna.” Igne chekegna Lord.

Nodi Khoje Hatimare Mae Jiu 120:4

Papara igne ginauna na thono diꞌa fara, na jateula nodi jata fnonu hatimare mae soldia te fada susuplu thinimi ghotilo ra na eghu. Eghuteuna ghotilo ginauna kabru ghemi ka papara igne jateula u khaꞌaghi te thunu ra na eghu ka ghotilo.

Nodi Khoje Hatimare Mae Jiu 91:6

Iagho ginauna theome mhaghudi naitu te mei ka naikno bongiro, ba naitu te falehe naikno naranero.

Diutronomi 28:53

“Ka narane te mei nomi naoka ghotilo igre te au falithu ka nomi namono ghotilo re, ghotilo ginauna diꞌa nagnafami fara naugna ghotilo ne theo ghemi gano. Ghotilo ginauna thono rofo fara na ghilei hata ghamu thinidi thumi nalhaꞌu nei thumi gaꞌase teu teke tusu ari Lord ka ghotilo are.

Diutronomi 28:22

Lord ginauna snakre ari thua nafnata fogra te diꞌa, eghuteuna ghotilo ginauna thoke ghami nhuge, nei fagrutu biꞌo. Eghuteuna nomi glose ghotilo are ginauna moja fara, eghuteuna mana na snakre mei nuri te thono brana fara mala flea nei mala goigoni eghu ghemi nagare ghotilo are. Puhi biꞌo igre ginauna goigoni ghami ghotilo mala ghilei kafe lehe ghotilo.

Jenesis 49:15

Iagho ginauna na filoni kaisei vido te keli te mala aumu na, eghuteuna kate au teu iagho jare na, vikemu iagho re ginauna na keli tadi te mala loku jateula naikno sneka teu iagho ranghidi keha naiknore.

Jenesis 3:14

Aonu Lord God ne cheke eghu ka mogo na, “Naugna igne, iara ginauna na tibri nigho fara ke tulaodi gobigna lepo te tautagu fateo igre. “Naiknore ginauna na susuku nigho fara ke tulaodi keha glepo te tautagu ka namhata na are. Iagho ginauna na agra ka thi'amu na. Eghuteuna iagho ginauna na ghamu gaughavu glose.

Diutronomi 28:48

ghotilo ginauna rofo, nei roi koꞌu, nei soesole nei kmoꞌe ka gobigna lepo fateote'o. Glepo igre ginauna thoke ghami ghotilo naugna ghotilo ginauna na loku ranghidi nomi naoka ghotilo teke kuru mei Lord ka ghotilo are. Mare ginauna thofno para ghami fara ghotilo ka gloku biꞌo te ninhigrana fara ghilei ghotilo te gnafa na kafe lehe hui.

Thoutonu Eigna Mae Job 20:16

Mae te diꞌa igne nairu balu mogo. Uve, mana ginauna lehe ka poesen gna mogo igne.

Profet Jeremaea 8:17

Lord ne cheke eghu, “Fanomho ghotilo ia! Iara ginauna na kuru mei mogo faghughumhu ka ghotilo mala kathi ghami ghotilo. Eghuteuna ghotilo ginauna na theo kaisei nabrou nate eni ghotilo ka mogo igre te mala rikha ghami na. Thono theo tutuani fara.” Igne chekegna Lord.

Profet Maeka 7:17

Mare ginauna agra pari jateula mogo eghu. Eghuteuna kate jifla mei mare ka nodi vido mala poru na, mare ginauna mhaghu fififri fara. Eghuteuna naugna te mhaghu fara mare na, mare ginauna tughu gaoghathodi re mala ghatho tahuni Lord nomi God ghehati.