Diutronomi 32:15 - Buka Blahi Ka Cheke Holo

¹⁵ “Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Diutronomi 32:15 ပူးပေါင်းရင်းမြစ်များ

Diutronomi 31:20

Iara ginauna hata teidi ka glose te thofno keli fara teke nhaꞌa cheke iara ka kuꞌemi ghotilo tifa ra. Eghuteuna kate au mare tagna na, mare na au ghedi kmana gano, eghuteuna mare ginauna glealeꞌa fabrahu. Neuba mare ginauna nake figri ke tarai nei pogho soru eghu ka keha god delei na figri tagru ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Profet Hosia 13:6

Nu kate hata glose mare te au tagna na, mare neke keli tadi, naugna iara neke tusu ranghidi kmana gano. Puhi igne te fahaehagheni fara mare te ghatho iho ghau iara fabrahu te ghilei mei posa gognarogne.

Nodi Khoje Hatimare Mae Jiu 89:26

Mae Devet ginau cheke eghu ka iara, ‘Iagho nogu God iara, nei iagho kmagu iara na. Uve, iaghou ngala te mala saghe leghu ghau nei fakarhi ghau teu iara na.’

Diutronomi 33:5

Kate salo fodu ghotilo mae biꞌo nei mae lida teu ka vikegna Israel ra, Lord na nomi King ghotilo.”

Mae Khuru 28:27

Naugna nafnata naikno igre, gaoghathodire la fnothohi, eghuteuna khulidire theome magnahagheni te nomhini kaisei glepo na, eghuteuna tathadire dofuhila. Na eghunu thofno filo glanini mare unha teke filoni ka tathadire, nei thofno nomhi fakelini unha teke nomhini ka khulidire eghuteuna gaoghathodire tangomana te laseni. Eghuteuna mare tangomana teke pulo mei ka iara na, mala tangomana iara te fakeli fapulodire.’

Ululahu Samuel 2:29

Naugna unha si ghotilo te theome ghatho tahudi fafara te edi naiknore ka iara igrea? Naugna unha sagho te ghatho tahudi phei mae thumu igre ke tulaogu iarai gnea? Tuana unha te eni iagho kate snakredi phei mae thumu gre tela blokha fara are, naugna phiamare ne hata fajifla vido nafnahi te keli re ka nodi fafara naiknore.

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Profet Jeremaea 5:28

Leuleghu fata na mare ima gano te keli, mare boho biꞌo thiꞌadire. Mare theome gnafa te eni puhi te diꞌa na, ba puhi te fameomekro na ka goro sua te glehe kokoi. Eghuteuna kate thokedi puhi biꞌo naikno te kuma igre, mare tirodi toghodi nafnata naikno igre.

Profet Isaia 6:10

Isaia! Nou cheke iagho igre mare ginauna theome lase fakelidi, eghuteuna na theome nomhi fakeli, eghuteuna na jaola theome laseni kaisei glepo. Ka puhi igne, mare ginauna theome tangomana na teke pulo mei ka iara te mala fakarhidi re.”

Profet Isaia 1:4

Ghotilo nogu naikno iara igre thono diꞌa fara! Eghuteuna puhimi ghotilore jaola thono diꞌa fara. Ghotilo naikno mala tapla jafra fabrahu ka nakhibo kolho. Eghuteuna ghotilo la tei kokonihi Lord. Uve, ghotilo tiromini nodi God maedi Israel te thono blahi fara igne la figri tagrunihi mana.

Nodi Khoje Hatimare Mae Jiu 95:1

Mei ghotilo, mala kilo fnaknoni tahati Lord! Uve, mei ghotilo mala koje tahati balu gleꞌa, naugna mana ngala noda vido keli tahati na.

Nodi Khoje Hatimare Mae Jiu 73:7

Leuleghu fata na, glepo te diꞌa na ngala te jifla mei ka gaoghathodire, eghuteuna leuleghu fata na nagnafadire fodu kolho ka majora.

Nehemaea 9:25

Mare magra ne hata namono ringni te lithui ka thina nei glose te thofno keli fara teu igre. Mare neke hata suga te fodu ka famane glepo te keli nei seu teke dokhahi naikno teke au ka namono igne, nei nagare grep, nei nagare oliv, nei keha gaju te ure kmana sisi te keli tadi. Mare ghamu kmana gano fara ne ghilei blokha fara. Eghuteuna leuleghu fata na mare glealeꞌa fara ka glepo teke tusu lao iagho ka mare igre.

Fapea Samuel 22:47

“Lord, iagho karha fabrahu tifa tifa! Ghehati cheke fakeli nigho, naugna iagho nomi Thina rheta ghehati! Nafnaknomu iagho na haghe fara! Iagho ngala te fakarhi ghau iara na!

Diutronomi 33:26

Aonu mae Moses neke cheke eghu ka naikno te gnafadi Israel, “Theo kaisei god te jateula nomi God ghotilo naiknomi Israel te doglo ra. Mana tangomana te kasa ka maloa na te togho ghami ghotilo, eghuteuna mana tei ke lamna khoveo ka nogna nolaghi biꞌo.

Diutronomi 32:6

Ba, tuana puhi te keli te mala tegio ka Lord na? Theo. Ghotilo noli fara! Ghotilo theo kaisei nomi glalase te keli! Lord na kmami ghotilo, eghuteuna mana ngala teke vuavuha ghami ghotilo na.

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Mae Khuru 9:5

Mae Sol ne cheke eghu, “Iagho mae ihei sia, Lord?” Mana ne cheke eghu, “Iara mae Jisas. Iara ngala mae ihei teke parani iagho ia.

Profet Jeremaea 5:7

Lord ne cheke eghu ka iheire te au ka namono Jerusalem, “Iara theome tangomana te atha fadelei nakhibomi ghotilore. Naugna ghotilo ne tiromi figri mei ka iara, eghuteuna ghotilo ne leghuni mumuju god te theo kaisei nakarha tagna igne. Neuba iara ne tusu ari gobigna lepo te magnahaghedi ghotilore, nu ghotilo jateula mae te huhughuni puhigna tholaghi na te tei ka sugagna thau vine na ia neu ne theome au balugu iara.

Profet Jeremaea 2:5

Lord ne cheke eghu, “Unha neku iara ka kuꞌemi ghotilo tifa ra site tei koko ghau iara ghotilo gnea? Mare neke tarai ka mumuju god te theo nakarha tadi. Eghuteuna mare jateula mumuju god teke sari thedi tura neku neke jaola neke theo nafudi kolho.

Nodi Khoje Hatimare Mae Jiu 119:70

Naikno te fahaehaghe fara igre theome lasedi kolho nou famane farirhiu iagho re, nu iara keli tagudi fara famane farirhiu tuare.

Nodi Khoje Hatimare Mae Jiu 18:46

God, iara lase nigho iagho karha te tifa! Iara te cheke fakeli nigho eigna iagho ne reireghi fakeli ghau iara. Iara pala hagheni nanghamu na eigna iagho ne fakarhi ghau iara.

Nodi Khoje Hatimare Mae Jiu 17:10

Hatimare cheke fabiꞌo fara balu pala haghedi kolho nangadi thedire. Eigna mare tirodi kokhonidi kolho keha naiknore.

Thoutonu Eigna Mae Job 15:27

“Mae igne jateula mae te blokha nei dedei ra eghu, eghuteuna mae igne hiuhiku.

Jajis 10:6

Eghuteuna theome raugha ke leghudi igre, naiknodi Israel igre ne funu huhughuni Lord ne tarai ka mumujudi Baal ghe Astarot. Mare jaola tarai ka nodi god naiknodi Siria, nei nodi god naiknodi Saedon, nei nodi god naiknodi Moab, nei nodi god naiknodi Amon, nei nodi god naiknodi Filistia.

Ululahu Kronikols 5:25

Naiknodi thilo vike igre theome ghatho tahuni nodi God mae kuꞌedi tifa ra. Mare ne funu tarai ka nodi mumuju god iheire teke roꞌedi God ka namono Kenan.

Fapea Kronikols 26:16

Nu kate haghe te rheta fara mana te fnakno nanghagna na, mana ne funu fahaehaghe fara ne ghilei groꞌe mana. Mana tapla jafra ka nakhibo ranghini Lord nogna God na kate tei ruma mana lamna ka nogna Sugablahi Lord na ne gahu insens ka Olta mala Gahu Insens.

Nodi Khoje Hatimare Mae Jiu 81:11

“Naiknodi Israel gre nogu iara, nu mare theome fanomho ka iara nei theome leghu ghau iara eghu.

Profet Jeremaea 2:31

“Ghotilo maemi Israel ra, fanomho ka nogna cheke Lord igne! “Iara neke theome tei koko ghami ghotilo ka namono nagou ia. Theo! Naugna unha si ghotilo ne snaglahi themi teu te tirodi leghu ghau iara gnea?

Fapea Kronikols 12:1

Kate funei fruni Rehoboam te kaisei king rheta gna Juda na, mana baludi nogna naiknore ne figri tagruni nogna Vetula Lord.

Nehemaea 9:26

“Nu neuba ngau, mare figri tagru nigho nei theome leghu nigho, nei theome magnahaghedi nou vetulare. Mare falehedi nou mae profet, mae iheire te mala cheke ranghidi mala teke pulo mei mare ka iagho. Mare edi thua nafnata glepo te diꞌa mala goigoni nigho iagho.

Nodi Khoje Hatimare Mae Jiu 89:27

Mana ginau na mala jateula mae thugu teke kulu karha mei ka iara ra eghu, eghuteuna mana ginauna mala kaisei mae nafnakno ke uludi hatimare mae king te gnafa ka nauthoglu igne.

Nodi Khoje Hatimare Mae Jiu 100:3

Ghotilo mala filo glani mana eigna Lord na mana God. Tahati nogna mana, naugna mana neke vuavuha ghita. Tahati nogna naikno mana te fiofilo ghita jateula nogna sipu.

Profet Isaia 43:1

Nu Lord mae ihei teke vahi ghami ghotilo naiknomi Israel, mana neke cheke eghu, “Ghotilo thosei mhaghu, naugna iara la hata fapulo ghamihi ghotilo. Eghuteuna iara kilo ghami ghotilo nogu naikno iara.

Profet Jeremaea 2:32

Ba, gaꞌase te jifla kokoni nogna suga na te mala tolaghi na, naꞌa tangomana te ghatho ihodi nogna famane pohe nei khome teure? Theo fara! Nu ghotilo nogu naikno iara gre, ghotilo ghatho iho ghau iara fabrahu.

Profet Esikiel 14:5

Iara ginauna eni igne, naugna iara magnahaghei te figri gaoghathomi ghotilo naiknomi Israel tela tei koko ghauhi iara tela tarai fabrahu ka mumuju ra.’

Profet Hosia 4:7

Ghotilo mae pris igre la kmana fara, ghotilo la edi kmana nakhibo fara. Eghuteuna nanghami ghotilore la nhudu tongana heva heva ka naiknore. Nu iara ginauna na nhaꞌa fapari ghami ghotilo mala mamaja nomi ghotilo ka naiknore.