Diutronomi 32:14 - Buka Blahi Ka Cheke Holo

¹⁴ Eghuteuna nomi buluka nei nanigot nei sipu teu ghotilo re blokha fara ka teke au reꞌe ka namono Besan. Reꞌe tufa kmana milk ka ghotilo. Eghuteuna nomi nagare wit ghotilo re famane fara. Eghuteuna waen ukru te koꞌu ghotilo re thofno mamahe fara.

Diutronomi 32:14 ပူးပေါင်းရင်းမြစ်များ

Jenesis 49:11

Iagho ginauna na au ka pharikeli, baludi unha te nabamu iagho re. Nou nagare nei nou buluka teu iagho re ginauna na e bruara. Eghuteuna gheu gano mala ima nei waen teu iagho re ginauna na kmana fara.

Nodi Khoje Hatimare Mae Jiu 147:14

Mana tusu ranghi ghita pharikeli mala au fakeli tahati ka kantri igne, nei tusu ranghi ghita gano te keli mala glealeꞌa tahati.

Nodi Khoje Hatimare Mae Jiu 81:16

Jame leghu ghau iara nogu naikno gre meuna, iara ginauna na faꞌimadi ka thofno gano te keli, eghuteuna iara ginauna na thofno faglealeꞌadi ka narane te imani mare jujurukuli te keli na.”

Profet Maeka 7:14

Lord, ghehati nou naikno iagho eigna iagho neke vahi ghami. Iagho reireghi fakeli ghami jateula nou sipu iagho eghu. Neuba ghehati ne nou sipu iagho ne au mata, nu glose te au famane buburu au faligoho ghami ghehati. Eghume, ghehati tore nigho iagho te mala snakre ghami ghehati nou sipu te gnafa gre mala ghamu ka famane buburu Besan nei Gilead, jateula nou sipu iagho teke ghamu tagna tifa ra eghu.

Profet Emos 4:1

Ghotilo goro gaꞌasemi Samaria te dedei ra, fanomho ka cheke igre. Ghotilo gognarona blokha jateula buluka te ghamu buburu te blokha ra neu ne theome nanga nomi ni kaisei glepo. Ghotilo theome kokhonidi naikno te nigra, nei filo faparidi iheire te kuma. Ghotilo cheke eghu koba ka khetomire, “Hata mei kmana waen mala koꞌu thaviru nogu!”

Profet Esikiel 39:18

Ghotilo ginauna tangomana te ghamu thinidi mae king, nei dadaradi nogna famane soldia, nei koꞌu dadaradi re jateula te ghamu nei koꞌu teu nafnahidi sua sipu nalhaꞌudi, nei nanigot nalhaꞌudi, nei buluka nalhaꞌudi te famane blokha mala fafara.

Profet Isaia 7:22

Thilo glepo igre kolho nate hata milk mana tadire. Naugna iheire nate au faleghu teu ka namono igne na, mare ginauna theo ghedi gano. Nu mare ginauna au ghedi kmana milk te mala koꞌu na, nei jurukuli eghu, naugna theome kmana naikno te au ka glose igne na.

Profet Isaia 7:15

Kate funu laseni mae sitei igne unha te keli na, nei unha te diꞌa na teuna, mana na ghamu jujurukuli nei milk eghu kolho. Ka narane tuana mana mae sitei ngau kolho.

Nodi Khoje Hatimare Mae Jiu 22:12

Kmana naoka mei falithui ghau iara jateula bukrei buluka te diꞌatadi ra eghu ka iara. Mare nheta fara jateula bukrei buluka di Besan ra eghu fara.

Thoutonu Eigna Mae Job 20:17

Eghume mana ginauna theome tangomana nate filodi kmana glepo te keli jateula oel, nei jurukuli, nei milk eghu te jifla mei ka nogna glose na.

Jajis 5:25

Sisera neke tore khoꞌu ka naꞌa, eghuteuna Jael neke tusu lao milk te keli ka mana, eghuteuna naꞌa lilisei ka kaisei kapu te nabagna funei.

Jenesis 18:8

Kate muita hi u nafnahi gna buluka na, mae Ebraham hata ne mei balu milk nei chis eghu mala ima thilo mare. Kate ima teu thilo mae igre na, mana kegra neu ke parigna gaju na rhedi thilo mae igre.

Thakle 14:20

Mana neke falehedi naikno te kmana te diꞌare ke kosigna namono biꞌo na. Kate lehe mare na, dadaradire ne thofa ne fodu ne haghe thokeni thilo gobi kilomita, sorugna na ne namo thokeni phei mita.

Naba 18:12

“Iara ngala teke tufa ari oliv oel nei waen majaghani nei famane gano teu ka ghotilo are. Eghume leuleghu finogha na, ghotilo ginauna tufa mei gano saro uludi ka nagare re ka iara Lord.

Thoutonu Eigna Mae Job 29:6

Ka narane tuana, nogu buluka iara re tusu ranghi ghau iara kmana milk, eghuteuna iara au ghegu kmana sisi oliv mala ei kmana oel.

Diutronomi 28:47

Kate fablahi ghami Lord ka glepo te kmana re, eghuteuna ghotilo theome thofno keli tami te pogho soru ka mana teuna,

Nehemaea 9:25

Mare magra ne hata namono ringni te lithui ka thina nei glose te thofno keli fara teu igre. Mare neke hata suga te fodu ka famane glepo te keli nei seu teke dokhahi naikno teke au ka namono igne, nei nagare grep, nei nagare oliv, nei keha gaju te ure kmana sisi te keli tadi. Mare ghamu kmana gano fara ne ghilei blokha fara. Eghuteuna leuleghu fata na mare glealeꞌa fara ka glepo teke tusu lao iagho ka mare igre.

Nehemaea 9:26

“Nu neuba ngau, mare figri tagru nigho nei theome leghu nigho, nei theome magnahaghedi nou vetulare. Mare falehedi nou mae profet, mae iheire te mala cheke ranghidi mala teke pulo mei mare ka iagho. Mare edi thua nafnata glepo te diꞌa mala goigoni nigho iagho.

Profet Hosia 11:4

Iara neke edi gobigna lepore ranghidi jateula kaisei thugu thegu te thofno namhani fara ra neku neke fakarhidi nei faꞌimadi neku.