Diutronomi 32:12 - Buka Blahi Ka Cheke Holo

¹² Lord kolho teke batu ghami ghotilo na. Theo kaisei god teke au balumi ghotilo na.

Diutronomi 32:12 ပူးပေါင်းရင်းမြစ်များ

Profet Isaia 46:4

Uve, iara nomi God ghotilo, eghume, iara ginauna reireghi ghami ghotilo fabrahu ghilei kuekuꞌe nei nufa eghu ghotilo. Iara neke vuavuha ghami ghotilo, eghuteuna iara ginauna reireghi ghami ghotilo. Iara ginauna na jaola togho ghami nei fakarhi ghami eghu ghotilo.

Nodi Khoje Hatimare Mae Jiu 136:16

Mana batudi neke tei nogna naiknore ke lamna namono nagou na. Mana ne namha ghita tahati tifa tifa.

Nodi Khoje Hatimare Mae Jiu 78:14

Ka narane tuana, mana neke eni kaisei nafnata khoveo mala batudi mare, eghuteuna fei bongiro na, mana neke batudi ka naphaegna kaisei nafnata khaꞌaghi.

Diutronomi 1:31

nei ka namono nagou ia eghu. Ghotilo la filonihi jateula kani teke hata fajifla ghita mana Ijep ia eghu, theo kaisei glepo teke goigoni ghita tahati ka nabrou te mei posa agne! Mana reireghi fakeli ghami ghotilo jateula kaisei mama te reireghi fakelini thugna na ia eghu.’

Nodi Khoje Hatimare Mae Jiu 27:11

Lord, farirhiu ghau puhimu iagho na eghuteuna iara ginauna na leghu nigho iagho. Bara fothi ghau, naugna nogu naoka iara gre kmana fara.

Nehemaea 9:12

Ka narane na, iagho au ke lamna grokho biꞌo mala tei ke uludi mala leghu nigho mare. Eghuteuna ka bongi na, iagho au ke lamna khaꞌaghi biꞌo, eghuteuna naphaemu iagho na falalase nabroudi mare.

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Diutronomi 4:35

“Mana fakakhana ka ghotilo glepo igre mala laseni ghotilo te Lord kolho God na, theo kaisei god aheva nga.

Diutronomi 4:39

“Eghume ghotilo mala laseni nei ghaoghatho fakeli eghu gognarona, Lord kolho te au kligna nei ka nauthoglu pari igne. Theo kaisei god te au aheva nga.

Nodi Khoje Hatimare Mae Jiu 81:9

Ghotilo thosei atha mei kaisei god aheva nga, nei thosei pogho soru ka keha god delei.

Profet Isaia 63:14

Lord ne tusu lao ka nogna naiknore kaisei vido mala gnafa, jateula mae te batudi nogna bulukare te tei ka vido te au buburu te keli ra neku. Naugna igne naiknore ghatho tahuni fara nanghagna mana na.

Josua 24:17

Kani teke loku jateula naikno sneka teku kuꞌeda ka namono Ijep tifa ra, Lord noda God mae ihei teke hata fajifla ghita mala snagla tahati hui, eghuteuna ghehati neke filodi kofubobhoi teke edi mana ka narane tuare. Mana neke reireghi fakeli ghita ka vido te gnafa aheva teke tei tahati ra, nei ka tathadi naikno teke tei salaꞌu tahati ka nodi glose mare ra.

Thoutonu Eigna Mae Job 15:19

God ne snakre lao namono igne ka mae biꞌo ra, eghuteuna theo kaisei naikno aheva nga teke au te mala goigonidi mare na.

Profet Hosia 11:4

Iara neke edi gobigna lepore ranghidi jateula kaisei thugu thegu te thofno namhani fara ra neku neke fakarhidi nei faꞌimadi neku.