Diutronomi 32:13 - Buka Blahi Ka Cheke Holo

¹³ Mana hata mei ghami ghotilo ke lamna kmana thogele ka namono Kenan. Mana tusu ari kmana famane gano ka nagare ghotilo re. Mana neke togho ghami ghotilo mala au ghemi kmana jurukuli te jifla mei ke lamna goro thina. Mana neke fablahi ghami ghotilo baludi famane gaju oliv te kotu ka glose aheva teke theome naba te mala tobi nagare ghotilo.

Diutronomi 32:13 ပူးပေါင်းရင်းမြစ်များ

Profet Isaia 58:14

Uve, jame te eni ghotilo igne na, ghotilo ginauna keli tami fara, naugna ghotilo ne lase ghau iara. Naikno te gnafa ka nauthoglu igne ginauna ghatho tahu ghami ghotilo, eghuteuna ghotilo ginauna na au fakeli ka kantri teke tusu ari iara ka ku'emi Jekop tifa igne. Iara Lord te chekeni igne!”

Thoutonu Eigna Mae Job 29:6

Ka narane tuana, nogu buluka iara re tusu ranghi ghau iara kmana milk, eghuteuna iara au ghegu kmana sisi oliv mala ei kmana oel.

Nodi Khoje Hatimare Mae Jiu 81:16

Jame leghu ghau iara nogu naikno gre meuna, iara ginauna na faꞌimadi ka thofno gano te keli, eghuteuna iara ginauna na thofno faglealeꞌadi ka narane te imani mare jujurukuli te keli na.”

Profet Esikiel 36:2

Lord God ne cheke eghu: ‘Nodi naoka naiknodi Israel igre kelitadi fara, ne cheke eghu, “Aosi! Thogele teke audi funu tifa tela ghilei mei posa ka narane gognarogne igre, noda tahati!” ’

Diutronomi 33:29

Gognarona ghotilo Israel glealeꞌa fara. Theo kaisei naikno te jateula ghotilo te fakarhi ghamihi Lord teu igre. Lord na jateula nomi greoreo eghu ghotilo mala theome tangomana nodi jata nomi naoka ghotilo are te fadi ghami ghotilo na. Eghuteuna mana jateula nomi famane naflahi eghu ghotilo mala uludi ghotilo naokare. Naoka igre ginauna mei mhaghu fififri balu tanhi ke ulumi ghotilo, nu ghotilo ginauna tapla ke klignadi nei goigonidi eghu mare.”

Diutronomi 33:26

Aonu mae Moses neke cheke eghu ka naikno te gnafadi Israel, “Theo kaisei god te jateula nomi God ghotilo naiknomi Israel te doglo ra. Mana tangomana te kasa ka maloa na te togho ghami ghotilo, eghuteuna mana tei ke lamna khoveo ka nogna nolaghi biꞌo.

Profet Isaia 48:21

Kani teke batudi teke mei mana kuꞌeda tahati ra ka namono nagou te brana fara na tifa ra, mare neke theome lehe ka khoꞌu. Theo. Mana neke tothora thina na neke jifla mei khoꞌu na neke koꞌu mare.

Profet Esikiel 21:17

Iara jaola fakakhana te diꞌatagu fara ka mare na, eghuteuna ke leghu na diꞌatagu iara na ginauna hui. Iara Lord te cheke igne!”

Diutronomi 8:8

Glose igne au nagare wit nei bali, nei sisi grep, nei sisi pomegranet, nei gaju fig, nei gaju oliv, nei jaola au kmana jurukuli.

Diutronomi 8:15

Thosei ghatho ihoni teke batu ghami mana ke lamnagna namono nagou te krepa nei biꞌo fara nei diꞌa fara. Ka namono nagou aheva te au kmana mogo faghughumhu nei thafrasege, nei theo khoꞌu. Nu Lord neke chekeni khoꞌu na neke jifla mei ka kaisei thina biꞌo mala koꞌu ghotilo.

Fapea Samuel 22:34

Mana taji fakeli ghau iara, mala theome uka iara, jateula deer te lase chari, ka thabafe te ninhigrana ra eghu iara.

Thoutonu Eigna Mae Job 20:17

Eghume mana ginauna theome tangomana nate filodi kmana glepo te keli jateula oel, nei jurukuli, nei milk eghu te jifla mei ka nogna glose na.

Nodi Khoje Hatimare Mae Jiu 18:33

Mana fahetadi phei gahegu iara gre mala maku jateula ghahe nanigot eghu. Eghuteuna nogu naoka iara gre na filo ghau iara te theome uka iara kate tei ka phegu te ninhigrana na.

Profet Hosia 13:6

Nu kate hata glose mare te au tagna na, mare neke keli tadi, naugna iara neke tusu ranghidi kmana gano. Puhi igne te fahaehagheni fara mare te ghatho iho ghau iara fabrahu te ghilei mei posa gognarogne.

Diutronomi 28:47

Kate fablahi ghami Lord ka glepo te kmana re, eghuteuna ghotilo theome thofno keli tami te pogho soru ka mana teuna,

Profet Esikiel 16:13

“ ‘Eghume, iagho au nou glepo te keli teke horo mare ka gol nei silva mala famane fara iagho filomu na. Eghuteuna leuleghu fata na iagho na pipichi ka pohe teke horo mare ka famane pohe vegha te thofno keli fara filogna na. Iagho au gheu faghano gano te keli jateula bret teke hohoro mare ka famane flaoa, nei jurukuli, nei oliv oel. Iagho thofno famane fara filomu na eghuteuna iagho nabamu fara te mala kaisei Kuin.