Diutronomi 32:22 - Buka Blahi Ka Cheke Holo

²² Diꞌatagu iara na brana jateula khaꞌaghi biꞌo te ghamu fateo gobigna lepo ka nauthoglu igne te ghilei soru pari ka namonodi naikno te lehe ra eghu. Ghemi nagare te gnafa ghotilo are ginauna nhako, eghuteuna ginauna jaola nhako ke paridi thogele are.

Diutronomi 32:22 ပူးပေါင်းရင်းမြစ်များ

Lamentations 4:11

Lord ne thono diꞌatagna fara, eghuteuna diꞌatagna mana igne jateula khaꞌaghi biꞌo te tofa soru te gnhubra Jerusalem ra neu ne ghilei glose kolho te au na.

Profet Jeremaea 15:14

Diꞌa tagu iara na thunu jateula khaꞌaghi eghu, eghuteuna khaꞌaghi igne ginauna na nako ghami ghotilo. Iara ginauna snakredi mae naokare mala atha ghami ghotilo tei ka kaisei kantri te theome laseni ghotilo mala loku jateula sneka eghu.”

Profet Sefanaea 3:8

Aonu Lord ne cheke eghu, “Ghotilo ofoni kolho Narane nate fatedi iara naiknodi soasopaigna kantri igre. Naugna, iara diꞌatagu fara ka naikno igre. Eghuteuna gaoghatho te mala salo meidi naikno igre te mala paradi re la auhi ka nagnafagu iara na. Eghume, diꞌatagu iara igne ginauna brana fara salaꞌui jateula khaꞌaghi eghu, eghuteuna iara ginauna roꞌe fahuidi nodi namono te gnafa mare are.

Profet Maeka 1:4

Tutuani, thogele igre ginauna blalho, jateula kadele te au rhegna khaꞌaghi eghu. Mare ginauna thofa soru pari ke lamna glogu, jateula khoꞌu te loloro soru funu ka thogele ro.

Profet Jeremaea 17:4

Diꞌa tagu iara na ginauna brana fara jateula khaꞌaghi biꞌo eghu na gnubra ghami ghotilo. Naugna puhi te edi fabrahu ghotilo igre, ghotilo ginauna theome khotogna namono teke snakre lao iara ka mae kuꞌemi ghotilo tifa ra. Eghuteuna iara ginauna snakredi mae naokare mala atha ghami ghotilo tei ka namono aheva ghotilo te theome laseni mala loku jateula sneka eghu.”

Nodi Khoje Hatimare Mae Jiu 86:13

Nou namha iagho ranghi ghau iara na thono biꞌo fara. Uve, iagho neke fakarhi ghau iara kau glehe.

Naba 16:35

Aonu Lord ne famei khaꞌaghi na ne nako fahui phei gobi glimafulu mae teke tufa insens.

Fapea Tesalonika 1:8

Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Matiu 23:33

“Ghotilo chaghi fara jateula pholi eghu! Ghotilo vikegna mogo faghughumhu! Ghotilo ginauna theome tangomana te rikha kokoni diꞌatagna God na! Mana ginauna fate ghami ghotilo nei kuru tei ghami ghotilo Gehena.

Matiu 18:9

Jame tathamu na batu fadiꞌa nigho mala theome fatutuani iagho teuna, kusu koko. Te keli na kaisei tathamu kolho te hata iagho thofno nakarha te theo ka huigna na. Igne ke keligna te kafe au teu phei tathamure te koko lao nigho mare Gehena ke lamnagna khaꞌaghi te theo ka glehegna na.”

Matiu 10:28

Thosei mhaghudi naiknore, naugna mare tangomanadi kolho te faleheni thini na. Nu mae ihei te mala mhaghuni ghotilo na God. Naugna mana au nolaghi te mala kafe falehedi thini ghe tharungare ka namono te mala au papara te kiloi Gehena.

Profet Esikiel 36:5

Uve, Lord God neke cheke eghu: Diꞌatagu iara ka kantri Idom baludi keha kantri te au faligoho ghami ghotilo igre brana jateula khaꞌaghi eghu. Uve, iara thono diꞌatagu fara, naugna kate mei mae naoka gre te goigonidi nogu naikno iara re, kantri igre glealeꞌa fara te hata nogu namono iara na.

Lamentations 2:3

Mana thono diꞌatagna fara, aonu mana hata fadelei nogna nolaghi na ka mae Israel mala glaꞌe fara mare. Kate mei mae naokare, mana tirogna toghodi naiknodi Israel. Diꞌatagna mana igne jateula khaꞌaghi te nhako te hui nodi gobigna lepo vikegna mae Jekop ra eghu.

Profet Isaia 54:10

Neuba thogele nei gukhu teu igre ne bruja ne vuhai nakrofu, puhigu iara te ghatho ghami ghotilo fabrahu igne theo ka gnafa gna. Nhaꞌa cheke teke eni iara te au fakeli ghotilo ka pharikeli igne, iara ginauna tathaji fabrahu.” Igne chekegna Lord mae ihei te kokhoni ghami ghotilo.

Profet Isaia 30:33

Lord tarabanahi kaisei glave biꞌo mala horo khaꞌaghi mala gnubrani king biꞌogna Asiria. Glave igne mamhara fara, eghuteuna mare tarabanahi kmana gaju jare. Eghuteuna Lord ginauna phanga mei khaꞌaghi brana. Naugna phaphanga gna Lord na brana fara jateula khaꞌaghi eghu.

Profet Isaia 24:6

Naugna igne, hoholo biꞌo ginauna thokeni nauthoglu igne. Eghuteuna naikno ka nauthoglu igne na au papara eigna nodi najafra fateote'o. Eghuteuna ginauna na theome kmana ka mare nate au teu ka nauthoglu igne.

Nodi Khoje Hatimare Mae Jiu 144:5

Lord God, tora sagho maloa na mala soru mei. Habo sagho khamemu are ka thogele are mala jifla mei gagahu.

Nodi Khoje Hatimare Mae Jiu 97:3

Lord na kulu kuru fajifla khaꞌaghi mala tei nakodi nogna naoka te au faligohoni teu mana re.

Nodi Khoje Hatimare Mae Jiu 83:14

Roꞌedi fara ngala sagho mala jateula khaꞌaghi biꞌo te gnubra fahui namhata ra eghu. Uve, jateula khaꞌaghi biꞌo te gnubra gaju te gnafa ka thogelera eghu.

Nodi Khoje Hatimare Mae Jiu 46:2

Eghume, neubane nghali nauthoglu igne ka nakheu, neuba ne diha soru thogele biꞌo igre lamna nhorora, tahati theome tangomana te mhaghudi gobigna lepo te thoke mei ka tahati gre.

Nodi Khoje Hatimare Mae Jiu 21:9

Kate thakle mei iagho na, iagho ginauna na fahuidi jateula gnognofi te nhako fahui ka khaꞌaghira eghudi kolho. Tutuani fara, Lord, iagho diꞌatamudi fara na eni kaisei khaꞌaghi biꞌo mala nako fahuidi.

Diutronomi 29:20

Lord ginauna theome tangomana nate hata fadelei nakhibogna nafnata mae igne. Diꞌa tagna Lord na ginauna mei ka mae igne jateula kaisei khaꞌaghi eghu. Eghuteuna thibri te gnafa teke rioriso mare ka Buka vetula igre ginauna soru ke kligna gna mana, eghuteuna Lord ginauna ghiha koko nanghagna mana na mala theome tangomana kaisei naikno ka nauthoglu igne nate ghathoni mana na.

Levitikas 26:20

Nomi nakmusa ghotilo re ginauna theome tangomana nate togho ghami ghotilo na, naugna nomi glose ghotilo re ginauna theome tangomana nate tusu ari gano ka ghotilo na, eghuteuna nomi gaju ghotilo re ginauna theome tangomana nate ure sisi na.

Naba 16:33

Mare ne lehe kakarha lamna beku, baludi nodi glepo re. Glose na neke fnotho fapulo, eghuteuna mare ne orio dofidi.

Profet Esikiel 38:19

Uve, naugna te thono diꞌatagu fara iara igne, iara na nhaꞌa cheke: Tutuani fara ka narane tuana kaisei nakheu biꞌo na ngalini Israel.

Profet Emos 7:4

Ke leghugna igne, Lord God neke fakakhana keha mifi na ka iara. Ka mifi igne, iara filoni Lord ne kaikaliti kaisei khaꞌaghi biꞌo mala nhako nogna naiknore. Neuba thongna na ne mamhara fara, nu khaꞌaghi biꞌo igne ginauna fakhaprani kolho thongna te mamhara igne, eghuteuna iara ne filoni te funu gnhubra glose na.

Lamentations 2:2

Suga te gnafa ka namono te gnafa Juda igre, Lord theome kokhoni nognadi. Mana diꞌatagna fara ne paꞌe soru ne gnafa suga mala poru ka namono igne. Mana goigoni fahui kantri igre baludi hatimare mae funei te gnafa igre mala mamaja nodi naiknore.

Lamentations 2:4

Mana jateula mae naoka te ghao nogna phaloho na mala fada jata na teura eghu, mana tarabana mala goigoni ni Jerusalem. Mana jateula mae naoka te aknu falehedi te gnafa famane naikno ra eghu. Diꞌatagna mana na jateula khaꞌaghi brana te gnhubra namono Jerusalem ra eghu.

Profet Esikiel 19:12

Nu God ne diꞌatagna fara, eghuteuna mana rarathu ne koko soru ka glose na. Nuri brana gna ke maghati na ne ghaghafa mei eghuteuna fuꞌagna re khapra ne khoko pari. Gregegna re jaola ne gnagha, ne gnhubra ka khaꞌaghi.

Profet Esikiel 22:21

Uve, diꞌatagu iara na thono biꞌo fara, jateula khaꞌaghi te brana te salaꞌui ra eghu, eghuteuna iara ginauna salofodu ghami ghotilo mala gahu ghami ghotilo, eghuteuna ghotilo ginauna blalho jateula silva te gahu nei blalho teu ra eghu.

Profet Emos 5:6

Ghotilo mala ke pulo mei ka Lord. Jame teke pulo mei ghotilo ka mana na, ghotilo ginauna na hatani u karha na. Nu jame te theome ke pulo mei ghotilo ka mana na, mana ginauna soru mei ka ghotilo jateula kaisei khaꞌaghi biꞌo eghu mala nhako fahui ghotilo naiknomi Israel ra. Eghuteuna khaꞌaghi igne ginauna ghamu fahui naikno te au ka namono Betel. Eghuteuna theo kaisei mae te nheta nabagna nate faleheni khaꞌaghi igne na.

Profet Sefanaea 1:18

Ka Narane te diꞌatagna God igne, silva nei gol teu igre ginauna theome tangomana nate toghodi mare na. Naugna diꞌatagna God igne thofno brana fara jateula khaꞌaghi te brana te nhako fahui namhata biꞌo ra eghu. Eghume diꞌatagna God igne ginauna na jateula tuana eghu na falehedi hui naikno te gnafa ka nauthoglu igne.”