Diutronomi 32:19 - Buka Blahi Ka Cheke Holo

¹⁹ “Lord na filodi glepo igre ne tirogna ghami ghotilo, naugna mana diꞌatagna fara ka ghotilo thugna nalhaꞌu nei gaꞌase teu mana re.”

Diutronomi 32:19 ပူးပေါင်းရင်းမြစ်များ

Nodi Khoje Hatimare Mae Jiu 106:40

Aonu Lord ne thono diꞌatagna fara ne tirognadi nogna naiknore.

Profet Isaia 1:2

Lord ne cheke faheta eghu, “Ghopa maloa ghe nauthoglu ra! Ghopa fanomho mei ka nogu cheke iara igre! Funu ka narane te ikodi teku thugu iara igre, iara neke reireghi fakelidi, nu gognarona mare tirodi fanomho ka nogu cheke iara re.

Nodi Khoje Hatimare Mae Jiu 5:4

God, iagho theome glealeꞌadi puhi te diꞌare. Naikno te edi puhi te diꞌa igre theome nabadi te au balumu iagho na.

Jajis 2:14

Diꞌatagna Lord na ne thono brana fara ka mare ne snakre laodi ka khamedi nodi naoka te au faligohodi mare. Eghuteuna nodi naoka mare igre raꞌe ne nheta fara, eghuteuna naiknodi Israel igre ne theome tangomana te reireghidi thedire. Eghuteuna naoka igre blau koba nodi gobigna lepo re.

Thakle 3:16

Nu naugna ghotilo ne theome nanga nomini te leghu ghau iara na, ba brana katha ikoi kolho nomi namha ranghi ghau iara na, iara ginauna lu'a fajifla ghami ghotilo ka foflogu na. Naugna iara tirogu ghami ghotilo.

Profet Sekaraea 11:8

Keha thilo mae sipu mala reireghi sipu te loku fodu ghehati igre theome magnahaghei ghau iara, thilo mare theome keli ranghi ghau iara ghilei babaꞌo iara ka thilo mare. Naugna igne, ke lamnagna kaisei nhigra iara ngholhi fajifladi thilo mare.

Lamentations 2:6

Lord ne paꞌe soru nogna Sugablahi na, jateula grorofe ka thobi ra neu. Narane biꞌo nei narane Sabat teu igre, mana bobotho nagnafadi naiknodi Saion mala ghatho ihodi narane biꞌo igre. Naugna mana diꞌatagna fara ka mare, eghuteuna mana theome magnahaghedi mae king nei mae pris teu igre.

Profet Jeremaea 11:15

“Iara namha ghami ghotilo, nu ghotilo edi kmana puhi te diꞌa fara. Eghume, mei mala unha si ghotilo ka nogu Sugablahi iara ignea? Ba? Nafnahi blahi te fafara ghotilo igre nate fakarhi ghami ghotilo na? Theo! Naugna kate edi ghotilo glepo te diꞌare, ghotilo neke keli tami fara.”

Nodi Khoje Hatimare Mae Jiu 78:59

Kate filodi mana glepo igre, mana ne hongoni fara ka mare ne thono diꞌatagna fara.

Nodi Khoje Hatimare Mae Jiu 10:3

God, mae te diꞌa igne, mana cheke fahaehaghedi fara glepo te diꞌa te magnahaghedi thegna re. Mae igne magnahaghedi kmana glepo fara, ne figri tagru nigho, ne cheke fadiꞌa nigho.

Levitikas 26:11

Iara ginauna au balumi ghotilo, eghuteuna iara ginauna theome thodo ghami ghotilo.

Levitikas 26:30

Eghuteuna iara ginauna goigoni nomi vido blahi ghotilo are. Iara ginauna paꞌe olta te mala gahu insens ghotilo are. Eghuteuna iara ginauna koko lao thinimi ghotilo te lehe are mala pagu ke klignadi nomi mumuju blahi ghotilo te theome karha te pogho soru ghotilo tadi are. Eghuteuna iara ginauna tirogu ghami fara ghotilo.

Nodi Khoje Hatimare Mae Jiu 89:38

Nu Lord God, mae king teke vavahi iagho ia, gognaro na iagho kela diꞌatamu ka mana. Uve, iagho tirounihi mana, la lisa kokonihi mana.

Profet Jeremaea 40:2

Kate atha fajiflani mae Jeremaea ka sosolo igne, mae Nebusaradan ne cheke eghu ka mana, “Lord nou God iagho na la chekenihi puhi biꞌo nate thoke mei ginauna ka namono igne.

Profet Emos 6:8

Lord, God mae ihei te au nolaghi fateote'o igne neke nhaꞌa chekehi ka nanghagna thegna. Igne chekegna Lord na, “Iara theome magnahagheni puhidi naiknodi Israel te fahaehaghe fara igre, eghuteuna iara theome gleꞌadi nodi vido mala poru mare igre. Eghume, nodi namono biꞌo lahu mare igne baludi gobigna lepo fateote'o te au ke lamnagna igre ginauna lisa lao ka mae naoka.”